**୧୦୦ ବର୍ଷ ପରେ ବି ସୁଧୁରୁନି ଭାପୁର ଫାଣ୍ଡି ଅବସ୍ଥା** ଢେ଼ଙ୍କାନାଳ ଜିଲ୍ଲା ସଦର ବ୍ଳକର ମୁଖ୍ୟ କେନ୍ଦ୍ର ଛଦେଶ ଅଞ୍ଚଳ ଭାପୁର। ପାମାଳ ଠାରୁ କୋଟବେରେଣୀକୁ ନେଇ ଛଦେଶ ଗଠିତ ଏବଂ ବେଶ୍ ପରିଚିତ। ଛଦେଶ ଅଞ୍ଚଳର ମଧ୍ୟସ୍ଥଳୀ ହେଉଛି ଭାପୁରଗ୍ରାମ ଓ ଛକ ନିକଟରେ ଭାପୁର ଫାଣ୍ଡି,ଆଖି ଆଗରେ ଖଣି ଖଦାନ,ଦେଶୀ ବିଦେଶୀ ମଦ ଗଞ୍ଜେଇ ଠାରୁ ଆରମ୍ଭ କରି ମାଡପିଟ,ଚୋରି,ରାହାଜାନୀ,ଡ଼କାୟତି,ଅଞ୍ଚଳବାସୀଙ୍କୁ ସୁରକ୍ଷା ବ୍ୟବସ୍ଥା ଯୋଗାଇଦେବା ଉଦ୍ଦେଶ୍ୟରେ ନିମନ୍ତେ ବିଟିଶ୍ ଅମଳରୁ ୧୯୨୬ ମସିହାରେ ଭାପୁର ଛକ ଠାରେ ଏକ ଫାଣ୍ଡି ସ୍ଥାପନ ହୋଇଥିଲା। ୧୦୦ ବର୍ଷ ଅତିକ୍ରମ ବିତି ଯାଇଥିବା ସତ୍ତ୍ବେ ଆଜି ପର୍ଯ୍ୟନ୍ତ ଫାଣ୍ଡିର ନିଜସ୍ବ କାର୍ଯ୍ୟାଳୟ ନିର୍ମିତ ହୋଇପାରିଲା ନାହିଁ। କି ଫାଣ୍ଡିର ଅବସ୍ଥା ସୁଧୁରି ପାରି ନାହିଁ। ଫାଣ୍ଡିରେ ଥିବା ପୁରୁଣା ଆଜବେଷ୍ଟସ ଘରେ ଫାଣ୍ଡିଟି ଚାଲିଛି। ଛୋଟ ଛାତ ଘର ଫାଣ୍ଡି ପଛ ପଟେ ଏକ ଆକବେଷ୍ଟ ଘରେ ଫାଣ୍ଡି ଅଧିକାରୀ ରହୁଥିବା ବେଳେ ଅବ୍ୟବସ୍ଥା ଅବସ୍ଥାରେ ଥିବା ଆଜବେଷ୍ଟସ ଘରେ କାର୍ଯ୍ୟାଳୟ ଚାଲିବା ସହିତ ଅନ୍ୟ ପୋଲିସ କର୍ମଚାରୀମାନେ ନାହିଁ ନଥିବା ଅସୁବିଧାରେ ନିଜର କର୍ମମୟ ଜୀବନ ଅତିବାହିତ କରିଥାନ୍ତି। ସ୍ଥାନୀୟ ଲୋକ ହୁଅନ୍ତୁ ବା ଆସୁଥିବା ଅତିଥି କିମ୍ବା ବିଭାଗୀୟ କର୍ମଚାରୀ ବିଭାଗର ଅତିଥି ଭବନରୁ ବଞ୍ଚିତ ରୁହନ୍ତି। ବସିବା ପାଇଁ ନା ଅଛି ଚ୍ୟାର,ନା,ଟେବୁଲ୍,ଜେରକ୍ସ ମେସିନ୍ ନା ପିଇବା ପାଇଁ ପାଣି ବିଭିନ୍ନ ସମସ୍ୟା ରାଜ୍ୟରେ ଥାନା,ଫାଣ୍ଡିମାନଙ୍କୁ ସରକାରଙ୍କ ପକ୍ଷରୁ କାର୍ଯ୍ୟାଳୟ ସାଙ୍ଗକୁ କର୍ମଚାରୀମାନଙ୍କ ରହଣି ନିମନ୍ତେ ଅର୍ଥ ବ୍ୟୟବରାଦ କରାଯାଇ ଗୃହ ନିର୍ମାଣ ପାଇଁ ବ୍ୟବସ୍ଥା କରାଯାଉଥିବା ବେଳେ ଢେ଼ଙ୍କାନାଳ ଜିଲ୍ଲା ସଦର ଥାନାର ଭାପୁର ଫାଣ୍ଡିକୁ ଉପେକ୍ଷା କରାଯାଉଛି ବୋଲି ଅଭିଯୋଗ ହୋଇଛି। ସେହିପରି ଭାବରେ ଉକ୍ତ ଫାଣ୍ଡିଟି ୪୨ ନମ୍ବର ଜାତୀୟ ରାଜପଥ କଡ଼ ଭାପୁର ଛକ ନିକଟରେ ଅବସ୍ଥିତ ପୂର୍ବରୁ ଭାପୁର ଫାଣ୍ଡିକୁ ଥାନା କରିବା ନିମନ୍ତେ ଭାପୁର ଛଦେଶ ଅଞ୍ଚଳବାସୀ ବାରମ୍ବାର ଦାବି ହେଉଥିଲେ ମଧ୍ୟ ଜିଲ୍ଲା କର୍ତ୍ତୃପକ୍ଷ ଏବଂ ସରକାରଙ୍କ ଏଥିପ୍ରତି ଉଦାସୀନ ଥିବା ଦେଖାଯାଉଛି।ହିନ୍ଦୋଳରୁ ରଙ୍ଗାଧର ସାହୁଙ୍କ ରିପୋର୍ଟ