ଖୁଣ୍ଟବନ୍ଧରେ ଦୁର୍ଗାପୂଜା ଓ ରାବଣ ଦରବାର ପାଇଁ ପ୍ରସ୍ତୁତି: 'ରାବଣ ବରଣ' ସମ୍ପନ୍ନ
ବୌଦ୍ଧ ବ୍ଲକ୍ ଅନ୍ତର୍ଗତ ଖୁଣ୍ଟବନ୍ଧ ଠାରେ ଚଳିତ ବର୍ଷ ଶାରଦୀୟ ଦୁର୍ଗାପୂଜା ଉପଲକ୍ଷେ ବ୍ୟାପକ ଆୟୋଜନ କରାଯାଉଛି। ଏହି ଅବସରରେ ଆସନ୍ତା ଅକ୍ଟୋବର ୧୩ ରୁ ୧୭ ତାରିଖ ପର୍ଯ୍ୟନ୍ତ ପାଞ୍ଚ ଦିନ ଧରି ମଞ୍ଚସ୍ଥ ହେବାକୁ ଯାଉଛି ଆକର୍ଷଣୀୟ 'ରାବଣ ଦରବାର'।
ଏଥିରେ ବରିଷ୍ଠ କଳାକାର ଶ୍ରୀ ମନୋଜ କୁମାର ମହାନ୍ତି ରାବଣ ଭୂମିକାରେ ନିଜର ଜୀବନ୍ତ ଅଭିନୟ ପରିବେଷଣ କରିବେ। ଏଥିପାଇଁ ରାବଣ କମିଟି ପକ୍ଷରୁ ତାଙ୍କୁ ବିଧିବଦ୍ଧ ଭାବେ 'ରାବଣ ବରଣ' କରାଯାଇଛି। କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଗୋଟିଏ ପଟେ ନବାହ ପାରାୟଣ ଅନୁଷ୍ଠିତ ହେବାକୁ ଥିବା ବେଳେ ଅନ୍ୟପଟେ ସ୍ଥାନୀୟ କଳାକାରମାନଙ୍କ ଦ୍ୱାରା ସାମାଜିକ ନାଟକ ପରିବେଷିତ ହେବ। ଆସନ୍ତା ଅକ୍ଟୋବର ୨୧ ତାରିଖ ପର୍ଯ୍ୟନ୍ତ ବିଭିନ୍ନ ସାଂସ୍କୃତିକ ଓ ଆଧ୍ୟାତ୍ମିକ କାର୍ଯ୍ୟକ୍ରମ ନିରନ୍ତର ଭାବେ ଚାଲୁରହିବ।
ଆସନ୍ତୁ, ଏହି ଭବ୍ୟ ଆୟୋଜନରେ ସାମିଲ ହୋଇ ମା' ଦୁର୍ଗାଙ୍କ ଆଶୀର୍ବାଦ ଭିକ୍ଷା କରିବା ସହ କଳାକାରମାନଙ୍କୁ ଉତ୍ସାହିତ କରିବା!
#DurgaPuja #Boudh #RavanaDarbar #Khuntabandha #OdishaFestivals #cultureofodisha
