जिल्ह्यातील सिकलसेल अॅनिमिया या आजाराचे समूळ उच्चाटन करण्यासाठी आणि नागरिकांमध्ये विज्ञानाधिष्ठित दृष्टिकोन निर्माण करण्यासाठी जिल्हा आरोग्य विभागामार्फत 'अरुणोदय' सिकलसेल अॅनिमिया विशेष अभियान युद्धपातळीवर राबविले जात आहे. जिल्हा आरोग्य अधिकारी डॉ. अभिजीत गोल्हार यांच्या थेट मार्गदर्शनाखाली संपूर्ण जिल्ह्यात व्यापक IEC (माहिती, शिक्षण व संवाद) जनजागृती मोहीम राबवली जात असून, या मोहिमेला बळकटी देण्यासाठी आता शिक्षण विभागही पुढे सरसावला आहे.