बारावे ज्योतिर्लिंग म्हणून प्रसिद्ध असलेले घृष्णेश्वर मंदिर येथे ३ मार्च २०२६ (मंगळवार) रोजी होणाऱ्या खग्रास चंद्रग्रहणाच्या पार्श्वभूमीवर दर्शनवेळेत बदल करण्यात आला आहे. दुपारी ३ ते सायंकाळी ७ या चार तासांच्या कालावधीत मंदिर भाविकांसाठी बंद राहणार असून दुपारी ३ वाजल्यापासून गाभाऱ्यातील प्रवेश व दर्शन थांबवले जाईल. ग्रहणाचा कालावधी दुपारी ३:२० ते सायंकाळी ६:४७ पर्यंत राहणार आहे. धार्मिक परंपरेनुसार ग्रहणकाळात मंदिराचे दरवाजे बंद ठेवण्याची प्रथा पाळली जाते.