ब्रिगेडियरचा बनाव करून वावरत होता तरुण; बनावट गणवेशासह पोलिसांच्या जाळ्यात... . . शाहजहानपूर (उत्तर प्रदेश): शाहजहानपूरच्या सदर पोलीस ठाणे हद्दीत एका २२ वर्षीय बोगस लष्करी अधिकाऱ्याला पोलिसांनी अटक केली आहे. आर्यन वर्मा (रा. दुर्गा इन्क्लेव्ह, रोजा) असे या आरोपीचे नाव असून, तो थेट भारतीय लष्कराच्या 'ब्रिगेडियर'ची बनावट वर्दी घालून शहीद संग्रहालयात विद्यार्थ्यांना सन्मानित करण्यासाठी मुख्य अतिथी म्हणून पोहोचला होता. गेल्या दोन महिन्यांपासून संशयास्पद हालचालींमुळे तो पोलिसांच्या रडारवर होता. पोलिसांनी त्याच्याकडून बनावट लष्करी वर्दी, बनावट पिस्तूल आणि बनावट ओळखपत्र (आयकार्ड) जप्त केले आहे. धक्कादायक म्हणजे त्याने आपल्या कारच्या काचेवर 'आर्मी' आणि 'डॉक्टर' असेही लिहून ठेवले होते. पोलिसांनी त्याच्याविरुद्ध गुन्हा दाखल केला असून पुढील तपास सुरू आहे. . . . #Shahjahanpur #CrimeNews #FakeArmyOfficer #UttarPradeshPolice #BreakingNews #ArmyImpactor #CrimeUpdate #FakeBrigadier #SocialMediaNews