ଜିଲ୍ଲା ସ୍ତରୀୟ 'ସୁରଭୀ' ଓ 'ଆଦର୍ଶ ଯୁବ ସାଂସଦ' କାର୍ଯ୍ୟକ୍ରମ ଅନୁଷ୍ଠିତ: ମୁଖ୍ୟ ଅତିଥି ଭାବେ ଯୋଗଦେଲେ ବୌଦ୍ଧ ବିଧାୟକ ଶ୍ରୀ ସରୋଜ କୁମାର ପ୍ରଧାନ ବୌଦ୍ଧ ଜିଲ୍ଲା ଟାଉନ୍ ହଲ୍‌ଠାରେ ଜିଲ୍ଲା ପ୍ରଶାସନ ଓ ଶିକ୍ଷା ବିଭାଗ ସହଯୋଗରେ ଜିଲ୍ଲା ସ୍ତରୀୟ 'ସୁରଭୀ' ଓ 'ଆଦର୍ଶ ଯୁବ ସାଂସଦ' କାର୍ଯ୍ୟକ୍ରମ ଅତି ଉତ୍ସାହର ସହ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଟେମ୍‌ଲାଲ୍ ଦୁବେ ଅଧ୍ୟକ୍ଷତା କରିଥିବାେବେଳେ, ମୁଖ୍ୟ ଅତିଥି ଭାବେ ବୌଦ୍ଧ ବିଧାୟକ ଶ୍ରୀଯୁକ୍ତ ସରୋଜ କୁମାର ପ୍ରଧାନ ଯୋଗଦେଇ ପ୍ରତିଭାଗୀମାନଙ୍କୁ ଉତ୍ସାହିତ କରିଥିଲେ। ଅନ୍ୟମାନଙ୍କ ମଧ୍ୟରେ ଅତିଥି ଭାବେ ଶ୍ରୀ ବିରଞ୍ଚି ନାରାୟଣ ଦରୱାନ ଏବଂ ସାଂସଦ ପ୍ରତିନିଧୀ ଶ୍ରୀ ଯୁଗଳ ସାମଲ ପ୍ରମୁଖ ମଞ୍ଚାସୀନ ରହି ଆମର ଅନ୍ତର୍ନିହିତ ପ୍ରତିଭା ଓ ଗଣତାନ୍ତ୍ରିକ ମୂଲ୍ୟବୋଧ ଉପରେ ଆଲୋକପାତ କରିଥିଲେ। କାର୍ଯ୍ୟକ୍ରମରେ ଜିଲ୍ଲାର ତିନୋଟି ବ୍ଲକରୁ ମନୋନୀତ ହୋଇଆସିଥିବା ଶତାଧିକ ପ୍ରତିଭାବାନ ଛତ୍ରଛାତ୍ରୀ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଏଥିରେ ପ୍ରଥମ ସ୍ଥାନ ଅଧିକାର କରିଥିବା କୃତି ପ୍ରତିଭାମାନେ ଆଗାମୀ ଦିନରେ ରାଜ୍ୟ ସ୍ତରୀୟ କାର୍ଯ୍ୟକ୍ରମରେ ଅଂଶଗ୍ରହଣ କରିବେ ବୋଲି ଜିଲ୍ଲା ଶିକ୍ଷା ଅଧିକାରୀ ସୂଚନା ଦେଇଛନ୍ତି। ଛାତ୍ରଛାତ୍ରୀଙ୍କ ଏପରି ବୌଦ୍ଧିକ ଓ ସାଂସ୍କୃତିକ ପ୍ରତିଭା ପ୍ରଦର୍ଶନ ସମସ୍ତଙ୍କ ପ୍ରଶଂସା ସାଉଁଟିଛି ବୋଲି ବିଧାୟକ କହିଛନ୍ତି l #Bouddha #Surabhi #YouthParliament #BouddhaUpdates #LocalNews #OdishaEducation

Baudh Sadar, Boudh (Bauda) | Nov 7, 2026

#bouddha #surabhi #youthparliament #bouddhaupdates #localnews #odishaeducation

MORE NEWS