डोंबिवलीत शिवसेना शहर शाखेत २६ ऑगस्टपासून एकल महिला नोंदणी अभियानाला सुरुवात
विधवा, घटस्फोटित, परित्यक्ता, अविवाहित व दिव्यांग महिलांनी नोंदणी करण्याचे आवाहन
कल्याण-डोंबिवली महानगरपालिका क्षेत्रातील एकल महिलांच्या सक्षमीकरणासाठी आणि त्यांच्या सर्वांगीण कल्याणासाठी एकल महिला नोंदणी अभियानाला २६ ऑगस्ट २०२६ पासून डोंबिवली शिवसेना शाखेत सुरुवात झाली आहे. या अभियानाच्या माध्यमातून महानगरपालिका क्षेत्रातील एकल महिलांची नोंदणी करून त्यांना विविध शासकीय व कल्याणकारी योजनांचा लाभ मिळवून देण्याचा प्रयत्न करण्यात येत आहे.
या अभियानात विधवा, घटस्फोटित, परित्यक्ता, अविवाहित, दिव्यांग तसेच इतर एकल महिलांनी सहभागी होऊन नोंदणी करून घ्यावी, असे आवाहन करण्यात आले आहे.
नोंदणीनंतर पात्र महिलांना आर्थिक सहाय्य व विविध कल्याणकारी योजना, स्वयंरोजगार व उद्योग प्रशिक्षण, आरोग्य सेवा, विमा कवच, गृहनिर्माण तसेच सुरक्षित निवारा यांसारख्या विविध उपक्रमांचा लाभ मिळण्यास मदत होणार आहे.
एकल महिलांना आर्थिकदृष्ट्या स्वावलंबी करण्यासोबतच त्यांच्या शैक्षणिक, आरोग्यविषयक, सामाजिक आणि आर्थिक सक्षमीकरणासाठी हे नोंदणी अभियान महत्त्वपूर्ण ठरणार आहे. त्यामुळे पात्र एकल महिलांनी या अभियानाचा लाभ घेत नोंदणी करून घ्यावी, असे आवाहन करण्यात आले आहे.
Kalyan, Thane | Aug 26, 2026 
