रहिमतपूर पोलिसांची धडाकेबाज कामगिरी ८ शेतकऱ्यांच्या शेती पंपाच्या तांब्यांच्या केबल चोरीचा गुन्हा ८ तासात उघड गुन्ह्यातील चोरीस गेलेला माल १०० % हस्तगत
रहिमतपूर पोलीस स्टेशनच्या हद्दीतील मौजे साप गावचे हददीतील खडकी शिवारातुन सुमारे ८ शेतकऱ्यांचे विहरीवरील व कॅनोलवरील शेतीपंपासाठी वापरण्यात येणाऱ्या तांब्याचे केबल वायर या दि. २१/०६/२०२६ ते दि. २२/०६/२०२६ रोजीच्या मुदतीत चोरीला गेल्याबाबत रहिमतपूर पोलीस ठाण्यात गुन्हा रजिंस्टर नंबर १०१/२०२६ बी.एन.एस. ३०३(२) नुसार गुन्हा दाखल करण्यात आला होता. सदरचा गुन्हा गंभीर स्वरूपाचा असल्याने व कोणताही पुरावा उपलब्ध नसल्याने तो उघडकीस आणण्याचे मोठे आव्हान पोलिसांसमोर होते. वाढत्या ऊष्णतेत पिकांना पाणी देण्याचे कालावधीतच मौजे साप भागातुन शेतीपंपासाठी वापरण्यात येणाऱ्या तांब्याचे केबल वायर चोरीला गेल्यामुळे गावातील बळीराजा हवालदिल झाले होते. त्यामुळे मा. पोलीस अधीक्षक सो, सातारा यांनी अज्ञात चोरट्यांचा व चोरीस गेले मालाचा शोध तपास घेण्याबाबत प्रभारी अधिकारी रहिमतपूर योग्य त्या सुचना दिल्या होत्या.
त्याप्रमाणे श्री. विनोद नेवसे, सहा. पोलीस निरीक्षक, रहिमतपूर पोलीस ठाणे यांनी सदर गुन्ह्यातील चोरीस गेले मालाचा व अज्ञात चोरट्यांचा शोध घेण्यासाठी तपास पथक तयार करुन त्यांना योग्य त्या सुचना दिल्या. पथकाद्वारे सदर गुन्ह्याचा तपास सुरु असताना पोलीस पथकाने प्राप्त गोपनीय माहितीच्या आधारे कौशल्यपूर्ण तपास करून सदरचा गुन्हा उघडकीस आणून सदर गुन्ह्यातील निष्पन्न आरोपीत यांना ताब्यात घेवुन त्यांचेकुडन गुन्ह्यातील नमुद चोरीला गेलेल्या ८ शेतकऱ्यांचे विहरीवरील व कॅनोलवरील शेतीपंपासाठी वापरण्यात येणाऱ्या तांब्याचे केबल वायर असा एकूण ५५,३००/- रुपये किंमतीचा मुदेमाल हस्तगत करण्यात आला आहे. सदर गुन्ह्यामध्ये २ विधीसंघर्षित बालकांचा समावेश असल्याचे तपासामध्ये निष्पन्न झालेले आहे. सदर गुन्ह्याचा पुढील तपास पो. हे. कॉ/नंदकुमार निकम हे करत आहेत.
सदरची कारवाई मा. पोलीस अधीक्षक सो, श्री. निखील पिंगळे, मा. अप्पर पोलीस अधीक्षक श्रीमती वैशाली कडूकर, मा. उपविभागीय पोलीस अधिकारी श्रीमती, राजश्री तेरणी यांचे मार्गदर्शनाखाली रहिमतपूर पोलीस ठाणे प्रभारी सहा. पोलीस निरीक्षक, श्री. विनोद नेवसे, पोलीस उपनिरीक्षक, श्री. गंगाप्रसाद केंद्रे, पोलीस हेड कॉन्स्टेबल नंदकुमार निकम, प्रविण बर्गे, पोलीस कॉन्स्टेबल तुषार काळंगे, राहुल मदने, रमेश बर्गे यांचे पथकाने सहभाग घेवुन सदरची कारवाई केलेली आहे.
Satara, Maharashtra | Jun 26, 2026
