ରାଉରକେଲା ଅବକାରୀ ଅଧୀକ୍ଷକ ଧନେଶ୍ୱର ବରାଡ଼ଙ୍କୁ ଗିରଫ କରିଛି ଓଡ଼ିଶା ଭିଜିଲାନ୍ସ। ଗିରଫ ପରେ ଆଜି ତାଙ୍କୁ ସୁନ୍ଦରଗଡ଼ ଭିଜିଲାନ୍ସ କୋର୍ଟ ଚାଲାଣ କରାଯାଇଛି।
ବିଭିନ୍ନ ବିଦେଶୀ ମଦ ଦୋକାନରୁ ଅନୈତିକ ଭାବେ ଅର୍ଥ ସଂଗ୍ରହ ରେ ଲିପ୍ତ ଥିବା ଭିଜିଲାନ୍ସ ବିଭାଗ ସୂଚନା ପାଇଥିଲେ । ଗତକାଲି ସନ୍ଧ୍ୟାରେ ୫ ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ କାର୍ଯ୍ୟଳୟ ସମ୍ମୁଖରୁ ଧରିଥିଲେ ଭିଜିଲାନ୍ସ ଟିମ୍ ।
ସୂଚନା ଅନୁସାରେ, ଅବକାରୀ ଲାଇସେନ୍ସ ଧାରୀଙ୍କ ଠାରୁ ବିପୁଳ ପରିମାଣର ଲାଞ୍ଚ ଟଙ୍କା ସଂଗ୍ରହ କରାଯାଉଥିବା ନେଇ ଭିଜିଲାନ୍ସ ପାଖରେ ଖବର ଥିଲା।
ଏହାପରେ ଭିଜିଲାନ୍ସ ଟିମ୍ ଧନେଶ୍ୱର ବରାଡ଼ଙ୍କ ଗତିବିଧି ଉପରେ ନଜର ରଖିଥିଲା।
ଗତକାଲି ରାତିରେ ଏକ ସ୍ଥାନୀୟ ମଦ ଦୋକାନର ସେଲ୍ସମ୍ୟାନ୍ ଏକ ସ୍କର୍ପିଓ ଗାଡ଼ିରେ ଧନେଶ୍ୱର ଙ୍କ ୫ ଲକ୍ଷ ଟଙ୍କା ନେଇ ଯାଉଥିବା ବେଳେ ଭିଜିଲାନ୍ସ ଟିମ୍ ତାଙ୍କୁ ଅଟକାଇଥିଲା।
ରାଉରକେଲା ଉଦିତନଗରସ୍ଥିତ ଅବକାରୀ ଅଧୀକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ସାକ୍ଷୀଙ୍କ ଉପସ୍ଥିତିରେ ଗାଡ଼ିକୁ ଅଟକାଇ ଯାଞ୍ଚ କରାଯିବା ପରେ ୫ ଲକ୍ଷ ଟଙ୍କା ନଗଦ ଜବତ କରାଯାଇଥିଲା।
ପଚରାଉଚରା ବେଳେ ସେଲ୍ସମ୍ୟାନ୍ ଏହି ଟଙ୍କା ଅବକାରୀ ଅଧୀକ୍ଷକ ଧନେଶ୍ୱର ବରାଡ଼ ତାଙ୍କୁ ଦେଇଥିବା ଏବଂ ତାଙ୍କ ବାସଭବନରେ ପହଞ୍ଚାଇବାକୁ କହିଥିବା ସ୍ୱୀକାର କରିଥିବା ଭିଜିଲାନ୍ସ କହିଛି।
ସେହିପରି, ଅବକାରୀ ଅଧୀକ୍ଷକ ବରାଡ଼ଙ୍କୁ ଏନେଇ ପଚରାଉଚରା କରାଯିବା ପରେ ମଧ୍ୟ ଜବତ ୫ ଲକ୍ଷ ଟଙ୍କା ସମ୍ପର୍କରେ ସେ କୌଣସି ସନ୍ତୋଷଜନକ ଉତ୍ତର ଦେଇପାରିନଥିବା ଭିଜିଲାନ୍ସ ପକ୍ଷରୁ କୁହାଯାଇଛି।
ଏହାପରେ ଟଙ୍କାକୁ ଜବତ କରାଯାଇଥିଲା।
ଆୟବର୍ହିଭୂତ ସମ୍ପତ୍ତି ଠୁଳ ଅଭିଯୋଗ ରେ ଧନେଶ୍ୱର ଙ୍କ ୩ ଟି ଠିକଣାରେ ଯାଞ୍ଚ ଚାଲିଛି।
