लाईक-फॉलोअर्ससाठी जीव धोक्यात..? महामार्गावर रील बनवताना कुटुंबाचा व्हिडिओ व्हायरल... सोशल मीडियावर प्रसिद्धी मिळवण्याच्या नादात लोक किती धोकादायक पावले उचलू शकतात, याचे आणखी एक उदाहरण समोर आले आहे. एका व्हायरल व्हिडिओमध्ये महिला महामार्गाच्या कडेला उभी राहून डान्स करताना दिसत आहे, तर तिचा पती मोबाईलमध्ये तिचा व्हिडिओ शूट करत आहे. यावेळी त्यांच्या दोन लहान मुलीही त्यांच्यासोबत असल्याचे दिसून येते. व्हिडिओमध्ये एक मुलगी आनंदाने आईचा डान्स आणि वडिलांचे शूटिंग सांगताना ऐकू येते. मात्र, महामार्गासारख्या धोकादायक ठिकाणी कुटुंबासह रील शूट केल्याने सोशल मीडियावर तीव्र प्रतिक्रिया उमटल्या आहेत. अनेक नेटकऱ्यांनी मुलांच्या सुरक्षेचा प्रश्न उपस्थित करत अशा प्रकारांना विरोध दर्शवला आहे. तज्ज्ञांच्या मते, सोशल मीडिया प्रसिद्धीपेक्षा सुरक्षितता अधिक महत्त्वाची आहे. विशेषतः मुलांसोबत असताना अशा धोकादायक ठिकाणी व्हिडिओ शूट करणे टाळावे, असे आवाहन करण्यात येत आहे. 🎥 (व्हिडिओ सौजन्य) : priyarajputlive (X) #ViralVideo #SocialMedia #ReelCulture #RoadSafety #FamilySafety #TrendingNews #InternetBuzz #ViralContent #PublicSafety #IndiaNews