“कॅगच्या अहवालात रेल्वे स्थानकांच्या पाण्याचा धक्कादायक खुलासा; CSMT, कल्याणसह ४१२ स्थानकांवरील पाण्याच्या गुणवत्तेवर प्रश्नचिन्ह!” संसदेत सादर झालेल्या कॅगच्या अहवालात देशभरातील ५१२ रेल्वे स्थानकांवरील प्रवासी सुविधा आणि स्वच्छतेची तपासणी; ४१२ बिगर-उपनगरीय स्थानकांतील पिण्याच्या पाण्याच्या गुणवत्तेत त्रुटी आढळल्याचा अहवाल. मध्य रेल्वेतील CSMT, कल्याण, भिवंडी रोड आणि लोणावळ्यासह दक्षिण रेल्वेतील कोईम्बतूर-पलक्काड, दक्षिण मध्य रेल्वेतील हैदराबाद आणि पूर्व रेल्वेतील मधुपूर स्थानकांचा अहवालात समावेश. पाण्याच्या नमुन्यांमध्ये ‘टोटल कोलिफॉर्म’ आणि काही ठिकाणी ई-कोलाय जीवाणू आढळल्याची नोंद; दूषित पाण्यामुळे आरोग्याचा धोका निर्माण होण्याची चिंता. कल्याण रेल्वे स्थानकाचा अहवालात समावेश असल्याने दररोज हजारो प्रवाशांच्या आरोग्याचा प्रश्न; लांब पल्ल्याच्या गाड्यांसह लोकलने प्रवास करणारे प्रवासीही मोठ्या संख्येने पाणी वापरतात. “स्थानकावर मोठ्या प्रमाणात घाणीचे साम्राज्य; याच वातावरणात पाणी प्यावे लागते, त्यामुळे प्रवासी आजारी पडण्याची शक्यता” असा कल्याण स्थानकातील प्रवाशांचा संताप. “रेल्वे प्रशासनाने प्रवाशांना स्वच्छ आणि सुरक्षित पाणी द्यावे, स्थानकाची नियमित स्वच्छता करावी” अशी प्रवाशांची मागणी; कॅगच्या अहवालानंतर कल्याण स्थानकातील परिस्थितीवर प्रश्नचिन्ह. केवळ पाणीच नाही तर ५१२ पैकी तब्बल ४५८ स्थानकांवर प्रतीक्षागृह, शौचालये, पंखे, कचरापेट्या, पादचारी पूल आणि इतर मूलभूत सुविधांमध्ये कमतरता आढळल्याचे कॅगचे निरीक्षण.