दत्तवाडी जुन्या रस्त्यावर कचऱ्याचे साम्राज्य! दत्तवाडी जुन्या रस्त्यावरील कचरा मागील आठवड्यापासून उचलला गेलेला नाही. त्यामुळे परिसरात मोठ्या प्रमाणात कचरा आणि मैला पाणी साचले असून नागरिकांच्या आरोग्याचा प्रश्न निर्माण झाला आहे. विशेष म्हणजे, याच ठिकाणी गणेशमूर्ती विक्रीचा मंडप उभारण्यात आला आहे. या मंडपाला तिन्ही बाजूंनी कचरा आणि मैला पाण्याने वेढले असल्याने गणेशोत्सवाच्या पार्श्वभूमीवर नागरिकांमध्ये नाराजी व्यक्त होत आहे. “डोळे घट्ट मिटून झोपलेल्या प्रशासनाला जाग तरी कधी येणार?” असा सवाल नागरिकांनी उपस्थित केला आहे. परिसरातील कचरा तातडीने हटवून स्वच्छता करण्यात यावी, अन्यथा प्रशासनाच्या विरोधात आंदोलन करण्यात येईल, असा इशारा अविनाश खंडारे यांनी दिला आहे. #दत्तवाडी #कचरासाम्राज्य #कचरा #pmc #punecity PuneNews