मुसळधार पावसाचा तडाखा ! रायगड किल्ल्यावरील महादरवाजाजवळ दरड कोसळली ; दोन दिवस प्रवेश बंद... . . रायगड: रायगड जिल्ह्यात सुरू असलेल्या मुसळधार पावसामुळे ऐतिहासिक रायगड किल्ल्याच्या महादरवाजा परिसरात दरड कोसळल्याची मोठी घटना घडली आहे. या पार्श्वभूमीवर पर्यटकांच्या सुरक्षेचा उपाय म्हणून किल्ल्याकडे जाणारा पायऱ्यांचा मार्ग २४ आणि २५ जून रोजी पर्यटकांसाठी पूर्णपणे बंद ठेवण्यात आला आहे. युद्धपातळीवर काम सुरू: दरड कोसळल्यामुळे गडावर जाणाऱ्या मार्गावर मोठे दगड, माती आणि झाडांचा ढिगारा (मलबा) साचला आहे. यामुळे हा प्रवास अत्यंत धोकादायक बनला असून, प्रशासनाकडून हा राडारोडा हटवण्याचे काम युद्धपातळीवर सुरू आहे. पर्यटकांच्या सुरक्षेच्या दृष्टीने हा निर्णय घेण्यात आल्याची माहिती जिल्हाधिकारी किसन जावळे यांनी दिली आहे. प्रशासनाचे आवाहन: जिल्हा प्रशासनाने नागरिक आणि पर्यटकांना या आदेशांचे काटेकोरपणे पालन करण्याचे आवाहन केले आहे. या बंदी आदेशाचे उल्लंघन करून किल्ल्यावर जाण्याचा प्रयत्न करणाऱ्यांवर कडक कायदेशीर कारवाई करण्यात येईल, असा इशाराही प्रशासनाने दिला आहे. पुढील दोन दिवस रायगड वारीचे नियोजन करणाऱ्यांनी आपला प्लॅन पुढे ढकलावा. . . . #RaigadFort | #Landslide | #RaigadNews | #MaharashtraRain | #TrekkersAlert | #FortRaigad | #SafetyFirst | #BreakingNews | #रायगडकिल्ला | #मराठीबातम्या