દાહોદ જિલ્લામાં ઉમરીયા ડેમમાં 98.23% પાણીની આવક થઈ આજે તારીખ 17/08/2026 સોમવારના રોજ બપોરે 12 કલાક સુધીમાં મળતી માહિતી મુજબ દાહોદ જિલ્લામાં સારા વરસાદને પગલે ઉમરીયા ડેમમાં પાણીની આવકમાં સતત વધારો નોંધાઈ રહ્યો છે. હાલમાં ઉમરીયા ડેમ તેની કુલ સંગ્રહ ક્ષમતાના 98.23% સુધી ભરાયો છે. મળતી માહિતી અનુસાર ઉમરીયા ડેમની મહત્તમ જળસપાટી 280 મીટર છે, જ્યારે હાલમાં ડેમમાં પાણીની સપાટી 279.90 મીટર સુધી પહોંચી છે. સતત વરસાદના કારણે ડેમમાં પાણીની આવક યથાવત રહેતા જળસંગ્રહમાં નોંધપાત્ર વધારો થયો છે.