ખંભાત: તાલુકાના સરપંચોએ 16માં નાણાંપંચની ગાઈડલાઈન બદલવા આવેદનપત્ર આપ્યું, સિંચાઈ પાણી મુદ્દે પ્રાંત અને TDO ને રજુઆત
ખંભાત તાલુકાના સરપંચોએ પ્રાંત અધિકારી અને તાલુકા વિકાસ અધિકારીને આવેદનપત્ર આપ્યું છે. આ આવેદનપત્ર 16માં નાણાંપંચની ગાઈડલાઈનમાં ફેરફાર કરવા અને સિંચાઈનું પાણી વહેલી તકે છોડવા બાબતે હતું.સરપંચોએ માંગ કરી છે કે 16માં નાણાંપંચની હાલની જટિલ અને મર્યાદિત ગાઈડલાઈનને બદલીને 14માં નાણાંપંચ મુજબ તેમને સ્વતંત્રતા આપવામાં આવે. આનાથી ગામડાઓમાં જરૂરિયાત મુજબના વિકાસના કામો ઝડપથી થઈ શકશે.રસ્તાઓ,બ્લોક પેવિંગ જેવા કાર્યો માટેની મર્યાદામાં વધારો કરવા કહ્યું હતું.
