ବ୍ଲକ ସ୍ତରୀୟ କ୍ରୀଡାର ପ୍ରସ୍ତୁତି ବୈଠକ ସହିତ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ କୁଚିଣ୍ଡା: ସମ୍ବଲପୁର ଜିଲ୍ଲା କୁଚିଣ୍ଡା ବ୍ଳକ ଅନ୍ତର୍ଗତ କୁଲେଇଗଡ ପଞ୍ଚାୟତ ଉଚ୍ଚ ବିଦ୍ୟାଳୟ କୁଡ଼ାପଡ଼ା ଠାରେ ହେବାକୁ ଥିବା ବ୍ଲକ ସ୍ତରୀୟ କ୍ରୀଡାର ପ୍ରସ୍ତୁତି ବୈଠକ ଏବଂ ଏହା ସହିତ ଅବସରକାଳୀନ ସମ୍ୱର୍ଦ୍ଧନା ସଭା ଅନୁଷ୍ଠିତ ହୋଇଥିଲା l ଉକ୍ତ ସଭାରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ଯୁକ୍ତ ସୁଶିଲ କୁମାର ମହାକୁଲ ସଭା ପତିତ୍ଵ କରିଥିବା ବେଳେ ମୁଖ୍ୟ ଅତିଥି ଭାବରେ ଜିଲ୍ଲା ଶାରୀରିକ ଶିକ୍ଷା ଅଧିକାରୀ ଶ୍ରୀ ଯୁକ୍ତ ଶ୍ରୀକାନ୍ତ ପଟେଲ, ସମ୍ମାନିତ ଅତିଥି ବି ଆର ସି ସି କମ୍ ଏ ବି ଇ ଶ୍ରୀ ଯୁକ୍ତ ବିନୋଦ ବିହାରୀ ସାହୁ ଏବଂ କୁଚିଣ୍ଡା ବ୍ଲକ ବ୍ଲକ କ୍ରୀଡା ସଂସଦର ସମ୍ପାଦକ ଶ୍ରୀ ଯୁକ୍ତ ଘନ କିଶୋର ସାହୁ ଉପସ୍ଥିତ ରହି ବିଦାୟୀ ଶାରୀରିକ ଶିକ୍ଷା ଶିକ୍ଷକ ଶ୍ରୀ ଯୁକ୍ତ ହିମାଂଶୁ ପଟେଲ, ଶ୍ରୀ ଯୁକ୍ତ ପ୍ରକାଶ କୁମାର ପଟେଲ, ଶ୍ରୀ ଯୁକ୍ତ ଧୀରେନ୍ଦ୍ର କୁମାର ପଟେଲ, ଶ୍ରୀ ଯୁକ୍ତ ପ୍ରବୀଣ କୁମାର ପଟେଲ ଓ ଶ୍ରୀ ଯୁକ୍ତ ନାରାୟଣ ଚନ୍ଦ୍ର ପଟେଲ୍ ମାନଙ୍କର ଅବସର ପରବର୍ତ୍ତୀ ଜୀବନ ସୁସ୍ଥ,ନିରାମୟ, ସୁଖମୟ ଏବଂ ଶାନ୍ତି ମୟ ହେବା ପାଇଁ ପ୍ରାର୍ଥନା କରିଥିଲେ l ଏଥିରେ କୁଚିଣ୍ଡା ବ୍ଲକ ସମସ୍ତ ବିଦ୍ୟାଳୟର କ୍ରୀଡା ଶିକ୍ଷକ ମାନେ ଅଂଶଗ୍ରଣ କରି ବିଦାୟୀ ଶିକ୍ଷକଙ୍କୁ ପୁଷ୍ପ ଗୁଚ୍ଛ, ପ୍ରଶଂସା ପତ୍ର ଓ ଉପହାର ପ୍ରଦାନ ପୂର୍ବକ ଶିକ୍ଷକତା ସମୟର ଅଭୁଲା ସ୍ମୃତିଚାରଣ କରିଥିଲେ l ଉକ୍ତ ସଭାକୁ ଶ୍ରୀ ଯୁକ୍ତ ଭୈରବ କୁମାର ସାହୁ ପରିଚାଳନା କରିଥିଲେ ଏବଂ ଶେଷରେ ଶ୍ରୀ ଯୁକ୍ତ ପ୍ରଶାନ୍ତ କୁମାର ଭୁକ୍ତା ଧନ୍ୟବାଦ୍ ପ୍ରଦାନ କରିଥିଲେ l କାର୍ଯ୍ୟ କର୍ମକୁ ପୂର୍ଣ୍ଣ ମାତ୍ରାରେ ସଫଳ କରିବା ପାଇଁ ସମସ୍ତ କ୍ରୀଡା ଶିକ୍ଷକ ଏବଂ ସ୍ଥାନୀୟ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷିକା ଏବଂ କର୍ମଚାରୀ ସହଯୋଗ କରିଥିଲେ l ଏଥିରେ ଶ୍ରୀ ଯୁକ୍ତ ପ୍ରଦୀପ କୁମାର ପଟେଲ, ବିଜୟ କୁମାର ପଟେଲ, ଜେହେରୁଲାଲ ପଟେଲ, ଇନ୍ଦିରା ଦାସ, ପ୍ରତିମା ନାୟକ ପ୍ରମୁଖ ମୁଖ୍ୟ ଭୂମିକା ଗ୍ରହଣ କରିଥିଲେ l