ବାଉଁଶୁଣିରେ ବିଜେପିର ମଣ୍ଡଳ ସ୍ତରୀୟ ସାଙ୍ଗଠନିକ ବୈଠକ: ସେବା ସଂକଳ୍ପ ଅଭିଯାନ ନେଇ ଆଲୋଚନା
ବାଉଁଶୁଣି: କଣ୍ଟାମାଳ ନିର୍ବାଚନ ମଣ୍ଡଳୀ ଅନ୍ତର୍ଗତ ବାଉଁଶୁଣୀ ମଣ୍ଡଳର ଦହ୍ୟା ଠାରେ ବିଜେପିର ଏକ ମଣ୍ଡଳ ସ୍ତରୀୟ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି। ମଣ୍ଡଳ ସଭାପତି ଶରତ କୁମାର କର୍ଣ୍ଣଙ୍କ ସଭାପତିତ୍ୱରେ ଆୟୋଜିତ ଏହି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୨୫ ବର୍ଷର ଜନସେବାକୁ ଉପଲକ୍ଷେ ଏକ ମାସ ବ୍ୟାପି ଅନୁଷ୍ଠିତ ହେବାକୁ ଥିବା "ସେବା ସଂକଳ୍ପ ଅଭିଯାନ" ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା।
ଏହି ବୈଠକରେ ଜିଲ୍ଲା ଉପସଭାପତି ତଥା ମଣ୍ଡଳ ପ୍ରଭାରୀ ସୁଶାନ୍ତ ବାଘ ଯୋଗଦେଇ ମଣ୍ଡଳ, ଶକ୍ତିକେନ୍ଦ୍ର ଓ ବୁଥ ସ୍ତରରେ ଦଳୀୟ ସଂଗଠନ ଏବଂ ସରକାରୀ ସେବା ସଂକଳ୍ପ ଅଭିଯାନର ସଫଳ ରୂପାୟନ ନେଇ ମାର୍ଗଦର୍ଶନ ଦେଇଥିଲେ। ଜିଲ୍ଲା କୃଷକ ମୋର୍ଚ୍ଚା ସାଧାରଣ ସମ୍ପାଦକ ତଥା ଗୁନ୍ଦୁଳିଆ ସରପଞ୍ଚ ଧବଳେଶ୍ୱର ସିଂହ ସଂଗଠନକୁ ତୃଣମୂଳ ସ୍ତରରୁ ସୁଦୃଢ଼ କରିବାକୁ ଆହ୍ୱାନ ଦେଇଥିବା ବେଳେ କୃଷକ ମୋର୍ଚ୍ଚାର ଲକ୍ଷିନ୍ଦ୍ର ଦେହୁରୀ ମଞ୍ଚାସୀନ ଥିଲେ।
ଏହି କାର୍ଯ୍ୟକ୍ରମରେ ମଣ୍ଡଳ ସାଧାରଣ ସମ୍ପାଦକ ଦୁର୍ଗେଶ ମହାକୁଡ଼, ଅଜିତ ମହାକୁଡ଼, ଜନ୍ମେଜୟ 미ଶ୍ର, ଉମେଶ ମିଶ୍ର, ନରେନ୍ଦ୍ର ମହାକୁଡ଼, ଶଙ୍କର ବଗର୍ତ୍ତୀ, ପୂର୍ଣ୍ଣଚନ୍ଦ୍ର ମେହେର, ପୌଲସ୍ତି ପ୍ରଧାନଙ୍କ ସମେତ ବହୁ ଦଳୀୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ। ଶେଷରେ ମଣ୍ଡଳ ସାଧାରଣ ସମ୍ପାଦକ ହିମାଂଶୁ କର୍ଣ୍ଣ ଧନ୍ୟବାଦ ଅର୍ପଣ କରିଥିଲେ।
#BJPOdisha #Kantamal #Boudh #Baunsuni #SebaSankalpAbhiyan #odishanewstoday
