బంజారాహిల్స్ రోడ్ నంబర్ 10లో కొత్తగా ఏర్పాటు చేస్తున్న వైన్ షాపును నిరసిస్తూ జహీరా నగర్ బస్తీవాసులు ఆందోళన చేపట్టారు. షాపు పనులను అడ్డుకున్న స్థానికులు, బస్తీ మధ్యలో మద్యం దుకాణం ఉంటే తాగుబోతుల ఆగడాలు పెరిగి మహిళలకు రక్షణ ఉండదని ఆవేదన వ్యక్తం చేశారు. వెంటనే ఈ నిర్ణయాన్ని ఉపసంహరించుకోవాలని, షాపును ఇక్కడి నుంచి తరలించాలని డిమాండ్ చేశారు. లేనిపక్షంలో నిరసనలు ఉధృతం చేస్తామని హెచ్చరించారు.