अक्कलकुवा: मुसळधार पावसामुळे जांगठी ते मनीबेली रस्त्यावर दरड कोसळल्याने नर्मदा काठावरील गावांचा संपर्क तुटला
नंदुरबार जिल्ह्यातील अक्कलकुवा तालुक्यातील अतिदुर्गम भागातील डोंगरदऱ्यातील जांगठी ते मनीबेली रस्त्यावर आज दुपारच्या वेळेत मुसळधार पावसामुळे दरड कोसळल्याची घटना घडली आहे. यामुळे नर्मदा काठावरील गावांचा संपर्क तुटला आहे. सततच्या सुरू असलेल्या पावसामुळे डोंगराळ भागातील दरड रस्त्यावर कोसळल्याने हा मार्ग वाहतुकीसाठी बंद झाल्याने नर्मदा काठवरील गावांचा संपर्क तुटला आहे.