जगातील सर्वात महागडा आंबा आता बस्तरमध्ये..! मियाझाकी आंब्यामुळे शेतकऱ्यांसाठी उघडले कोट्यवधींचे दार... छत्तीसगडमधील बस्तर आता नक्षलवादासाठी नव्हे, तर जगातील सर्वात महागड्या मियाझाकी आंब्याच्या यशस्वी लागवडीसाठी चर्चेत आला आहे. जपानमधून आलेल्या या विशेष आंब्याची किंमत आंतरराष्ट्रीय बाजारात तब्बल २.५ ते ३ लाख रुपये प्रति किलोपर्यंत पोहोचते. 'ट्री मॅन' म्हणून ओळखले जाणारे प्रगतिशील शेतकरी संपत झा यांनी काही वर्षांपूर्वी मोठ्या मेहनतीने मियाझाकी आंब्याची रोपे लावली होती. तीन वर्षांच्या अथक प्रयत्नांनंतर त्यांच्या बागेत या प्रीमियम आंब्यांचे उत्पादन सुरू झाले आहे. या यशामुळे बस्तरमधील इतर शेतकऱ्यांनाही उच्च मूल्याच्या फलोत्पादनाकडे वळण्याची प्रेरणा मिळत आहे. गडद लाल रंग, अतिशय गोड चव आणि पोषक गुणधर्मांमुळे मियाझाकी आंबा ला जगभरात मोठी मागणी आहे. कृषी तज्ज्ञांच्या मते, योग्य मार्गदर्शन आणि बाजारपेठ उपलब्ध झाल्यास बस्तर हा देशातील प्रीमियम फळ उत्पादनाचा महत्त्वपूर्ण केंद्रबिंदू बनू शकतो. 🎥 (व्हिडिओ सौजन्य) : anshuman_sunona (X) #MiyazakiMango #Bastar #MangoFarming #Agriculture #Farmers #SuccessStory #Chhattisgarh #PremiumFruit #IndianAgriculture #TrendingNews