बँक ऑफ महाराष्ट्र रामटेक शाखेतून काढलेली 40 हजार रुपये रक्कम एका पिशवीत भरून ती पिशवी आपल्या दुचाकीच्या हुकला अडकवून घराकडे परतणाऱ्या एका 64 वर्षीय व्यक्तीची पिशवी बँक शाखा ते गांधी चौक रामटेक च्या दरम्यान पाळतीवर असणाऱ्या दोघांनी उडवल्याची घटना मंगळवार दिनांक 17 फेब्रुवारीला दुपारी साडेबारा वाजता च्या दरम्यान घडली. ही घटना परिसरातील सीसीटीव्ही कॅमेऱ्यात कैद झाली असून फिर्यादी हरीश तुळशीराम सार्वे यांनी रामटेक पोलिसात तक्रार दाखल केली आहे.रामटेक पोलीस तपास करीत आहेत.