ওদালগুৰি জিলা প্ৰশাসনৰ উদ্যোগত আজি ওদালগুৰি উচ্চতৰ মাধ্যমিক বিদ্যালয়ৰ প্ৰেক্ষাগৃহত ভাৰতৰত্ন ড° ভূপেন হাজৰিকাৰ বছৰজোৰা জন্ম শতবৰ্ষ উদযাপনৰ জিলা পৰ্যায়ৰ সামৰণি অনুষ্ঠান অনুষ্ঠিত হয়। অনুষ্ঠানত ড° ভূপেন হাজৰিকাৰ প্ৰতিচ্ছবিত পুষ্পাঞ্জলি অৰ্পণ কৰাৰ লগতে মহান শিল্পীগৰাকীৰ জীৱন আৰু কৰ্মৰাজীক স্মৰণ কৰি বিভিন্ন কাৰ্যসূচী অনুষ্ঠিত কৰা হয়। অনুষ্ঠানত স্মৃতিচাৰণমূলক বক্তব্য প্ৰদান কৰাৰ লগতে ভূপেন হাজৰিকাৰ সংগীত আৰু সংগীতৰ আধাৰত নৃত্য প্ৰদৰ্শন কৰা হয়। এই অনুষ্ঠানৰ লগত সংগতি ৰাখি মানৱ শৃংখল কাৰ্যসূচীও ৰূপায়ণ কৰা হয়। আজিৰ এই অনুষ্ঠানত বিটিচিৰ কাৰ্যবাহী সদস্য ফ্ৰেছ মোছাহাৰী, টংলা সমষ্টিৰ বিধায়ক বিকণ চন্দ্ৰ ডেকা , ওদালগুৰি জিলাৰ জিলা আয়ুক্ত পুলক পাটগিৰিৰ লগতে বহু কেইগৰাকী বিশিষ্ট ব্যক্তি উপস্থিত থাকে।
Fresh Muchahari
Udalguri, Udalguri | Sep 9, 2026
