સૌરાષ્ટ્ર–કચ્છમાં પ્રથમવાર કડકડતી ઠંડીનો ચમકારો સવારે ઘુમ્મસ, બર્ફીલા પવને વધારી ઠંડીની તીવ્રતા આ વર્ષે સમગ્ર ડિસેમ્બર માસ દરમિયાન ઠંડીનો ખાસ અહેસાસ થયો ન હતો, પરંતુ આજે મેંદરડા સહિત સમગ્ર સૌરાષ્ટ્ર વિસ્તારમાં ઠંડી જાણે પોતાનો અસલી રંગ દેખાડી રહી હોય તેમ કડકડતી ઠંડી અનુભવાઈ હતી. સૌરાષ્ટ્રના શહેરો અને ગામોમાં ઠંડીએ કાતિલ સ્વરૂપ ધારણ કરતાં લોકો ધ્રુજી ઉઠ્યા હતા. મેંદરડા શહેરમાં પણ નગરજનો ઠંડીથી બચવા માટે તાપણાં કરતા જોવા મળ્યા હતા.