दिल्लीच्या राष्ट्रीय मंचावर गडचिरोलीच्या संस्कृतीचा ठसा… ‘रेला’ नृत्यातून शांतता आणि एकतेचा संदेश! गडचिरोली पोलीस दलाच्या ‘प्रोजेक्ट उडान’ अंतर्गत जिल्ह्यातील युवक-युवती आणि आत्मसमर्पित माओवादी सदस्यांना राष्ट्रीय स्तरावर आपले कलागुण सादर करण्याची संधी मिळाली. दिल्ली येथे दि. 04 व 05 सप्टेंबर 2026 रोजी आयोजित 9 व्या ‘नॉर्थ-ईस्ट स्टुडन्ट फेस्टिवल’मध्ये एकूण 18 स्पर्धकांनी उत्स्फूर्त सहभाग नोंदविला. यामध्ये 04 आत्मसमर्पित माओवादी सदस्य आणि अनुप डान्स ग्रुपच्या 14 युवक-युवतींनी पारंपरिक वाद्यांच्या साथीने गडचिरोलीच्या आदिवासी संस्कृतीचे वैशिष्ट्य असलेल्या ‘रेला’ नृत्याचे मनमोहक सादरीकरण करत महाराष्ट्राचे प्रतिनिधित्व केले. या सादरीकरणातून शांतता, एकता, बंधुभाव आणि सामाजिक सलोख्याचा संदेश राष्ट्रीय मंचावर पोहोचविण्यात आला. विशेष म्हणजे, आत्मसमर्पित माओवादी सदस्यांना अशा राष्ट्रीय स्तरावरील महोत्सवात सहभागी होण्य