ଖୁଣ୍ଟିଗୋରା ପଞ୍ଚାୟତରେ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ମାନବ ସେବା ସଦନ (ରୁଗୁଡ଼ିପାଲି, ବୌଦ୍ଧ) ଏବଂ ମହାନଦୀ ନେତ୍ର ଚିକିତ୍ସାଳୟ (ପଣ୍ଡାପାଲି, ସୋନପୁର)ର ମିଳିତ ଆନୁକୂଲ୍ୟରେ କଣ୍ଟାମାଳ ବ୍ଳକ ଅନ୍ତର୍ଗତ ଖୁଣ୍ଟିଗୋରା ପଞ୍ଚାୟତରେ ଏକ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମକୁ ପଞ୍ଚାୟତର ସରପଞ୍ଚ ଧନଞ୍ଜୟ କାଲସେ, ସମିତିସଭ୍ୟା ଭାରତୀ ସାହୁ ଏବଂ ବିରଞ୍ଚି କାଲସେ ଯୁଗ୍ମ ଭାବେ ଉଦଘାଟନ କରିଥିଲେ। ଏଥିରେ ଯୋଗାଣ ସହାୟକ ସୁନୀଲ କୁମାର ଖଟୁଆ, ସମାଜସେବୀ ସୁଧୀର କୁମାର ସାହୁ ଓ ସଞ୍ଜିତ କମ୍ପ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଶିବିରରେ ଡ଼. ମନୋଜ କୁମାର ସାହୁ, ଜିଲ୍ଲା ସଂଯୋଜକ ଧର୍ମରାଜ ନାଏକ ଏବଂ ଚନ୍ଦ୍ରଶେଖର ନନ୍ଦ, ହିମାଂଶୁ ମହାକୁର, ଟିଟସ୍‌ଙ୍କ ସମେତ ଅନ୍ୟାନ୍ୟ ଟେକ୍ନିସିଆନ୍‌ମାନଙ୍କ ସହଯୋଗରେ ମୋଟ ୮୮ ଜଣ ରୋଗୀଙ୍କ ଆଖି ପରୀକ୍ଷା କରାଯାଇଥିଲା। ସେଥିରୁ ୨୧ ଜଣ ରୋଗୀଙ୍କୁ ଅସ୍ତ୍ରୋପଚାର ଏବଂ ମାଗଣା ଚଷମା ପ୍ରଦାନ ପାଇଁ ପଣ୍ଡାପାଲି ସ୍ଥିତ ମହାନଦୀ ନେତ୍ର ଚିକିତ୍ସାଳୟକୁ ପଠାଯାଇଛି। ଏହି ମହତ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିବା ଉଭୟ ଅନୁଷ୍ଠାନର ସମସ୍ତ ସଦସ୍ୟ ଓ କର୍ମଚାରୀଙ୍କୁ ଧନ୍ୟବାଦ୍ ଜ୍ଞାପନ କରାଯାଇଥିବା ବهେଳେ, ଆଗାମୀ ଦିନରେ ମଧ୍ୟ ଏପରି ପ୍ରୟାସ ଜାରି ରହିବ ବୋଲି ଆଶାପ୍ରକାଶ କରାଯାଇଛି #ManabSebaSadan #MahanadiNetraChikitsalaya #EyeCamp #Khuntigora #Kantamal #SocialService #Odisha

Baudh Sadar, Boudh (Bauda) | Nov 7, 2026

#manabsebasadan #mahanadinetrachikitsalaya #eyecamp #khuntigora #kantamal #socialservice #odisha

MORE NEWS