सातबारा उताऱ्यावरील नाव दुरुस्ती आणि नाव कमी करण्याच्या कामासाठी लाच स्वीकारणाऱ्या महसूल सहायकाला नागपूर लाचलुचपत प्रतिबंधक विभागाने रंगेहात अटक केली आहे. विजय भगवानजी शडमाके असे अटक करण्यात आलेल्या महसूल सहायकाचे नाव असून, ते बेला येथील अपर तहसील कार्यालयात कार्यरत आहेत.तक्रारदाराने स्वतःच्या आणि नातेवाईकांच्या नावातील दुरुस्ती करण्यासाठी तसेच आईचे नाव सातबारावरून कमी करण्यासाठी अर्ज केला होता.