શહેરમાં છેલ્લા ઘણા સમયથી સિટી બસ સેવા શરૂ કરવા તંત્ર દ્વારા તડામાર તૈયારીઓ કરવામાં આવી રહી છે, ત્યારે આગામી તા. 14 ફેબ્રુઆરીના રોજ PM નરેન્દ્ર મોદીની વર્ચ્યુઅલ હાજરી તથા ગુજરાતના મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીની ઉપસ્થિતિમાં પ્રથમ તબક્કામાં આઠ રૂટ પર સિટી બસ સેવા શરૂ કરવામાં આવશે. તેમજ ભાવનગર સહિત આસપાસના ગામડાઓના લોકો આતુરતાથી રાહ જોઇ રહ્યા છે એવી પ્રધાનમંત્રી ઈ-બસ સેવાનું આખરે લોકાર્પણનું મુહૂર્ત આવ્યું છે.