खाकी वर्दीतली माणुसकी… नवजात बाळासाठी गडचिरोली पोलीस ठरले जीवनदाते! एटापल्ली तालुक्यातील शांता गावडे यांनी हेडरी येथील लॉयड्स काली अम्मल मेमोरियल रुग्णालयात तिळ्या बाळांना जन्म दिला. मुदतपूर्व जन्म व कमी वजनामुळे तिन्ही बाळांवर NICU मध्ये उपचार सुरू असताना एका नवजात बालिकेच्या प्लेटलेट्सची संख्या कमी झाल्याने तातडीने रक्ताची आवश्यकता निर्माण झाली. रुग्णालय प्रशासनाने गडचिरोली पोलीस दलाशी संपर्क साधताच परिस्थितीचे गांभीर्य ओळखून पोलीस दलाने त्वरित मदतीसाठी पुढाकार घेतला. पोलीस उपनिरीक्षक शिवप्रसाद बंडीगरे आणि महिला पोलीस अंमलदार आचल कुमरे यांनी स्वेच्छेने रक्तदान केले. गडचिरोली रक्त केंद्राच्या सहकार्याने आवश्यक रक्ताच्या दोन बॅग उपलब्ध झाल्यामुळे बाळाच्या उपचाराला वेळीच मदत मिळाली असून तिच्या प्रकृतीत सुधारणा झाली आहे. कर्तव्य केवळ कायदा-सुव्यवस्थेपुरते नाही… गरजेच्या क्षणी जीव वाचवण्यासाठीही गडचिरोल�