ବୌଦ୍ଧ ଜିଲ୍ଲା ବୈଦ୍ୟ ସଂଘ ତରଫରୁ ଭଗବାନ ଧନ୍ଵନ୍ତରୀ ଜୟନ୍ତୀ ପାଳିତ ଓ ବାର୍ଷିକ ସାଧାରଣ ସଭା ଅନୁଷ୍ଠିତ l ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ସରସରା ପଂଚାୟତ ଖଲିଆସାହି ଠାରେ ପ୍ରତ୍ୟେକ ବର୍ଷ ଭଳି ବୌଦ୍ଧ ଜିଲ୍ଲା ବୈଦ୍ୟ ସଂଘ ତରଫରୁ ଭଗବାନ ଧନ୍ଵନ୍ତରୀ ଜୟନ୍ତୀ ଉତ୍ସବ ପାଳିତ ହୋଇଯାଇଛି l ସର୍ବ ପ୍ରଥମେ ଭଗବାନ ଧନ୍ଵନ୍ତାରୀଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ, ଧୂପ, ଦୀପ ପ୍ରୋଜ୍ଵଳନ ସହ ହୋମଯଜ୍ଞ, ଧନ୍ଵନ୍ତରୀ ଜୟନ୍ତୀ ବ୍ରତ କଥାରୁ ପାଞ୍ଚଟି ଅଧ୍ୟାୟ, ଷୋହଲ ପ୍ରକାର ପୁଷ୍ପ ଅର୍ପଣ ପୂର୍ବକ ପୂଜାର୍ଚନା କରାଯାଇଥିଲା l ପୂଜକ ଭାବେ ଗାୟତ୍ରୀ ପରିବାରର ବରିଷ୍ଠ ସଦସ୍ୟ ତଥା ବୌଦ୍ଧ ଜିଲ୍ଲା ବୈଦ୍ୟ ସଂଘ ଉପ ସଭାପତି ପ୍ୟାରୀ ମୋହନ ଶତପଥି ପୂଜାର୍ଚନା କରିଥିବା ବେଳେ କର୍ତ୍ତା ଭାବେ ବୈଦ୍ୟ ଶ୍ରୀ ଜଗବନ୍ଧୁ ଭୋକ୍ତା କାର୍ଯ୍ୟ ତୁଲାଇଥିଲେ l ପୂଜାର୍ଚନା ପରେ ବୌଦ୍ଧ ଜିଲ୍ଲା ବୈଦ୍ୟ ସଂଘ ସଭାପତି ବୈଦ୍ୟ ଶ୍ରୀ ସନ୍ତୋଷ କୁମାର ବାରିକଙ୍କ ସଭାପତିତ୍ୱରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ମୁଖ୍ୟ ଅଥିତି ଭାବେ ବୈଦ୍ୟ ସଂଘ ଉପଦେଷ୍ଟା ତଥା ପରିବେଶ ବିତ୍ତ ଅଧ୍ୟାପକ ଡ ପ୍ରବୀର କୁମାର ଦାସ ଯୋଗଦେଇ ଆୟୁର୍ବେଦିକ, ପ୍ରାକୃତିକ ଚିକିତ୍ସା, ଜଡିବୁଟି ଚିକିତ୍ସା ଉପରେ ବକ୍ତବ୍ୟ ରଖିଥିଲେ l ବିଭିନ୍ନ ଆଲୋଚନାରେ ବୈଦ୍ୟ ଶ୍ରୀ ନିରଞ୍ଜନ ନାଗ, ନିରଞ୍ଜନ ଦୀପ , ବିଛନ୍ଦ ଦେହୁରୀ, ଶିବ ରଣା, ସମ୍ବାରୁ ପ୍ରଧାନ,ସୌମିତ୍ରୀ ସାହୁ, ମୁରଲୀଧର ମେହେର, ଆନନ୍ଦଚନ୍ଦ୍ର ସାହୁ, ମନ ରଞ୍ଜନ ମିଶ୍ର ଓ ସୋମନାଥ ହୋତା ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ l ସରସରା ଖଲିଆସାହି ସ୍ଥିତି ଅସମ୍ପୂର୍ଣ ଭଗବାନ ଧନ୍ଵନ୍ତରୀ ମନ୍ଦିର ସଂପୂର୍ଣ୍ଣିକରଣ ନିମନ୍ତେ ବୌଦ୍ଧ ବିଧାୟକଙ୍କୁ ଅନୁରୋଧ କରିବା ପାଇଁ ନିଷ୍ପତ୍ତି ଗ୍ରହଣ କରି ଏକ ପ୍ରତିନିଧି ମଣ୍ଡଳୀ ଭେଟିବାକୁ ସ୍ଥିର କରାଯାଇଥିଲା l ବୈଦ୍ୟ ମାନଙ୍କୁ ସରକାରୀ ସ୍ଥରରେ ମାନ୍ୟତା ସହ ଅବସର ଭତ୍ତା ପ୍ରଦାନ ନିମନ୍ତେ ସରକାରଙ୍କୁ ଅନୁରୋଧ କରିଥିଲେ l ଶେଷରେ ମାହେଶ୍ୱରୀ ଗୋଶାଳା ଅଧକ୍ଷ ତଥା ବୈଦ୍ୟ ନିର୍ଗୁଣ ମହାକୁଡ଼ ଧନ୍ୟବାଦ ଅର୍ପଣ କରିଥିଲେ l

Baudh Sadar, Boudh (Bauda) | Nov 7, 2026

MORE NEWS