મહિલા અને બાળ કલ્યાણ રાજ્યમંત્રી ડૉ. મનીષા વકીલે સુરેન્દ્રનગર જિલ્લાની મુલાકાત દરમિયાન આજે સામાજિક ન્યાય અને અધિકારીતા વિભાગ દ્વારા સંચાલિત સરકારી ચિલ્ડ્રન હોમ ફોર બોયઝની મુલાકાત લીધી હતી. મંત્રીશ્રીએ ચિલ્ડ્રન હોમની કાર્યપદ્ધતિ, બાળકોની સંખ્યા અને તેમને પૂરી પાડવામાં આવતી વિવિધ સુવિધાઓ વિશે સમાજ સુરક્ષા અધિકારીશ્રી અજય મોટકા પાસેથી ઊંડાણપૂર્વક જાણકારી મેળવી જરૂરી માર્ગદર્શન અને સૂચનો આપ્યા હતા.