Public App Logo
Login
Profile Picture

Basweshwar Dawle

@basweshwar170
276Followers
1Following
उदगीर येथे रावण दहणाचा कार्यक्रम संपन्न
Video 1
उदगीरच्या छत्रपती शिवाजी महाराज चौकात ऊस ट्रॉली पलटी; ट्रॅक्टर चालकासह सर्व सुखरूप, सुदैवाने जीवितहानी टळली उदगीर :साखर कारखान्याला ऊस घेऊन जाणाऱ्या ट्रॅक्टरच्या ट्रॉलीची रिंग मोडल्याने टायर फुटून ट्रॉली पलटी झाल्याची घटना आज उदगीरच्या छत्रपती शिवाजी महाराज चौकात घडली. ट्रॉली ऊसाने भरलेली असल्याने संपूर्ण ऊस रस्त्यावर विखुरला गेला. चौक हा शहरातील मुख्य वर्दळीचा असल्याने घटनेनंतर बराच वेळ वाहतूक खोळंबली होती आणि नागरिकांची मोठी गर्दी जमली होती. सुदैवाची बाब म्हणजे या भीषण वाटणाऱ्या अपघातात ट्रॅक्टर चालकासह कोणीही जखमी झाले नाही. कोणतीही जीवितहानी झाली नाही.
रंगकर्मीची कीर्तावणी : अभंग-भारूडातून संतविचार, उदगीरकर मंत्रमुग्ध उदगीर (प्रतिनिधी) - संतसाहित्य, वारकरी परंपरा आणि आधुनिक जीवनातील वास्तव यांचा सुरेख संगम साधत रंगकर्मी प्रतिष्ठान, उदगीरच्यावतीने छत्रपती शिवाजीराजे महाविद्यालयात 'कीर्तावणी' या संगीतमय नाट्यप्रयोगाचे आयोजन करण्यात आले होते. अभंग, भारूड, लावणी, कीर्तन आणि बतावणीच्या माध्यमातून संतविचारांचा जागर घडविणाऱ्या या प्रयोगाने उदगीरकर रसिकांना अक्षरशः मंत्रमुग्ध केले. वारकरी संप्रदायाने महाराष्ट्राला दिलेली वैचारिक व सांस्कृतिक देणगी आणि संतविचारांची आजच्या काळातील उपयुक्तता या प्रयोगातून प्रभावीपणे मांडण्यात आली. उपरोधिक, खुसखुशीत आणि अभ्यासपूर्ण सादरीकरणामुळे केवळ मनोरंजनच नव्हे, तर विवेकजागृतीचा संदेशही रसिकांपर्यंत पोहोचला. ऋचिका खोत आणि स्वामीराज भिसे या कलाकारांच्या प्रभावी अभिनयाला संगीत, नृत्य व वादनाची उत्तम साथ लाभल्याने संपूर्ण प्रयोगातून जणू पंढरीच्या वारीचाच अनुभव रसिकांना मिळाला. या प्रयोगास माजी मंत्री आ. संजय बनसोडे, बसवराज पाटील नागराळकर, तहसीलदार राम बोरगावकर, रमेश अण्णा अंबरखाने, रामभाऊ तिरुके, जिल्हा परिषद बांधकाम सभापती ज्ञानेश्वर बिरादार, प्राचार्य डॉ. रामकिशन मांजरे, शिक्षक नेते सर्जेराव भांगे, जिल्हा परिषद सदस्य दिलीप मटके, डॉ. बाळासाहेब पाटील, डॉ. अनिल भिकाने, उपसभापती विक्की भोसले, बालाजी भोसले, प्रतिष्ठानचे अध्यक्ष प्रा. बिभीषण मद्देवाड, सचिव प्रा. ज्योती मद्देवाड, उपाध्यक्ष सिद्धार्थ सूर्यवंशी यांच्यासह अनेक मान्यवरांची उपस्थिती होती. कार्यक्रमाचे प्रास्ताविक रसुल पठाण यांनी केले, तर सूत्रसंचालन अॅड. महेश मळगे यांनी केले. हा प्रयोग यशस्वी करण्यासाठी रसूल पठाण, रामदास केदार, अॅड. महेश मळगे, नीता मोरे, लक्ष्मण बेंबडे, संदीप निडवदे, मनोहर लोहारे, हणमंत केंद्रे, नागनाथ गुटे, मारोती भोसले, प्रल्हाद येवरीकर, बाबासाहेब मादळे, विशाल आदेप्पा यांनी परिश्रम घेतले.
आकाशवाणीच्या 'युवा कट्टा' मध्ये हावगीस्वामी महाविद्यालयाच्या १३ विद्यार्थ्यांचा सहभाग उदगीर (प्रतिनिधी) -भारत सरकारच्या माहिती आणि प्रसारण मंत्रालयाच्या अंतर्गत येणाऱ्या आकाशवाणी परभणी केंद्राच्या लोकप्रिय 'युवा कट्टा' या कार्यक्रमात श्री हावगीस्वामी महाविद्यालय, उदगीर येथील १३ विद्यार्थ्यांनी सहभाग नोंदविला. आकाशवाणीच्या स्टुडिओमध्ये प्रत्यक्ष उपस्थित राहून विद्यार्थ्यांनी आपले विचार, काव्यवाचन आणि समकालीन प्रश्नांवर मते व्यक्त केली. ग्रामीण भागातील मुलांच्या सुप्त गुणांना वाव दिल्याबद्दल महाविद्यालयाने केंद्र संचालक सदानंद कामडी आणि निवेदिका सुमेधा कुलकर्णी यांचे आभार मानले. यामध्ये संस्कार मठपती, पृथ्वीराज पाचपिंडे, वैभवी वारद, श्रद्धा मजगे, स्वराली पाटील, प्रथमेश भारती, महादेव सूर्यवंशी, प्रियांका पाटील, श्रद्धा भालेराव, सादिया आत्तार, क्षितिजा नळगीरे, राधिका बिरादार आणि मयुरी गोताळे यांचा समावेश होता. विद्यार्थ्यांना मराठी विभागातील डॉ. म. ई. तंगावार यांचे मार्गदर्शन लाभले. हा कार्यक्रम दि. १८ ऑक्टोबर आणि ०१, ०८, १५ नोव्हेंबर २०२६ रोजी रविवारी सकाळी ११:०५ वाजता आकाशवाणी परभणी केंद्रावर चार भागात प्रसारित होणार आहे. श्रोत्यांनी NEWSONAIR ॲपवरून कार्यक्रम ऐकावा. याबद्दल संस्थेचे अध्यक्ष उमेश पाटील देवणीकर, सचिव डॉ. मनीषा वडियार, प्राचार्य डॉ. एन. जी. एमेकर व सर्व पदाधिकाऱ्यांनी विद्यार्थ्यांचे अभिनंदन केले.
दुष्काळात ५ हजाराचं चॉकलेट देऊन बळीराजाची थट्टा थांबवा; अन्यथा लोक मंत्र्यांना गावात फिरू देणार नाहीत - रोहित पवारांचा सरकारला इशारा मुंबई:महाराष्ट्र दुष्काळाच्या छायेत असताना सरकारने शेतकऱ्यांना दिलेल्या तुटपुंज्या मदतीवरून राष्ट्रवादी काँग्रेस शरदचंद्र पवार गटाचे आमदार रोहित पवार यांनी राज्य सरकारवर जोरदार टीका केली आहे. सोशल मीडियाच्या माध्यमातून सरकारवर निशाणा साधत रोहित पवार म्हणाले, "दुष्काळाच्या आगीत शेतकरी होरपळून निघत असल्याने शेतकऱ्यांना हेक्टरी किमान १ लाख रुपये, तर शेतमजुरांना २५,००० रुपये मदत देण्याची आमची मागणी आहे. पण सरकारने अग्रीम रक्कम म्हणून केवळ ५,००० रुपयांवर शेतकऱ्यांची बोळवण केली. नेत्यांच्या आणि मंत्र्यांच्या एका चहापानाचा खर्चही यापेक्षा कितीतरी मोठा आहे… आज शेतीचा मशागत खर्चच हेक्टरी ३० ते ५० हजार रुपयांवर गेलाय आणि अशा परिस्थितीत जाहिरातींवर कोट्यवधींची उधळपट्टी करणारं हे सरकार ५ हजार रुपयांचं चॉकलेट शेतकऱ्यांच्या हातावर टेकवत असेल, तर अन्नदात्याची अशी चेष्टा करताना सरकारला लाज कशी वाटत नाही? हा बळीराजाचा केवळ अपमानच नाही, तर त्याच्या परिस्थितीची क्रूर थट्टा आहे! सरकारने शेतकऱ्यांना मदत म्हणून हेक्टरी १ लाख रुपयांपैकी अग्रीम रक्कम म्हणून ३० ते ३५ हजार रुपये आणि शेतमजुरांना प्रतिकुटुंब २५ हजार रुपयांपैकी अग्रीम रक्कम म्हणून १० हजार रुपये द्यावेत. अन्यथा, लोक नेत्यांना आणि मंत्र्यांना दिवाळी साजरी करू देणार नाहीत आणि गावातही फिरू देणार नाहीत..!" <nis:link nis:type=tag nis:id=दुष्काळग्रस्त_शेतकरी nis:value=दुष्काळग्रस्त_शेतकरी nis:enabled=true nis:link/> <nis:link nis:type=tag nis:id=शेतकरी_मदत nis:value=शेतकरी_मदत nis:enabled=true nis:link/> <nis:link nis:type=tag nis:id=बळीराजा nis:value=बळीराजा nis:enabled=true nis:link/> <nis:link nis:type=tag nis:id=महाराष्ट्रातील_दुष्काळ nis:value=महाराष्ट्रातील_दुष्काळ nis:enabled=true nis:link/> <nis:link nis:type=tag nis:id=farmersfirst nis:value=FarmersFirst nis:enabled=true nis:link/> <nis:link nis:type=tag nis:id=maharashtradrought nis:value=MaharashtraDrought nis:enabled=true nis:link/> <nis:link nis:type=tag nis:id=rohitpawar nis:value=RohitPawar nis:enabled=true nis:link/> <nis:link nis:type=tag nis:id=ncp nis:value=NCP nis:enabled=true nis:link/> <nis:link nis:type=tag nis:id=maharashtragovernment nis:value=MaharashtraGovernment nis:enabled=true nis:link/> <nis:link nis:type=tag nis:id=primelivenews nis:value=PrimeLiveNews nis:enabled=true nis:link/>
महाराष्ट्र दुष्काळाच्या छायेत आणि आपण दांडियाच्या तालात? एकीकडे माझा बळीराजा पुढचे ८ महिने कसे जगायचे या चिंतेत आहे. शेतात पीक नाही, हाताला काम नाही, शेतमजुराच्या घरात चूल पेटायची पंचाईत.आणि दुसरीकडे लाखो रुपये खर्च करून दांडियाचे इव्हेंट, डीजे, लाईटिंग...सण-उत्सव जरूर साजरे करा, पण भान पण ठेवा. आजची परिस्थिती भीषण आहे हे विसरून चालणार नाही.उत्सवाच्या नावाखाली चाललेला हा दिखावा थांबवून, तोच पैसा एखाद्या गरजू शेतकऱ्याच्या मदतीला लावला तर खरा उत्सव साजरा होईल.गोरगरीबांनी सण कसे साजरे करायचे? याचा तरी विचार करा. <nis:link nis:type=tag nis:id=महाराष्ट्रदुष्काळ nis:value=महाराष्ट्रदुष्काळ nis:enabled=true nis:link/> <nis:link nis:type=tag nis:id=शेतकरी nis:value=शेतकरी nis:enabled=true nis:link/> <nis:link nis:type=tag nis:id=विचार nis:value=विचार nis:enabled=true nis:link/> करा
उदगीर ग्रामीण पोलिसांची अवैध गुटखा तस्करीवर मोठी कारवाई; 10 लाखांचा मुद्देमाल जप्त, दोघे जेरबंद उदगीर, दि. 15 - महाराष्ट्रात प्रतिबंधित असलेल्या गुटखा, पान मसाला आणि सुगंधित तंबाखूजन्य पदार्थांची चोरटी वाहतूक करणाऱ्या टोळीला उदगीर ग्रामीण पोलिसांनी जेरबंद केले असून बिदर गेट - ठाकरे चौक परिसरात मध्यरात्री करण्यात आलेल्या कारवाईत सुमारे 10 लाख रुपयांचा मुद्देमाल जप्त करण्यात आला आहे. दि. 14 ऑक्टोबर 2026 रोजी रात्री 21.30 वाजेच्या सुमारास बिदर गेट परिसरातून एक संशयास्पद कार जात असल्याची गोपनीय माहिती पोलीस ठाणे प्रभारी पोनि. गाडे यांना मिळाली होती. त्यांनी तात्काळ एक पथक तयार करून नाकाबंदी करण्याचे आदेश दिले. पोहेका 462 श्रीमंगले यांच्या पथकाने सापळा रचून MH 21 BF 9390 क्रमांकाची मारुती सुझुकी डिझायर कार अडवली. कारची झडती घेतली असता, आतमध्ये पोत्यांमध्ये दडवून ठेवलेला प्रतिबंधित गुटख्याचा मोठा साठा आढळून आला. पोलिसांनी कारसह दोन्ही इसमांना ताब्यात घेतले. या कारवाईत पोलिसांनी 1 लाख 87 हजार 950 रुपयांचा प्रतिबंधित गुटखा, पान मसाला आणि सुगंधित तंबाखू तसेच गुन्ह्यात वापरलेली 8 लाख रुपये किमतीची कार असा एकूण 9,87,950 रुपयांचा मुद्देमाल जप्त केला आहे. अटक करण्यात आलेले आरोपी मंचक रघुनाथ मोटे वय 31 वर्षे आणि मोतीराम मुंजाजी गायकवाड वय 39 वर्षे दोघेही रा. आपोली ता. गंगाखेड जि. परभणी येथील आहेत. या प्रकरणी पोलीस कर्मचारी बजरंग नागनाथ गजलवार वय 33 यांनी दिलेल्या फिर्यादीवरून उदगीर ग्रामीण पोलीस ठाण्यात गु.र.नं. 719/2026 भारतीय न्याय संहिता कलम 123, 223, 274, 275, 3(5) आणि अन्न व सुरक्षा मानके अधिनियम 2006 चे कलम 59 अन्वये गुन्हा नोंदवण्यात आला आहे. गुन्ह्याचा पुढील तपास पोउपनिरीक्षक नरवटे हे करीत असून हा माल कुठून आणला, उदगीरमध्ये कोणाला पुरवठा करणार होते आणि यामागे मोठे रॅकेट आहे का याचा तपास पोलीस करत आहेत. महाराष्ट्र शासनाने मानवी आरोग्यास हानिकारक असल्याने गुटखा, पान मसाला आणि सुगंधित तंबाखूच्या उत्पादन, साठा आणि विक्रीवर पूर्णपणे बंदी घातली आहे. असे असतानाही परराज्यातून आणि इतर जिल्ह्यांतून चोरट्या मार्गाने हा माल आणून विक्री केली जाते. पोलीस निरीक्षक गाडे यांनी सांगितले की, अवैध धंदे आणि प्रतिबंधित पदार्थांच्या वाहतुकीवर रोख लावण्यासाठी आमचे पथक सतत गस्त घालत आहे.
श्री हावगीस्वामी महाविद्यालयात वाचन प्रेरणा दिन उत्साहात साजरा वाचनामुळे अलौकिक आनंद मिळतो - प्र. प्राचार्य डॉ. एन.जी. एमेकर उदगीर (प्रतिनिधी) - येथील श्री हावगीस्वामी महाविद्यालयात भारतरत्न डॉ. ए.पी.जे. अब्दुल कलाम यांच्या जयंतीनिमित्त वाचन प्रेरणा दिन विविध उपक्रमांनी उत्साहात साजरा करण्यात आला. कार्यक्रमाच्या अध्यक्षस्थानी महाविद्यालयाचे प्र. प्राचार्य डॉ. एन.जी. एमेकर होते, तर मंचावर ग्रंथपाल प्रा. अजित रंगदळ उपस्थित होते. कार्यक्रमाचे प्रास्ताविक प्रा. धनराज बंडे यांनी केले. यावेळी बोलताना प्राचार्य डॉ. एमेकर म्हणाले, "विद्यार्थ्यांनी तास संपल्यानंतर ग्रंथालयात बसायला हवे. ग्रंथालयात आल्यानंतर काही ना काही शिकायला मिळते. डॉ. ए.पी.जे. अब्दुल कलाम आणि किरण बेदी यांसारख्या व्यक्तींनी वाचन संस्कृतीतूनच इतिहास निर्माण केला. त्यामुळे वाचन संस्कृतीपासून दूर जाता कामा नये, कारण वाचनामुळे जो आनंद मिळतो त्याची तुलना कशाशीही करता येत नाही." या कार्यक्रमात प्रगती गायकवाड (बी.एस्सी. द्वितीय वर्ष), अर्जुन तेलंग (बी.ए. प्रथम वर्ष), अत्तार सादिया (बी.ए. प्रथम वर्ष), वैशाली पायवाडे (बारावी कला), गौरी ददापुरे (बारावी वाणिज्य), वसुंधरा भंडे (अकरावी वाणिज्य) या विद्यार्थ्यांनी ग्रंथातील लेख, कविता आणि डॉ. कलाम यांच्यावरील लेखांचे अभिवाचन केले. तसेच प्रियंका पाटील (बी.ए. प्रथम वर्ष) आणि संस्कार मठपती (बी.एस्सी. तृतीय वर्ष) यांनी वाचन संस्कृतीच्या अनुषंगाने आपले मनोगत व्यक्त केले. या कार्यक्रमास डॉ. वर्षा निरगुडे, प्राध्यापक व विद्यार्थी मोठ्या संख्येने उपस्थित होते. कार्यक्रमाच्या यशस्वीतेसाठी नागनाथ केंद्रे यांनी परिश्रम घेतले. सूत्रसंचालन डॉ. म.ई. तंगावार यांनी केले, तर आभार ग्रंथपाल प्रा. अजित रंगदळ यांनी मानले.
दुष्काळात शेतकऱ्यांना आणि गरजूंना साथ हाच युवकांचा संकल्प; राष्ट्रवादी युवक काँग्रेसचा मेळावा लातूरमध्ये उत्साहात संपन्न लातूर :जिल्ह्यात दुष्काळाची तीव्रता वाढत असताना राष्ट्रवादी युवक काँग्रेसने सामाजिक बांधिलकीचा आदर्श घालून दिला आहे. राष्ट्रवादी युवक काँग्रेसचा युवक संकल्प मेळावा लातूर येथे मोठ्या उत्साहात आणि खेळीमेळीच्या वातावरणात पार पडला. या मेळाव्यात प्रातिनिधिक स्वरूपात जिल्ह्यातील 101 गरजू कुटुंबांना मोफत अन्नधान्य किटचे वाटप करून सामाजिक उपक्रम राबवण्यात आला. काल दि. 13/10/2026 रोजी सेलेब्रेशन रिसॉर्ट, लातूर येथे हा भव्य मेळावा राष्ट्रवादी काँग्रेसचे जिल्हाध्यक्ष प्रा. डॉ. अफसर शेख यांच्या अध्यक्षतेखाली संपन्न झाला. या मेळाव्यास प्रमुख पाहुणे म्हणून राष्ट्रवादी युवक काँग्रेसचे नवनियुक्त प्रदेशाध्यक्ष निखील दादा ठाकरे यांची प्रमुख उपस्थिती होती. यावेळी व्यासपीठावर लातूर जिल्हा परिषदेचे उपाध्यक्ष दयानंद सुरवसे, बांधकाम सभापती ज्ञानेश्वर बिरादार, समाज कल्याण सभापती उत्तमराव माने, जि. प. सदस्य डॉ. दीपक सोमवंशी, जि. प. सदस्य उमेश उमापुरे, जिल्हा कार्याध्यक्ष प्रा. अंकुश नाडे, कार्यालयीन युवक प्रदेश सरचिटणीस अमरजी पाटील व इतर सर्व सन्माननीय जि. प. सदस्य, पंचायत समिती सदस्य, नगरसेवक व इतर मान्यवर मोठ्या संख्येने उपस्थित होते. महाराष्ट्र राज्याचे सहकार मंत्री बाबासाहेब पाटील यांनी फोन कॉलद्वारे उपस्थित युवकांना मार्गदर्शन केले. त्यांच्या मार्गदर्शनामुळे उपस्थित युवकांमध्ये प्रचंड उत्साह संचारला. कार्यक्रमाचे आयोजक युवक जिल्हाध्यक्ष महेश बिरादार यांनी युवक संघटनेच्या कार्याचा संपूर्ण आढावा सादर करत युवकांच्या विविध मागण्या मांडल्या व जिल्हास्तरीय रोजगार मेळाव्याचे आयोजन करण्याची विनंती केली. त्यांच्या नेतृत्वात लातूर जिल्ह्यातील युवक संघटना अतिशय चांगले आणि भरीव काम करत असून त्यांच्या पाठीशी कायम खंबीरपणे उभे असल्याचे प्रतिपादन युवक प्रदेशाध्यक्ष निखील ठाकरे यांनी आपल्या मनोगतात व्यक्त केले. या प्रसंगी जिल्हा व तालुका स्तरावरील विविध नियुक्त्यादेखील देण्यात आल्या. या कार्यक्रमाच्या यशस्वीतेसाठी जिल्हा कार्याध्यक्ष रवी धुमाळ व कार्यकारिणीने परिश्रम घेतले, सूत्रसंचालन जिल्हा संघटक जनक बिरादार यांनी केले व आभार जिल्हा उपाध्यक्ष प्रसाद बाजगिरे यांनी मानले.
उसाच्या शेतात गांजाची लागवड; साडेचार लाखांचा मुद्देमाल जप्त शिरूर अनंतपाळ पोलिसांची कारवाई; एकावर गुन्हा दाखल लातूर, दि. 19 : उसाच्या शेतात गांजाची लागवड केल्याचा धक्कादायक प्रकार शिरूर अनंतपाळ तालुक्यात उघडकीस आला आहे. पोलिसांनी छापा टाकून 8 किलो 620 ग्रॅम गांजा जप्त केला असून त्याची किंमत 4 लाख 31 हजार रुपये आहे. पोलीस अधीक्षक कार्यालयाकडून मिळालेल्या माहितीनुसार, मौजे सांगवी-घुगी शिवारातील सर्व्हे क्रमांक 12 मधील मधुकर बिरादार यांच्या उसाच्या शेतात गांजाची लागवड केल्याची माहिती पोलिसांना मिळाली होती. त्यानुसार दि. 18 ऑक्टोबर रोजी रात्री 8 वाजून 28 मिनिटांनी पोलिसांनी छापा टाकला. यावेळी शेतातून गांजाची झाडे उपटून दोन पोत्यांमध्ये भरलेला एकूण 8.620 किलो गांजा मिळून आला. याप्रकरणी मनोज मधुकर बिरादार (वय 38, रा. सांगवी-घुगी, ता. शिरूर अनंतपाळ) याच्याविरुद्ध शिरूर अनंतपाळ पोलीस ठाण्यात गु.र.नं. 333/2026, कलम 8(क), 20(ब)(ii)(ब) एनडीपीएस अधिनियम 1985 अन्वये गुन्हा दाखल करण्यात आला आहे. सदर गुन्ह्याची फिर्याद परिविक्षाधीन पोलीस उपअधीक्षक अक्षय जाधव यांनी दिली असून पुढील तपास पोलीस उपनिरीक्षक रायबोळे हे करीत आहेत. ही कारवाई पोलीस अधीक्षक अमोल तांबे यांच्या आदेशाने व अपर पोलीस अधीक्षक मंगेश चव्हाण यांच्या मार्गदर्शनात करण्यात आली.
फिल्म अभिनेता टायगर श्रॉफच्या गाडीवर गोळीबार दोघांनी केला गोळीबार
ब्रेकिंग - लातूरमध्ये माणुसकीला काळीमा; तरुणाला नग्न करून अमानुष मारहाण, एकाला अटक लातूर : लातूरमध्ये माणुसकीला काळीमा फासणारी धक्कादायक घटना समोर आली आहे. एका तरुणाला टोळक्याने बेदम मारहाण केल्याचा धक्कादायक प्रकार उघडकीस आला आहे. मिळालेल्या माहितीनुसार, एका तरुणाला नग्न करून पट्ट्याने आणि लाथाबुक्क्यांनी मारहाण करण्यात आली. तसेच त्याच्यासोबत अत्यंत अमानुष आणि क्रूर कृत्य केल्याचे समोर येत आहे. या मारहाणीचा व्हिडिओ आरोपींनीच मोबाईलमध्ये शूट करून सोशल मीडियावर व्हायरल केला होता. हा व्हिडिओ पोलिसांच्या निदर्शनास येताच पोलिस यंत्रणा तात्काळ सतर्क झाली. स्थानिक गुन्हे शाखा आणि एमआयडीसी पोलीस ठाण्याची दोन स्वतंत्र पथके आरोपींच्या शोधासाठी रवाना करण्यात आली आहेत. पोलिसांनी या प्रकरणातील एका आरोपीला ताब्यात घेतले असून उर्वरित तीन ते चार आरोपी फरार आहेत. पोलिस त्यांचा शोध घेत आहेत. ही घटना काही महिन्यांपूर्वीची असल्याची प्राथमिक माहिती समोर येत आहे. मारहाण नेमकी कोणत्या कारणातून झाली, व्हिडिओ व्हायरल करण्यामागचा उद्देश काय, याचा सखोल तपास एमआयडीसी पोलीस करत आहेत. या घटनेमुळे लातूर जिल्ह्यात संतापाची लाट उसळली असून आरोपींवर कठोर कारवाई करण्याची मागणी होत आहे.
*🔴 BREAKING | निलंग्यात थरार!* *<nis:link nis:type=tag nis:id=निलंगा_ब्रेकिंग nis:value=निलंगा_ब्रेकिंग nis:enabled=true nis:link/> : बायकोची छेड, नवऱ्याने केला चाकू हल्लेखोराचा खून!* निलंगा : काटे जवळगा येथे धक्कादायक घटना! बायकोची छेड काढून नवऱ्याला चाकूचा धाक दाखवणाऱ्याचाच खून! नवऱ्याने स्व-संरक्षणासाठी त्याच्याच चाकूने केला प्रतिहल्ला. आरोपीने स्वामी विवेकानंद पोलीस ठाण्यात स्वतःहून आत्मसमर्पण केलं, स्व-संरक्षणातून हत्या झाल्याचा दावा. काटे जवळगा गावात खळबळ, पोलिस तपास सुरू! <nis:link nis:type=tag nis:id=breaking nis:value=BREAKING nis:enabled=true nis:link/> <nis:link nis:type=tag nis:id=nilangacrime nis:value=NilangaCrime nis:enabled=true nis:link/> <nis:link nis:type=tag nis:id=laturbreaking nis:value=LaturBreaking nis:enabled=true nis:link/> <nis:link nis:type=tag nis:id=katejavalga nis:value=Katejavalga nis:enabled=true nis:link/> <nis:link nis:type=tag nis:id=primelivenews nis:value=PrimeLiveNews nis:enabled=true nis:link/>
लातूरमध्ये पाण्यावरून कडक निर्बंध! टँकरने पाणी विक्रीस बंदी, बेकायदा बोअरवेल खोदले तर मशीन जप्त होणार लातूर : जिल्ह्यात पर्जन्यतुटीमुळे भूजल पातळीत ४.५८ मीटरने घट झाली आहे. पिण्याच्या पाण्याची संभाव्य टंचाई लक्षात घेऊन जिल्हाधिकारी डॉ. भारत बास्टेवाड यांनी संपूर्ण लातूर जिल्ह्याला पुढील एक वर्षासाठी पाणीटंचाई क्षेत्र घोषित केले आहे. महाराष्ट्र भूजल (विकास व व्यवस्थापन) अधिनियम, २००९ अन्वये हे आदेश लागू करण्यात आले आहेत. यानुसार जिल्ह्यात शेती किंवा औद्योगिक वापरासाठी ६० मीटरपेक्षा अधिक खोल बोअरवेल खोदण्यास बंदी घालण्यात आली आहे. तसेच सार्वजनिक पिण्याच्या पाण्याच्या स्रोतापासून ५०० मीटर परिसरात नवीन बोअरवेल खोदता येणार नाही. सार्वजनिक जलस्रोतापासून १ किलोमीटर अंतरातील खासगी विहिरी व बोअरवेलमधून व्यावसायिक किंवा सिंचनासाठी पाणी उपसण्यावर निर्बंध लादण्यात आले आहेत. आवश्यकतेनुसार अशा विहिरी अधिग्रहित करण्याचे अधिकार तहसीलदारांना देण्यात आले आहेत. विनापरवाना भूजलाची विक्री व टँकरद्वारे वाहतूक करण्यासही मनाई करण्यात आली आहे. जिल्ह्यातील बोअरवेल रिग मशीन मालकांना ३० दिवसांच्या आत तहसील कार्यालयात नोंदणी करणे बंधनकारक असून, नियमांचे उल्लंघन करून खोदकाम केल्यास यंत्रसामग्री जप्त करण्यात येणार आहे. या आदेशाची अंमलबजावणी उपविभागीय अधिकारी, तहसीलदार, गटविकास अधिकारी व पोलीस प्रशासनामार्फत केली जाणार असून, उल्लंघन करणाऱ्यांवर कलम ५२ अंतर्गत फौजदारी गुन्हा दाखल करून दंड व कारावासाची कारवाई केली जाणार आहे.
उदगीर ग्रामीण पोलिसांची धडक कारवाई; थारसह साडेचौदा लाखांचा मुद्देमाल जप्त, एकाला अटक उदगीर (प्रतिनिधी) - महाराष्ट्रात प्रतिबंधित असलेल्या गुटख्याची अवैध वाहतूक करणाऱ्यांवर उदगीर ग्रामीण पोलिसांनी धडक कारवाई केली आहे. बिदर गेट परिसरात नाकाबंदी दरम्यान थार गाडीसह 14 लाख 48 हजार रुपयांचा मुद्देमाल जप्त करण्यात आला असून एका आरोपीला अटक करण्यात आली आहे. उदगीर ग्रामीण पोलीस गस्तीवर असताना गुरुवारी रात्री 10 वाजण्याच्या सुमारास ठाकरे चौक, बिदर गेट येथे बिदरहून येणारी एक थार गाडी (MH 24 BR 7722) संशयास्पदरित्या येताना दिसली. पोलिसांनी गाडी थांबवून झडती घेतली असता आतमध्ये पोत्यांमध्ये भरून ठेवलेला प्रतिबंधित पान मसाला आढळला. पोलीस तपासात गाडीमध्ये विमल पान मसाला, व्ही-1 तंबाखू, राज निवास सुगंधित पान मसाला आणि जाफरानी जर्दा असा एकूण 2 हजार 138 पुड्यांचा साठा मिळाला. या गुटख्याची किंमत 2 लाख 48 हजार 538 रुपये आहे. गुटख्यासह वाहतुकीसाठी वापरलेली 12 लाख रुपये किमतीची थार गाडी असा एकूण 14 लाख 48 हजार 538 रुपयांचा मुद्देमाल पोलिसांनी जप्त केला आहे. याप्रकरणी शेख असलम शेख गौस (वय 35) याच्याविरुद्ध उदगीर ग्रामीण पोलीस ठाण्यात गुन्हा क्रमांक 728/2026 दाखल करण्यात आला आहे. त्याच्यावर BNS कलम 123, 223, 274, 275 सह अन्न सुरक्षा आणि मानके कायदा कलम 59 अन्वये गुन्हा दाखल झाला आहे. या प्रकरणाचा पुढील तपास पोउपनि नरवटे हे करत आहेत.
रंगकर्मीची कीर्तावणी : अभंग-भारूडातून संतविचार, उदगीरकर मंत्रमुग्ध उदगीर (प्रतिनिधी) - संतसाहित्य, वारकरी परंपरा आणि आधुनिक जीवनातील वास्तव यांचा सुरेख संगम साधत रंगकर्मी प्रतिष्ठान, उदगीरच्यावतीने छत्रपती शिवाजीराजे महाविद्यालयात 'कीर्तावणी' या संगीतमय नाट्यप्रयोगाचे आयोजन करण्यात आले होते. अभंग, भारूड, लावणी, कीर्तन आणि बतावणीच्या माध्यमातून संतविचारांचा जागर घडविणाऱ्या या प्रयोगाने उदगीरकर रसिकांना अक्षरशः मंत्रमुग्ध केले. वारकरी संप्रदायाने महाराष्ट्राला दिलेली वैचारिक व सांस्कृतिक देणगी आणि संतविचारांची आजच्या काळातील उपयुक्तता या प्रयोगातून प्रभावीपणे मांडण्यात आली. उपरोधिक, खुसखुशीत आणि अभ्यासपूर्ण सादरीकरणामुळे केवळ मनोरंजनच नव्हे, तर विवेकजागृतीचा संदेशही रसिकांपर्यंत पोहोचला. ऋचिका खोत आणि स्वामीराज भिसे या कलाकारांच्या प्रभावी अभिनयाला संगीत, नृत्य व वादनाची उत्तम साथ लाभल्याने संपूर्ण प्रयोगातून जणू पंढरीच्या वारीचाच अनुभव रसिकांना मिळाला. या प्रयोगास माजी मंत्री आ. संजय बनसोडे, बसवराज पाटील नागराळकर, तहसीलदार राम बोरगावकर, रमेश अण्णा अंबरखाने, रामभाऊ तिरुके, जिल्हा परिषद बांधकाम सभापती ज्ञानेश्वर बिरादार, प्राचार्य डॉ. रामकिशन मांजरे, शिक्षक नेते सर्जेराव भांगे, जिल्हा परिषद सदस्य दिलीप मटके, डॉ. बाळासाहेब पाटील, डॉ. अनिल भिकाने, उपसभापती विक्की भोसले, बालाजी भोसले, प्रतिष्ठानचे अध्यक्ष प्रा. बिभीषण मद्देवाड, सचिव प्रा. ज्योती मद्देवाड, उपाध्यक्ष सिद्धार्थ सूर्यवंशी यांच्यासह अनेक मान्यवरांची उपस्थिती होती. कार्यक्रमाचे प्रास्ताविक रसुल पठाण यांनी केले, तर सूत्रसंचालन अॅड. महेश मळगे यांनी केले. हा प्रयोग यशस्वी करण्यासाठी रसूल पठाण, रामदास केदार, अॅड. महेश मळगे, नीता मोरे, लक्ष्मण बेंबडे, संदीप निडवदे, मनोहर लोहारे, हणमंत केंद्रे, नागनाथ गुटे, मारोती भोसले, प्रल्हाद येवरीकर, बाबासाहेब मादळे, विशाल आदेप्पा यांनी परिश्रम घेतले.
श्री हावगीस्वामी महाविद्यालयात वाचन प्रेरणा दिन उत्साहात साजरा वाचनामुळे अलौकिक आनंद मिळतो - प्र. प्राचार्य डॉ. एन.जी. एमेकर उदगीर (प्रतिनिधी) - येथील श्री हावगीस्वामी महाविद्यालयात भारतरत्न डॉ. ए.पी.जे. अब्दुल कलाम यांच्या जयंतीनिमित्त वाचन प्रेरणा दिन विविध उपक्रमांनी उत्साहात साजरा करण्यात आला. कार्यक्रमाच्या अध्यक्षस्थानी महाविद्यालयाचे प्र. प्राचार्य डॉ. एन.जी. एमेकर होते, तर मंचावर ग्रंथपाल प्रा. अजित रंगदळ उपस्थित होते. कार्यक्रमाचे प्रास्ताविक प्रा. धनराज बंडे यांनी केले. यावेळी बोलताना प्राचार्य डॉ. एमेकर म्हणाले, "विद्यार्थ्यांनी तास संपल्यानंतर ग्रंथालयात बसायला हवे. ग्रंथालयात आल्यानंतर काही ना काही शिकायला मिळते. डॉ. ए.पी.जे. अब्दुल कलाम आणि किरण बेदी यांसारख्या व्यक्तींनी वाचन संस्कृतीतूनच इतिहास निर्माण केला. त्यामुळे वाचन संस्कृतीपासून दूर जाता कामा नये, कारण वाचनामुळे जो आनंद मिळतो त्याची तुलना कशाशीही करता येत नाही." या कार्यक्रमात प्रगती गायकवाड (बी.एस्सी. द्वितीय वर्ष), अर्जुन तेलंग (बी.ए. प्रथम वर्ष), अत्तार सादिया (बी.ए. प्रथम वर्ष), वैशाली पायवाडे (बारावी कला), गौरी ददापुरे (बारावी वाणिज्य), वसुंधरा भंडे (अकरावी वाणिज्य) या विद्यार्थ्यांनी ग्रंथातील लेख, कविता आणि डॉ. कलाम यांच्यावरील लेखांचे अभिवाचन केले. तसेच प्रियंका पाटील (बी.ए. प्रथम वर्ष) आणि संस्कार मठपती (बी.एस्सी. तृतीय वर्ष) यांनी वाचन संस्कृतीच्या अनुषंगाने आपले मनोगत व्यक्त केले. या कार्यक्रमास डॉ. वर्षा निरगुडे, प्राध्यापक व विद्यार्थी मोठ्या संख्येने उपस्थित होते. कार्यक्रमाच्या यशस्वीतेसाठी नागनाथ केंद्रे यांनी परिश्रम घेतले. सूत्रसंचालन डॉ. म.ई. तंगावार यांनी केले, तर आभार ग्रंथपाल प्रा. अजित रंगदळ यांनी मानले.
उदगीर ग्रामीण पोलिसांची अवैध गुटखा तस्करीवर मोठी कारवाई; 10 लाखांचा मुद्देमाल जप्त, दोघे जेरबंद उदगीर, दि. 15 - महाराष्ट्रात प्रतिबंधित असलेल्या गुटखा, पान मसाला आणि सुगंधित तंबाखूजन्य पदार्थांची चोरटी वाहतूक करणाऱ्या टोळीला उदगीर ग्रामीण पोलिसांनी जेरबंद केले असून बिदर गेट - ठाकरे चौक परिसरात मध्यरात्री करण्यात आलेल्या कारवाईत सुमारे 10 लाख रुपयांचा मुद्देमाल जप्त करण्यात आला आहे. दि. 14 ऑक्टोबर 2026 रोजी रात्री 21.30 वाजेच्या सुमारास बिदर गेट परिसरातून एक संशयास्पद कार जात असल्याची गोपनीय माहिती पोलीस ठाणे प्रभारी पोनि. गाडे यांना मिळाली होती. त्यांनी तात्काळ एक पथक तयार करून नाकाबंदी करण्याचे आदेश दिले. पोहेका 462 श्रीमंगले यांच्या पथकाने सापळा रचून MH 21 BF 9390 क्रमांकाची मारुती सुझुकी डिझायर कार अडवली. कारची झडती घेतली असता, आतमध्ये पोत्यांमध्ये दडवून ठेवलेला प्रतिबंधित गुटख्याचा मोठा साठा आढळून आला. पोलिसांनी कारसह दोन्ही इसमांना ताब्यात घेतले. या कारवाईत पोलिसांनी 1 लाख 87 हजार 950 रुपयांचा प्रतिबंधित गुटखा, पान मसाला आणि सुगंधित तंबाखू तसेच गुन्ह्यात वापरलेली 8 लाख रुपये किमतीची कार असा एकूण 9,87,950 रुपयांचा मुद्देमाल जप्त केला आहे. अटक करण्यात आलेले आरोपी मंचक रघुनाथ मोटे वय 31 वर्षे आणि मोतीराम मुंजाजी गायकवाड वय 39 वर्षे दोघेही रा. आपोली ता. गंगाखेड जि. परभणी येथील आहेत. या प्रकरणी पोलीस कर्मचारी बजरंग नागनाथ गजलवार वय 33 यांनी दिलेल्या फिर्यादीवरून उदगीर ग्रामीण पोलीस ठाण्यात गु.र.नं. 719/2026 भारतीय न्याय संहिता कलम 123, 223, 274, 275, 3(5) आणि अन्न व सुरक्षा मानके अधिनियम 2006 चे कलम 59 अन्वये गुन्हा नोंदवण्यात आला आहे. गुन्ह्याचा पुढील तपास पोउपनिरीक्षक नरवटे हे करीत असून हा माल कुठून आणला, उदगीरमध्ये कोणाला पुरवठा करणार होते आणि यामागे मोठे रॅकेट आहे का याचा तपास पोलीस करत आहेत. महाराष्ट्र शासनाने मानवी आरोग्यास हानिकारक असल्याने गुटखा, पान मसाला आणि सुगंधित तंबाखूच्या उत्पादन, साठा आणि विक्रीवर पूर्णपणे बंदी घातली आहे. असे असतानाही परराज्यातून आणि इतर जिल्ह्यांतून चोरट्या मार्गाने हा माल आणून विक्री केली जाते. पोलीस निरीक्षक गाडे यांनी सांगितले की, अवैध धंदे आणि प्रतिबंधित पदार्थांच्या वाहतुकीवर रोख लावण्यासाठी आमचे पथक सतत गस्त घालत आहे.
दुष्काळात ५ हजाराचं चॉकलेट देऊन बळीराजाची थट्टा थांबवा; अन्यथा लोक मंत्र्यांना गावात फिरू देणार नाहीत - रोहित पवारांचा सरकारला इशारा मुंबई:महाराष्ट्र दुष्काळाच्या छायेत असताना सरकारने शेतकऱ्यांना दिलेल्या तुटपुंज्या मदतीवरून राष्ट्रवादी काँग्रेस शरदचंद्र पवार गटाचे आमदार रोहित पवार यांनी राज्य सरकारवर जोरदार टीका केली आहे. सोशल मीडियाच्या माध्यमातून सरकारवर निशाणा साधत रोहित पवार म्हणाले, "दुष्काळाच्या आगीत शेतकरी होरपळून निघत असल्याने शेतकऱ्यांना हेक्टरी किमान १ लाख रुपये, तर शेतमजुरांना २५,००० रुपये मदत देण्याची आमची मागणी आहे. पण सरकारने अग्रीम रक्कम म्हणून केवळ ५,००० रुपयांवर शेतकऱ्यांची बोळवण केली. नेत्यांच्या आणि मंत्र्यांच्या एका चहापानाचा खर्चही यापेक्षा कितीतरी मोठा आहे… आज शेतीचा मशागत खर्चच हेक्टरी ३० ते ५० हजार रुपयांवर गेलाय आणि अशा परिस्थितीत जाहिरातींवर कोट्यवधींची उधळपट्टी करणारं हे सरकार ५ हजार रुपयांचं चॉकलेट शेतकऱ्यांच्या हातावर टेकवत असेल, तर अन्नदात्याची अशी चेष्टा करताना सरकारला लाज कशी वाटत नाही? हा बळीराजाचा केवळ अपमानच नाही, तर त्याच्या परिस्थितीची क्रूर थट्टा आहे! सरकारने शेतकऱ्यांना मदत म्हणून हेक्टरी १ लाख रुपयांपैकी अग्रीम रक्कम म्हणून ३० ते ३५ हजार रुपये आणि शेतमजुरांना प्रतिकुटुंब २५ हजार रुपयांपैकी अग्रीम रक्कम म्हणून १० हजार रुपये द्यावेत. अन्यथा, लोक नेत्यांना आणि मंत्र्यांना दिवाळी साजरी करू देणार नाहीत आणि गावातही फिरू देणार नाहीत..!" <nis:link nis:type=tag nis:id=दुष्काळग्रस्त_शेतकरी nis:value=दुष्काळग्रस्त_शेतकरी nis:enabled=true nis:link/> <nis:link nis:type=tag nis:id=शेतकरी_मदत nis:value=शेतकरी_मदत nis:enabled=true nis:link/> <nis:link nis:type=tag nis:id=बळीराजा nis:value=बळीराजा nis:enabled=true nis:link/> <nis:link nis:type=tag nis:id=महाराष्ट्रातील_दुष्काळ nis:value=महाराष्ट्रातील_दुष्काळ nis:enabled=true nis:link/> <nis:link nis:type=tag nis:id=farmersfirst nis:value=FarmersFirst nis:enabled=true nis:link/> <nis:link nis:type=tag nis:id=maharashtradrought nis:value=MaharashtraDrought nis:enabled=true nis:link/> <nis:link nis:type=tag nis:id=rohitpawar nis:value=RohitPawar nis:enabled=true nis:link/> <nis:link nis:type=tag nis:id=ncp nis:value=NCP nis:enabled=true nis:link/> <nis:link nis:type=tag nis:id=maharashtragovernment nis:value=MaharashtraGovernment nis:enabled=true nis:link/> <nis:link nis:type=tag nis:id=primelivenews nis:value=PrimeLiveNews nis:enabled=true nis:link/>
महाराष्ट्र दुष्काळाच्या छायेत आणि आपण दांडियाच्या तालात? एकीकडे माझा बळीराजा पुढचे ८ महिने कसे जगायचे या चिंतेत आहे. शेतात पीक नाही, हाताला काम नाही, शेतमजुराच्या घरात चूल पेटायची पंचाईत.आणि दुसरीकडे लाखो रुपये खर्च करून दांडियाचे इव्हेंट, डीजे, लाईटिंग...सण-उत्सव जरूर साजरे करा, पण भान पण ठेवा. आजची परिस्थिती भीषण आहे हे विसरून चालणार नाही.उत्सवाच्या नावाखाली चाललेला हा दिखावा थांबवून, तोच पैसा एखाद्या गरजू शेतकऱ्याच्या मदतीला लावला तर खरा उत्सव साजरा होईल.गोरगरीबांनी सण कसे साजरे करायचे? याचा तरी विचार करा. <nis:link nis:type=tag nis:id=महाराष्ट्रदुष्काळ nis:value=महाराष्ट्रदुष्काळ nis:enabled=true nis:link/> <nis:link nis:type=tag nis:id=शेतकरी nis:value=शेतकरी nis:enabled=true nis:link/> <nis:link nis:type=tag nis:id=विचार nis:value=विचार nis:enabled=true nis:link/> करा
दुष्काळात शेतकऱ्यांना आणि गरजूंना साथ हाच युवकांचा संकल्प; राष्ट्रवादी युवक काँग्रेसचा मेळावा लातूरमध्ये उत्साहात संपन्न लातूर :जिल्ह्यात दुष्काळाची तीव्रता वाढत असताना राष्ट्रवादी युवक काँग्रेसने सामाजिक बांधिलकीचा आदर्श घालून दिला आहे. राष्ट्रवादी युवक काँग्रेसचा युवक संकल्प मेळावा लातूर येथे मोठ्या उत्साहात आणि खेळीमेळीच्या वातावरणात पार पडला. या मेळाव्यात प्रातिनिधिक स्वरूपात जिल्ह्यातील 101 गरजू कुटुंबांना मोफत अन्नधान्य किटचे वाटप करून सामाजिक उपक्रम राबवण्यात आला. काल दि. 13/10/2026 रोजी सेलेब्रेशन रिसॉर्ट, लातूर येथे हा भव्य मेळावा राष्ट्रवादी काँग्रेसचे जिल्हाध्यक्ष प्रा. डॉ. अफसर शेख यांच्या अध्यक्षतेखाली संपन्न झाला. या मेळाव्यास प्रमुख पाहुणे म्हणून राष्ट्रवादी युवक काँग्रेसचे नवनियुक्त प्रदेशाध्यक्ष निखील दादा ठाकरे यांची प्रमुख उपस्थिती होती. यावेळी व्यासपीठावर लातूर जिल्हा परिषदेचे उपाध्यक्ष दयानंद सुरवसे, बांधकाम सभापती ज्ञानेश्वर बिरादार, समाज कल्याण सभापती उत्तमराव माने, जि. प. सदस्य डॉ. दीपक सोमवंशी, जि. प. सदस्य उमेश उमापुरे, जिल्हा कार्याध्यक्ष प्रा. अंकुश नाडे, कार्यालयीन युवक प्रदेश सरचिटणीस अमरजी पाटील व इतर सर्व सन्माननीय जि. प. सदस्य, पंचायत समिती सदस्य, नगरसेवक व इतर मान्यवर मोठ्या संख्येने उपस्थित होते. महाराष्ट्र राज्याचे सहकार मंत्री बाबासाहेब पाटील यांनी फोन कॉलद्वारे उपस्थित युवकांना मार्गदर्शन केले. त्यांच्या मार्गदर्शनामुळे उपस्थित युवकांमध्ये प्रचंड उत्साह संचारला. कार्यक्रमाचे आयोजक युवक जिल्हाध्यक्ष महेश बिरादार यांनी युवक संघटनेच्या कार्याचा संपूर्ण आढावा सादर करत युवकांच्या विविध मागण्या मांडल्या व जिल्हास्तरीय रोजगार मेळाव्याचे आयोजन करण्याची विनंती केली. त्यांच्या नेतृत्वात लातूर जिल्ह्यातील युवक संघटना अतिशय चांगले आणि भरीव काम करत असून त्यांच्या पाठीशी कायम खंबीरपणे उभे असल्याचे प्रतिपादन युवक प्रदेशाध्यक्ष निखील ठाकरे यांनी आपल्या मनोगतात व्यक्त केले. या प्रसंगी जिल्हा व तालुका स्तरावरील विविध नियुक्त्यादेखील देण्यात आल्या. या कार्यक्रमाच्या यशस्वीतेसाठी जिल्हा कार्याध्यक्ष रवी धुमाळ व कार्यकारिणीने परिश्रम घेतले, सूत्रसंचालन जिल्हा संघटक जनक बिरादार यांनी केले व आभार जिल्हा उपाध्यक्ष प्रसाद बाजगिरे यांनी मानले.
आकाशवाणीच्या 'युवा कट्टा' मध्ये हावगीस्वामी महाविद्यालयाच्या १३ विद्यार्थ्यांचा सहभाग उदगीर (प्रतिनिधी) -भारत सरकारच्या माहिती आणि प्रसारण मंत्रालयाच्या अंतर्गत येणाऱ्या आकाशवाणी परभणी केंद्राच्या लोकप्रिय 'युवा कट्टा' या कार्यक्रमात श्री हावगीस्वामी महाविद्यालय, उदगीर येथील १३ विद्यार्थ्यांनी सहभाग नोंदविला. आकाशवाणीच्या स्टुडिओमध्ये प्रत्यक्ष उपस्थित राहून विद्यार्थ्यांनी आपले विचार, काव्यवाचन आणि समकालीन प्रश्नांवर मते व्यक्त केली. ग्रामीण भागातील मुलांच्या सुप्त गुणांना वाव दिल्याबद्दल महाविद्यालयाने केंद्र संचालक सदानंद कामडी आणि निवेदिका सुमेधा कुलकर्णी यांचे आभार मानले. यामध्ये संस्कार मठपती, पृथ्वीराज पाचपिंडे, वैभवी वारद, श्रद्धा मजगे, स्वराली पाटील, प्रथमेश भारती, महादेव सूर्यवंशी, प्रियांका पाटील, श्रद्धा भालेराव, सादिया आत्तार, क्षितिजा नळगीरे, राधिका बिरादार आणि मयुरी गोताळे यांचा समावेश होता. विद्यार्थ्यांना मराठी विभागातील डॉ. म. ई. तंगावार यांचे मार्गदर्शन लाभले. हा कार्यक्रम दि. १८ ऑक्टोबर आणि ०१, ०८, १५ नोव्हेंबर २०२६ रोजी रविवारी सकाळी ११:०५ वाजता आकाशवाणी परभणी केंद्रावर चार भागात प्रसारित होणार आहे. श्रोत्यांनी NEWSONAIR ॲपवरून कार्यक्रम ऐकावा. याबद्दल संस्थेचे अध्यक्ष उमेश पाटील देवणीकर, सचिव डॉ. मनीषा वडियार, प्राचार्य डॉ. एन. जी. एमेकर व सर्व पदाधिकाऱ्यांनी विद्यार्थ्यांचे अभिनंदन केले.
Video 23
अत्यंत धक्कादायक बातमी: शेतकर्‍यांचा ऊस जळून खाक लातूरच्या वाकडी परिसरात 70 एकरावरील ऊस जळून खाक झाला असून यामध्ये 20 शेतकऱ्यांचे नुकसान झाल्याची माहिती मिळत आहे ..