चिखलदरा: कोटमी गावात तरुणाचा मृतदेह आढळला लटकलेल्या अवस्थेत;आत्महत्या की हत्या
अमरावती जिल्ह्यातील चिखलदरा तालुक्यातील कोटमी गावात एका तरुणाचा मृतदेह लटकलेल्या अवस्थेत दिनांक ५ जुलै रोजी सायं ५:२३ मिनिटांनी आढळला.मनरेगा कामगार कामावर गेले असताना ही घटना उघडकीस आली.एका निर्जन झोपडीत हा मृतदेह आढळला.मृत तरुणाचे नाव अजय संभुलाल इरवे (२९ वर्षे) असे आहे,जो काजलडोह गावचा रहिवासी होता.अजयच्या कुटुंबीयांनी सांगितले की तो मध्य प्रदेशातील त्याच्या सासरच्या घरातून परतत होता,परंतु तो गावी पोहोचू शकला नाही.