Public App Logo
Login
Profile Picture

Jilha Varta (जिल्हा वार्ता)

@jilhavarta
263Followers
0Following
Gen-Z च्या समस्यांना मिळणार व्यासपीठ! मातोश्री गुंजाई फाउंडेशनतर्फे ‘Garba & Gossip’ कार्यक्रमाला तरुणांचा उत्स्फूर्त प्रतिसाद सूचना फलकावर तरुणांनी मांडले आपल्या समस्या आणि प्रश्न; Gen-Z च्या अडचणी सोडवण्यासाठी कटिबद्ध .. शिवसेना संपर्कप्रमुख महेश गायकवाड यांचे आश्वासन कल्याण : Gen-Z च्या देशभरातील आंदोलनानंतर सर्वच राजकिय पक्षांनी Gen-Z समस्यांकडे लक्ष केंद्रित केले आहे. तरुणाईला आपल्या भावना व्यक्त करण्यासाठी, मनातील प्रश्न मांडण्यासाठी आणि भेडसावणाऱ्या समस्यांकडे लक्ष वेधण्यासाठी व्यासपीठ उपलब्ध करून देण्याच्या उद्देशाने मातोश्री गुंजाई फाउंडेशनतर्फे कल्याण मध्ये ‘Garba & Gossip’ या विशेष कार्यक्रमाचे आयोजन करण्यात आले. या कार्यक्रमाला Gen-Z तरुण-तरुणींनी मोठ्या संख्येने उपस्थिती लावत उत्स्फूर्त प्रतिसाद दिला. या कार्यक्रमात केवळ गरबा आणि मनोरंजनापुरते मर्यादित न राहता तरुणाईच्या दैनंदिन जीवनातील प्रश्न, अडचणी आणि अपेक्षांनाही म�
Gen-Z ना व्यासपीठ! मातोश्री गुंजाई फाउंडेशनतर्फे ‘Garba & Gossip’ कार्यक्रमाला तरुणांचा उत्स्फूर्त प्रतिसाद ,विविध वेशभूषा करत तरुण तरुणी सहभागी, बक्षिसांची लयलूट
दुष्काळग्रस्त तालुक्यांच्या यादीत कल्याण तालुक्याचाही समावेश करा! शिवसेना आमदार विश्वनाथ भोईर यांची उपमुख्यमंत्री एकनाथ शिंदे यांच्याकडे मागणी कल्याण पश्चिम, पूर्व आणि ग्रामीण भागातील शेतकऱ्यांना दुष्काळाचा मोठा फटका; पावसाअभावी भात आणि भाजीपाला पिकांचे नुकसान, शेतकऱ्यांना भरीव मदत देण्याची मागणी कल्याण : महाराष्ट्रातील ८० टक्के तालुक्यांमध्ये पावसाअभावी दुष्काळ जाहीर करण्यात आला असताना, ठाणे जिल्ह्यातील कल्याण तालुक्याचाही दुष्काळग्रस्त तालुक्यांच्या यादीत समावेश करण्यात यावा, अशी मागणी कल्याण पश्चिमचे आमदार विश्वनाथ भोईर यांनी केली आहे. यासंदर्भात त्यांनी राज्याचे उपमुख्यमंत्री तथा नगरविकास मंत्री एकनाथ शिंदे यांना लेखी निवेदन दिले आहे. कल्याण पश्चिम, कल्याण पूर्व आणि कल्याण ग्रामीण परिसरातील अनेक शेतकरी आजही भूमिपुत्र म्हणून शेतीवर अवलंबून आहेत. मात्र, यंदा पावसाने ओढ दिल्याने शेतीचे मोठ्या प्रमाणावर नुकसान झाले आहे. शेतकऱ्यांनी मेहनतीने लागवड केलेल्या भात आणि भाजीपाला पिकांचे नुकसान झाल्याने त्यांच्या उदरनिर्वाहाचा गंभीर प्रश्न निर्माण झाला आहे. पिकांचे नुकसान; शेतकऱ्यांसमोर आर्थिक संकट पावसाअभावी पिकांना पुरेसे पाणी मिळाले नसल्याने अनेक शेतकऱ्यांच्या हातातोंडाशी आलेला घास हिरावला गेला आहे. शेतीतून मिळणारे उत्पन्न घटल्याने शेतकरी कुटुंबांवर आर्थिक संकट ओढवले असून, त्यांना दैनंदिन खर्च भागवणेही कठीण होत असल्याचे आमदार भोईर यांनी निवेदनात नमूद केले आहे. कल्याण तालुक्याचा दुष्काळग्रस्त यादीत समावेश करण्याची मागणी राज्य सरकारने ज्या निकषांच्या आधारे महाराष्ट्रातील ८० टक्के तालुके दुष्काळग्रस्त घोषित केले आहेत, त्याच निकषांवर ठाणे जिल्ह्यातील कल्याण तालुक्याचाही समावेश करण्यात यावा, अशी मागणी आमदार विश्वनाथ भोईर यांनी केली आहे. कल्याण तालुक्यातील स्थानिक शेतकऱ्यांना शासनाच्या दुष्काळी उपाययोजनांचा लाभ मिळावा आणि त्यांना भरीव आर्थिक मदत देण्यात यावी, अशी विनंती त्यांनी उपमुख्यमंत्री एकनाथ शिंदे यांच्याकडे केली आहे.
२०१९ पासून कारवाईचा केवळ फार्स? डोंबिवलीच्या सोनारापाड्यातील कथित बेकायदा लॉजिंगवर KDMC प्रशासनाची टाळाटाळ! लोकायुक्तांच्या आदेशानंतरही कारवाई रखडली; २०२१ मध्ये बांधकाम बेकायदा ठरवून नोटीस बजावली, तरी प्रश्न अनुत्तरित — जागामालक जयवंत पाटील यांचा संतप्त सवाल कल्याण : कल्याण ग्रामीणमधील २७ गावांतील सोनारापाडा परिसरात कल्याण-शीळ रस्त्यालगत सुरू असलेल्या ‘आर्या लॉजिंग बोर्डिंग’च्या कथित बेकायदा बांधकामाचा मुद्दा पुन्हा ऐरणीवर आला आहे. आपल्या मालकीच्या जागेवर कब्जा करून हे लॉजिंग बोर्डिंग चालविले जात असल्याचा दावा जागामालक जयवंत पाटील यांनी केला आहे. या प्रकरणी वारंवार तक्रारी करूनही कल्याण-डोंबिवली महापालिका प्रशासनाकडून २०१९ पासून कारवाईस टाळाटाळ केली जात असल्याचा गंभीर आरोप त्यांनी केला आहे. लोकायुक्तांचे आदेश, तरीही कारवाई नाही! जयवंत पाटील यांनी या प्रकरणी सर्वप्रथम लोकायुक्तांकडे तक्रार दाखल केली होती. त�
कल्याणमध्ये मॉर्निंग वॉकला गेलेल्या तरुणाला आलिशान मर्सिडीजची धडक; तरुणाचा जागेवरच मृत्यू,हिट अँड रण प्रकरणात खडकपाडा पोलिसांनी CCTVच्या आधारे कार जप्त करत कार चालक ओमील गायकरला घेतलं ताब्यात; आलिशान गाडीवरील ‘विधानसभा सदस्य’ स्टिकरमुळे चर्चा!
Video 5
कल्याण स्टेशन परिसरात ‘CHAI CHOWK’चा शानदार शुभारंभ; अभिनेता रिषभ कश्यप गोलू यांच्या हस्ते उद्घाटन! चहा प्रेमींसाठी पर्वणी! चहासोबत सँडविच आणि मोजिटोचीही मेजवानी; कल्याणकरांच्या भेटीला नवा चहाचा अड्डा कल्याण : चहाचा आस्वाद घेणाऱ्या शौकिनांसाठी कल्याणमध्ये एक नवा पर्याय उपलब्ध झाला आहे. कल्याण स्टेशन परिसरात ‘CHAI CHOWK’ या नव्या चहा आउटलेटचे उद्घाटन प्रसिद्ध अभिनेता रिषभ कश्यप उर्फ गोलू यांच्या हस्ते करण्यात आले. चहा प्रेमींसाठी खास आकर्षण ठरणाऱ्या या आउटलेटमध्ये चहासोबतच सँडविच आणि मोजिटोसारख्या पेयांचाही आस्वाद घेता येणार आहे. चहाचा आनंद घेण्यासाठी तसेच मित्रमंडळींसोबत निवांत वेळ घालवण्यासाठी हे ठिकाण कल्याणकरांसाठी एक नवा पर्याय ठरणार आहे. अभिनेता रिषभ कश्यप गोलू यांच्या हस्ते झालेल्या उद्घाटनामुळे या नव्या उपक्रमाला विशेष रंगत आली. चहा, खाद्यपदार्थ आणि पेयांची आवड असणाऱ्या नागरिकांसाठी ‘CHAI CHOWK’ कितपत लोकप्रिय ठरते, याकडे आता कल्याणकरांचे लक्ष लागले आहे.
Video 7
कल्याण डोंबिवलीकरांनो, पाणी जपून वापरा,२७ ऑक्टोबरला १८ तास पाणी पुरवठा बंद बारावे, मोहिली, नेतिवली आणि टिटवाळा जलशुद्धीकरण केंद्रांतील देखभाल-दुरुस्तीची कामे; कल्याण-डोंबिवलीसह ग्रामीण भागालाही फटका कल्याण-डोंबिवली महानगरपालिकेमार्फत बारावे, मोहिली, नेतिवली आणि टिटवाळा येथील जलशुद्धीकरण केंद्रांमधील विद्युत व यांत्रिकी उपकरणांची देखभाल आणि दुरुस्ती करण्यात येणार आहे. या कामासाठी मंगळवार, दिनांक २७ ऑक्टोबर २०२६ रोजी सकाळी ६ ते रात्री १२ वाजेपर्यंत तब्बल १८ तास पाणीपुरवठा बंद राहणार आहे. त्यामुळे कल्याण-डोंबिवलीसह कल्याण ग्रामीण भागातील नागरिकांना पाणीटंचाईचा सामना करावा लागण्याची शक्यता आहे. महानगरपालिकेच्या बारावे, मोहिली, नेतिवली आणि टिटवाळा जलशुद्धीकरण केंद्रांमधील विद्युत व यांत्रिकी उपकरणांची देखभाल-दुरुस्ती करणे आवश्यक असल्याने हा निर्णय घेण्यात आला आहे. या कालावधीत संबंधित जलशुद्धीकरण केंद्रांमधून होणारा पाणीपुरवठा पूर्णपणे बंद राहणार आहे. या देखभाल-दुरुस्तीच्या कामाचा परिणाम कल्याण पूर्व आणि पश्चिम, डोंबिवली पूर्व आणि पश्चिम तसेच कल्याण ग्रामीण विभागातील विविध भागांवर होणार आहे. यामध्ये मांडा-टिटवाळा, वडवली, आंबिवली, शहाड, अटाळी आणि कल्याण ग्रामीण विभागातील इतर गावांचा समावेश आहे.मंगळवारी सकाळी ६ वाजल्यापासून रात्री १२ वाजेपर्यंत पाणीपुरवठा बंद राहणार असल्याने नागरिकांनी आवश्यक त्या पाण्याचा साठा करून ठेवण्याचे आवाहन कल्याण डोंबिवली महानगरपालिका प्रशासनाकडून करण्यात आले आहे. देखभाल-दुरुस्तीची कामे पूर्ण झाल्यानंतर पाणीपुरवठा पूर्ववत होण्यास काही कालावधी लागू शकतो. त्यामुळे संबंधित परिसरातील नागरिकांनी पाण्याचा काटकसरीने वापर करावा, पुरेसा पाणीसाठा करून ठेवावा आणि महानगरपालिका प्रशासनाला सहकार्य करावे, असे आवाहन करण्यात आले आहे.
लोकनेते पुंडलिकशेठ म्हात्रे कामगार संघटनेचे युनियन तर्फे KDMC ला निवेदन सुमित एलको कंपनीच्या कामगाराना दिवाळी पूर्वी बोनस द्या ..कामगारांच्या इतर मागण्यांसाठी KDMC उपायुक्त रामदास कोकरे यांना निवेदन
कल्याण-डोंबिवलीतील ४०० हून अधिक शिक्षक बनले घनकचरा व्यवस्थापनाचे ‘इम्पॅक्ट अँबॅसॅडर’! केडीएमसीच्या जनजागृती मोहिमेला बळ; शाळांमधून स्वच्छतेचा संदेश विद्यार्थ्यांपर्यंत पोहोचवण्यासाठी शिक्षकांना विशेष प्रशिक्षण कल्याण : कल्याण-डोंबिवली महानगरपालिकेच्या घनकचरा व्यवस्थापन जनजागृती उपक्रमांतर्गत ४०० हून अधिक शिक्षकांनी एकदिवसीय प्रशिक्षण कार्यशाळेत सहभाग घेत ‘इम्पॅक्ट अँबॅसॅडर’ म्हणून महत्त्वाची जबाबदारी स्वीकारली. आचार्य प्रल्हाद केशव अत्रे रंगमंदिर, कल्याण येथे ही कार्यशाळा उत्साहात पार पडली. शाळांमधून विद्यार्थ्यांमध्ये स्वच्छता, कचऱ्याचे योग्य वर्गीकरण आणि पर्यावरण संवर्धनाबाबत जागरूकता निर्माण करणे हा या उपक्रमाचा मुख्य उद्देश आहे. या उपक्रमाचे मुख्य काम कौटिल्य मल्टीक्रिएशन प्रायव्हेट लिमिटेड यांच्याकडे असून, असिमेट्रिकल लर्निंग आणि कुशाग्र इनोव्हेशन फाउंडेशन यांच्या वतीने कार्यशाळेचे आयोजन करण्यात आले. महानगरपालिका, खासगी अनुदानित आणि विनाअनुदानित अशा विविध शाळांमधील शिक्षकांनी या प्रशिक्षणात सहभाग नोंदवला. प्रशिक्षक जितेंद्र साळी आणि रोहित कांबळे यांनी शिक्षकांना प्रभावी पद्धतीने प्रशिक्षण दिले. आदिती देवधर यांनी तयार केलेल्या वर्कबुकच्या आधारे ‘कचरा नेमका निर्माण कुठून होतो?’ आणि ‘निसर्गात कचरा का नसतो?’ अशा प्रश्नांमधून कचऱ्याची समस्या, त्यामागील कारणे आणि त्यावरील उपाय यांवर सखोल चर्चा करण्यात आली. विविध खेळ आणि कृतीशील उपक्रमांमुळे शिक्षकांनीही उत्स्फूर्त सहभाग घेतला. ‘7R’ संकल्पनेवर विशेष भर कचरा व्यवस्थापनासाठी ‘रिफ्यूज, रिड्यूस, रिथिंक ते रिसायकल’ अशा 7R संकल्पनेचे महत्त्व कार्यशाळेत अधोरेखित करण्यात आले. जगभरातील उदाहरणे, केस स्टडीज आणि दृश्य सादरीकरणांच्या माध्यमातून कचऱ्याच्या समस्येची व्याप्ती समजावून सांगण्यात आली.कचऱ्याचे वर्गीकरण कसे करावे, त्यामागील शास्त्रीय कारणे काय आहेत आणि प्रत्यक्ष आकडेवारीतून कोणते निष्कर्ष समोर येतात, याचीही माहिती शिक्षकांना देण्यात आली. कचऱ्याची निर्मिती कमी करणे, संसाधनांचा पुनर्वापर करणे आणि पर्यावरणपूरक सवयी अंगीकारणे यावर विशेष भर देण्यात आला. आता शाळांमधून घडणार स्वच्छतेची चळवळ! या प्रशिक्षणानंतर शिक्षक आपल्या शाळांमध्ये उपलब्ध करून दिलेल्या सेग्रिगेशन कॉर्नर, वर्कबुक आणि फ्लॅशकार्ड्सच्या माध्यमातून विद्यार्थ्यांमध्ये जनजागृती करणार आहेत. विद्यार्थ्यांना कचऱ्याचे योग्य वर्गीकरण, कचरा कमी करण्याच्या सवयी आणि पर्यावरण संवर्धनाचे महत्त्व समजावून सांगितले जाणार आहे.
धक्कादायक! कल्याण पूर्वेतील मा कल्याणी रुग्णालय नियमांच्या उल्लंघनामुळे बंद! रुग्णालयात तपासणीदरम्यान अनेक त्रुटी उघड; रुग्ण तपासणीसाठी डॉक्टरच उपलब्ध नाहीत, जैववैद्यकीय कचरा व्यवस्थापनासाठीही परवानगी नाही कल्याण : कल्याण-डोंबिवली महानगरपालिकेच्या वैद्यकीय आरोग्य विभागामार्फत सुरू असलेल्या सोनोग्राफी सेंटर, रुग्णालये आणि बोगस डॉक्टरांवरील तपासणी मोहिमेदरम्यान कल्याण पूर्वेतील मा कल्याणी रुग्णालयातील गंभीर त्रुटी उघडकीस आल्या आहेत. वैद्यकीय आरोग्य विभागाच्या पथकाने गुरुवार, १५ ऑक्टोबर रोजी अचानक भेट दिली असता रुग्णालयात अनेक नियमांचे उल्लंघन होत असल्याचे निदर्शनास आले. त्यामुळे संबंधित रुग्णालय बंद करण्यात आल्याची माहिती महापालिकेच्या प्रसिद्धीपत्रकातून देण्यात आली आहे.महापालिकेच्या वैद्यकीय आरोग्य विभागाच्या या मोहिमेअंतर्गत शहर क्षयरोग अधिकारी डॉ. विनोद दौंड आणि वैद्यकीय अधिकारी डॉ. दिपाली मोरे यांनी संबंधित रुग्णालयाला भेट दिली. यावेळी तपासणीत पाच महत्त्वाच्या त्रुटी आढळून आल्या. तपासणीत कोणत्या त्रुटी आढळल्या? डॉक्टरांची अनुपस्थिती: रुग्णालयात रुग्णांची तपासणी करण्यासाठी कोणताही डॉक्टर उपलब्ध नव्हता. अग्निशमन ना हरकत प्रमाणपत्र: रुग्णालयाकडे अग्निशमन विभागाच्या ना हरकत प्रमाणपत्राची वैधता संपुष्टात आली होती. जैववैद्यकीय कचरा व्यवस्थापन: जैववैद्यकीय कचरा उचलण्यासाठी अधिकृत संस्थेची आवश्यक परवानगी घेण्यात आली नव्हती. प्रशिक्षित नर्सिंग स्टाफचा अभाव: रुग्णालयात शैक्षणिक अहर्ताधारक नर्सिंग स्टाफ आढळून आला नाही. मूलभूत बाबींची पूर्तता नाही: रुग्णालयाला आवश्यक बाबींची पूर्तता करण्यासाठी मुदत देण्यात आली होती; मात्र संबंधित त्रुटींची पूर्तता करण्यात आली नसल्याचे प्रसिद्धीपत्रकात नमूद करण्यात आले आहे. महापालिकेची कारवाई; रुग्णालय बंद रुग्णांच्या सुरक्षिततेच्या दृष्टीने आवश्यक नियमांचे पालन न झाल्याने संबंधित रुग्णालय बंद करण्यात आल्याचे महापालिकेच्या वैद्यकीय आरोग्य विभागाने स्पष्ट केले आहे. बेकायदेशीर किंवा नियमांचे उल्लंघन करणाऱ्या वैद्यकीय आस्थापनांविरोधात महापालिकेची तपासणी मोहीम सुरू असून, रुग्णांच्या आरोग्याशी संबंधित बाबींमध्ये कोणतीही तडजोड केली जाणार नसल्याचा संदेश या कारवाईतून देण्यात आला आहे.
डोंबिवलीत धक्कादायक घटना! खासगी फोटो-व्हिडिओ व्हायरल करण्याच्या धमकीनंतर तरुणीची आत्महत्या?,मानपाडा पोलिसांनी आरोपीला अटक डोंबिवलीत एक धक्कादायक घटना समोर आली आहे. प्रेमसंबंधातून निर्माण झालेल्या वादानंतर एका तरुणीचा लॉजमध्ये आत्महत्या केल्याची घटना घडली आहे. मयत तरुणही फिजिओथेरपीस्टच्या शिक्षण घेत होती या प्रकरणी सुमित खवळे या तरुणाला मानपाडा पोलिसांनी अटक केली असून, न्यायालयाने त्याला न्यायालयीन कोठडी सुनावली आहे. मिळालेल्या माहितीनुसार, मृत तरुणी आणि आरोपी सुमित खवळे हे मुंबईतील कांजूरमार्ग परिसरातील रहिवासी होते. दोघांचे एकमेकांशी प्रेमसंबंध होते. मात्र, तरुणीला हे संबंध पुढे सुरू ठेवायचे नव्हते. आरोपानुसार, याच कारणावरून सुमित खवळे हा तरुणीला तिचे खासगी फोटो आणि व्हिडिओ व्हायरल करण्याची धमकी देत होता.या पार्श्वभूमीवर दोघेही डोंबिवलीतील एका लॉजमध्ये आले होते. त्यानंतर तरुणीने गळफास घेतल्याची घटना घडली. या घटनेमुळे परिसरात खळबळ उडाली आहे.या प्रकरणी मानपाडा पोलिसांनी सुमित खवळे याला अटक केली. त्यानंतर त्याला कल्याण न्यायालयात हजर करण्यात आले. न्यायालयाने त्याची न्यायालयीन कोठडीत रवानगी केली आहे .
Video 13
डोंबिवलीत पार्सल डिलिव्हरी ब्लिंकिट रायडरवर दगड आणि धारदार शस्त्राने हल्ला, रायडर जखमी ‘शिवी का दिली ? अशी विचारणा केली असता आधी कानाखाली मारली, त्यानंतर पुन्हा हल्ला केल्याचा आरोप डोंबिवली : डोंबिवलीत ब्लिंकिट कंपनीमध्ये पार्सल डिलिव्हरीचे काम करणाऱ्या दिनेश मारुती कंक यांच्यावर दगड आणि धारदार शस्त्राने हल्ला करण्यात आल्याची घटना समोर आली आहे. मंगळवारी, २० ऑक्टोबर रोजी हा प्रकार घडल्याचे दिनेश कंक यांनी सांगितले. या हल्ल्यात ते जखमी झाले असून, त्यांच्यावर डोंबिवलीतील शिवम हॉस्पिटलमध्ये उपचार सुरू आहेत. या प्रकरणी मानपाडा पोलीस ठाण्यात तक्रार दाखल करण्यात आली आहे. दिनेश मारुती कंक हे ब्लँकेट कंपनीमध्ये रायडर म्हणून काम करतात. त्यांनी दिलेल्या माहितीनुसार, मंगळवारी ते चोळेगावातून पार्सल डिलिव्हरी करून एमआयडीसीच्या दिशेने जात होते. त्यावेळी एका दुचाकीस्वाराने त्यांना शिवी दिली . काही अंतरावर दिनेश कांती यांना तो �
KDMC उंबर्डे डम्पिंग ग्राऊंड भाजप पदाधिकाऱ्यांकडून सुपरवायझरला मारहाण प्रकरणात मोठी घडामोड! खडकपाडा पोलिसानी संदीप सरवणकर आणि सौरभ सिंग या दोघांना अटक , कल्याण सत्र न्यायालयाकडून जामिनावर सुटका मारहाण करणारे विजय जोशी यांचा शोध सुरू कल्याण : कल्याण-डोंबिवली महापालिकेच्या (KDMC) उंबर्डे घनकचरा प्रकल्पात सुपरवायझरला मारहाण केल्याप्रकरणी मोठी घडामोड समोर आली आहे. भाजप आमदार सुलभा गायकवाड यांच्या पाहणी दौऱ्यादरम्यान घडलेल्या या प्रकरणात मारहाणीच्या गुन्ह्यात आरोपी असलेले संदीप सरवणकर आणि सौरभ सिंग यांना पोलिसांनी अटक केली होती. मात्र, अटकेनंतर कल्याण सत्र न्यायालयाने दोन्ही आरोपींची जामिनावर सुटका केली आहे.या प्रकरणातील मुख्य आरोपी असल्याचा आरोप असलेले भाजप पदाधिकारी विजय जोशी यांचा पोलिसांकडून शोध सुरू असल्याची माहिती समोर आली आहे. उंबर्डे येथील KDMC घनकचरा प्रकल्पाची पाहणी करण्यासाठी भाजप आमदार सुलभा गायकवाड आल्�
डोंबिवली-ठाणे जोडणाऱ्या मानकोली उड्डाणपुलाजवळ पिस्तूल आणि जिवंत काडतूस सापडल्याने खळबळ! मानकोली उड्डाणपूल परिसरात रस्त्यावर पिस्तूल आणि जिवंत काडतूस आढळल्याची प्राथमिक माहिती नागरिकांनी पोलिसांना माहिती देताच नारपोली पोलिसांची घटनास्थळी धाव दुचाकीस्वार तरुणाचा अपघात झाल्यानंतर घटनास्थळी पिस्तूल पडल्याची प्राथमिक माहिती जखमी तरुण रुग्णालयात उपचार घेत असून पोलिसांकडून चौकशी सुरू ,पिस्तूल नेमके कोणाचे आणि कशासाठी आणले होते, याचा तपास सुरू भिवंडीतील नारपोली पोलिसांकडून पिस्तूल ताब्यात घेऊन तपास सुरू
KDMC उंबर्डे डम्पिंग ग्राऊंडवर भाजप पदाधिकाऱ्यांकडून सुपरवायझरला मारहाण प्रकरण ! सुपरवायझर किरण रसाळ यांच्यावर रुग्णालयात उपचार सुरू , मारहाणीमुळे माझ्यासह संपूर्ण कुटुंब मानसिक तणावात,मारहाण करणाऱ्यांवर कठोर कारवाई करा - रसाळ यांची मागणी
कल्याण-डोंबिवलीत कंत्राटी सफाई कामगारांचा महापालिकेबाहेर ठिय्या; ५६ कामगारांना पुन्हा कामावर घेण्याची मागणी! कल्याण-डोंबिवली महापालिकेच्या कंत्राटी सफाई कामगारांनी आपल्या विविध प्रलंबित मागण्यांसाठी प्रशासनाच्या दालनाबाहेर ठिय्या आंदोलन केलंय. ५६ कामगारांना कामावरून घरी बसवल्याचा आरोप करत त्यांना पुन्हा कामावर घेण्याची मागणी करण्यात आली आहे. इतकंच नाही, तर सफाई केल्यानंतर कामगारांना स्वतःच्या मोबाईलवरून फोटो काढण्याची सक्ती केली जात असल्याचा आरोप करत कामगारांनी याला विरोध दर्शवला आहे. यापुढे सफाई झालेल्या ठिकाणांची पाहणी सुपरवायजरांनी स्वतः करून फोटो काढावेत, अशी मागणीही करण्यात आली आहे. दरम्यान, कामगारांच्या मागण्या मान्य न झाल्यास आंदोलन तीव्र करण्याचा इशारा श्रमजीवी कामगार संघटनेच्या जयश्री पाटील यांनी दिला आहे. तसेच २७ ऑक्टोबर रोजी मंत्रालयावर संविधान मोर्चा काढण्यात येणार असल्याची माहितीही त्यां�
डोंबिवलीतील तरुणाच्या हत्या प्रकरणाचा २४ तासांत छडा; विष्णुनगर पोलिसांची धडक कारवाई! जुन्या भांडणाच्या वादातून तरुणाची हत्या; तिघांना अटक, दोन अल्पवयीन मुलांची बालसुधारगृहात रवानगी डोंबिवली : डोंबिवली पश्चिमेतील टेल्कोसवाडी परिसरात जुन्या भांडणाच्या वादातून एका तरुणाची धारदार चाकूने वार करून हत्या करण्यात आल्याची घटना समोर आली होती. या खून प्रकरणाचा विष्णुनगर पोलिसांनी अवघ्या २४ तासांत छडा लावत तीन आरोपींना अटक केली आहे. तसेच या गुन्ह्यात सहभागी असलेल्या दोन विधिसंघर्षग्रस्त बालकांनाही ताब्यात घेण्यात आले आहे. दरम्यान गुन्हेगारी मध्ये अल्पवयीन मुलांचा वाढता सहभाग हा चिंतेचा विषय ठरला आहे . मयत साहिल गायकवाड यांच्या कुटुंबीयांनी आरोपींना कठोर शिक्षा व्हावी अशी मागणी केली आहे
कोपर रेल्वे स्थानकाच्या समस्यांवर ‘रेल जन संवाद’ दिवा-वसई लोकल फेऱ्या वाढवण्यासह प्लॅटफॉर्मवर शेड, पिण्याचे पाणी, सरकते जिने आणि महिलांसाठी स्वच्छतागृहाची मागणी; नगरसेविका ज्योती पाटील यांनी रेल्वे प्रशासनाकडे मांडले प्रश्न डोंबिवली : रेल्वे प्रवासादरम्यान प्रवाशांना भेडसावणाऱ्या समस्या जाणून घेऊन त्यांचे निराकरण करण्यासाठी गुरुवार, २२ ऑक्टोबर २०२६ रोजी देशभरातील सात हजारांहून अधिक रेल्वे स्थानकांवर ‘रेल जन संवाद’ उपक्रम राबविण्यात आला. मध्य रेल्वेच्या विविध स्थानकांवरही या उपक्रमाचे आयोजन करण्यात आले असून, कोपर रेल्वे स्थानकावर प्रवाशांच्या समस्यांकडे रेल्वे प्रशासनाचे लक्ष वेधण्यात आले. कोपर रेल्वे स्थानकावरील विविध समस्यांबाबत भाजपच्या नगरसेविका ज्योती पवन पाटील यांच्यासह महिला पदाधिकारी आणि नागरिकांनी पुढाकार घेतला. त्यांनी स्थानकावरील समस्यांची माहिती असलेले अर्ज रेल्वे प्रबंधक संजय गुप्ता यां
कल्याण पूर्व महात्मा फुले नगर सूचक नाका येथे कचऱ्याचे साम्राज्य ..रस्त्याच्या दुतर्फा कचऱ्याचे ढीग
कर्मवीर सुनील खांबे यांच्या निधनाने आंबेडकरी चळवळीचा लढाऊ कार्यकर्ता हरपला. स्वाभिमानी रिपब्लिकन पार्टी ऑफ इंडियाच्या राष्ट्रीय अध्यक्ष : लक्ष्मणराव आंभोरे कल्याण - महामानव डॉ बाबासाहेब आंबेडकर यांच्या विचारांना प्रेरणा मानून समाजासाठी आंबेडकरी चळवळीसाठी आपले आयुष्य समर्पित केलेले कर्मवीर सुनील खांबे यांच्या निधनाने ठाणे जिल्ह्यात आंबेडकरी चळवळी ची मोठी हानी झाली आहे. कर्मवीर सुनील खांबे यांच्या निधनाने आंबेडकरी चळवळीचा लढाऊबाण्याचा; झुंजार कार्यकर्ता हरपला आहे अशा शब्दांत स्वाभिमानी रिपब्लिकन पार्टी ऑफ इंडियाचे राष्ट्रीय अध्यक्ष लक्ष्मणराव आंभोरे यांनी दिवंगत सुनील खांबे यांना भावपूर्ण श्रद्धांजली वाहिली आहे. आज ठाणे येथे स्वाभिमानी रिपब्लिकन पार्टी ऑफ इंडियाचे सर्व पदाधिकारी कार्यकर्ते महिला आघाडी आणि संपूर्ण महाराष्ट्रातील फुले शाहू आंबेडकर जनतेच्या वतीने दिवंगत कर्मवीर सुनील खांबे यांना भावपूर�
Video 23
कल्याण पूर्वेतील नामदेववाडी ते पुनालिंक रोड रस्त्याचा प्रश्न ऐरणीवर; २५ वर्षांपासून रस्ता अपूर्ण, अवजड वाहतुकीमुळे नागरिक व शाळकरी विद्यार्थी त्रस्त कल्याण : कल्याण पूर्व तिसगाव येथील नामदेववाडी ते पुनालिंक रोड दरम्यानचा रस्ता गेल्या २० ते २५ वर्षांपासून अपूर्णावस्थेत असल्यामुळे स्थानिक रहिवासी, शाळकरी मुले आणि आबालवृद्धांना मोठ्या अडचणींचा सामना करावा लागत आहे. तत्कालीन आमदार स्व. हरिश्चंद्र पाटील यांच्या विकास निधीतून आणि माजी नगरसेविका रेवती गायकवाड यांच्या पाठपुराव्याने मंजूर झालेला सहा मीटरचा रस्ता आजही पूर्ण झालेला नाही, असा आरोप स्थानिक नागरिकांनी केला आहे. या मार्गावरील बाधित बांधकामे हटवून नामदेववाडी ते गोपाळनगर आणि पुनालिंक रोड ते हरिश्चंद्र गायकवाड यांच्या घरांपर्यंत दोन्ही बाजूंनी रस्ता तयार करण्यात आला होता. या रस्त्यासाठी अनेक नागरिकांनी स्वतःचे बांधकाम तोडून प्रशासनाला सहकार्य केले. मात्र, �