ગુજરાતમાં છેલ્લા 24 કલાક દરમિયાન વરસાદી માહોલ યથાવત રહ્યો છે. રાજ્યના કુલ 95 તાલુકામાં નોંધપાત્ર વરસાદ નોંધાયો છે. સૌથી વધુ વરસાદ વલસાડ જિલ્લાના કપરાડા તાલુકામાં 3.70 ઈંચ નોંધાયો છે. દક્ષિણ અને મધ્ય ગુજરાતના અનેક વિસ્તારોમાં સારો વરસાદ વરસતા ખેડૂતોમાં ખુશીનો માહોલ જોવા મળી રહ્યો છે. આંકડા મુજબ નવસારીના ખેરગામમાં 2.17 ઈંચ, સુરતના કામરેજમાં 2.13 ઈંચ, આણંદના પેટલાદમાં 2.05 ઈંચ અને સોજીત્રામાં 1.97 ઈંચ વરસાદ નોંધાયો છે. પંચમહાલના ઘોઘંબામાં 1.77 ઈંચ વરસાદ વરસ્યો હતો.વલસાડ જિલ્લાના નાનપોંઢામાં 1.46 ઈંચ અને ધરમપુરમાં 1.06 ઈંચ વરસાદ નોંધાયો હતો. સુરત જિલ્લાના પલસાણા ખાતે 1.42 ઈંચ અને બારડોલીમાં 1 ઈંચ વરસાદ નોંધાયો છે. ભાવનગર શહેરમાં પણ 1.42 ઈંચ વરસાદ પડ્યો છે, જ્યારે ભરૂચના વાલિયામાં 1.18 ઈંચ વરસાદ નોંધાયો છે. #GujaratRain #WeatherUpdate #Monsoon #SuratRain #GujaratNews #HumDekhengeNews