જૂનાગઢ તાલુકાના પાતાપુર ગામે આધાર સિમેન્ટ ફેક્ટરીમાં ગેટ નીચેના કાણામાંથી એક સિંહ ઘૂસી જતાં ઘટનાનો વીડિયો વાયરલ થયો છે. સમગ્ર ઘટના સીસીટીવીમાં કેદ થઈ ગઈ. વિડિયોમાં જોવા મળે છે કે કૂતરાના ભસવાનો અવાજ સાંભળી સિંહ શિકારના ઇરાદે ફેક્ટરીમાં પ્રવેશ કરે છે. જોકે, ફેક્ટરી માલિકે કૂતરાઓ માટે સુરક્ષિત ડોગહાઉસ બનાવ્યું હોવાથી સિંહ તેમને પહોંચી શક્યો નહીં અને થોડા સમય બાદ પરત જંગલ તરફ વળી ગયો.