लातूरात पुन्हा कोयता गँगची दहशत! विद्यार्थ्यांवर कोयत्याने हल्ला; थरार CCTV त कैद
लातूर (प्राइम लाईव्ह न्यूज):लातूर शहरात पुन्हा एकदा कोयता गँगची दहशत सुरु असल्याचं समोर आलंय. शहरातील ठाकरे चौकात विद्यार्थ्यांवर कोयता गँगने हल्ला केला असून या हल्ल्यात दोन विद्यार्थी जखमी झालेत.
या हल्ल्यात जखमी झालेल्या विद्यार्थ्यांना लातूरच्या शासकीय वैद्यकीय महाविद्यालयात उपचारासाठी दाखल करण्यात आलंय.
*CCTV मध्ये काय दिसतंय?*
कोयता गँगच्या दहशतीचा सर्व प्रकार सीसीटीव्ही कॅमेऱ्यात कैद झाला असून फुटेजमध्ये ३ ते ४ जणांचे टोळके हातात कोयते घेऊन हल्ला करताना दिसत आहेत.
या घटनेनंतर पोलिसांनी घटनास्थळी धाव घेतली असून सीसीटीव्हीच्या आधारे आरोपींचा शोध सुरू केला आहे.
Latur, Latur | Sep 30, 2026 
