ପୋଲିସ ପିଛା କରି ସନ୍ଦେହଜନକ ପିକଅପ୍ ଗାଡ଼ି ଅଟକାଇଲା, ୪ କୁଇଣ୍ଟାଲ ରୁ ଅଧିକ ଗଞ୍ଜେଇ ଜବତ ସହ ଚାଲାକ ଗିରଫ କାଲିମେଳା: ମାଲକାନଗିରି ଜିଲ୍ଲାର MV-79 ଥାନା ପୋଲିସ ନିୟମିତ ପେଟ୍ରୋଲିଂ ସମୟରେ ଏକ ସନ୍ଦେହଜନକ ପିକଅପ୍ ଗାଡ଼ିକୁ ଅଟକାଇବା ପାଇଁ ସଙ୍କେତ ଦେଇଥିଲା। କିନ୍ତୁ ଗାଡ଼ି ଚାଳକ ପୋଲିସର ସଙ୍କେତକୁ ଅବହେଳା କରି ଦ୍ରୁତ ଗତିରେ ଫେରାର ହେବାକୁ ଉଦ୍ୟମ କରିଥିଲେ। ପୋଲିସ ତୁରନ୍ତ ଗାଡ଼ିଟିକୁ ପିଛା କରି ଥାନା ନାକା ନିକଟରେ ଅଟକାଇଥିଲା। ପରେ ଗାଡ଼ିର ତଲାସି ସମୟରେ ସେଥିରୁ ୪କୁଇଣ୍ଟାଲ ରୁ ଅଧିକ ଗଞ୍ଜେଇ ଜବତ କରାଯାଇଥିଲା। ଏହି ଘଟଣାରେ ପୋଲିସ ଗଞ୍ଜେଇ ସହ ପିକଅପ୍ ଗାଡ଼ିକୁ ଜବତ କରିବା ସହ ଅଭିଯୁକ୍ତ ଚାଳକଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ପ୍ରାଥମିକ ତଦନ୍ତରୁ ଏହା ଗଞ୍ଜେଇ ଚୋରାଚାଲାଣ ସହ ସମ୍ପୃକ୍ତ ଥିବା ସନ୍ଦେହ କରାଯାଉଥିବା ବେଳେ, ଏହା ପଛରେ ଆଉ କିଏ କିଏ ସମ୍ପୃକ୍ତ ଅଛନ୍ତି, ଗଞ୍ଜେଇ କେଉଁଠାରୁ ଆସିଥିଲା ଏବଂ କେଉଁଠାକୁ ଚାଲାଣ ହେଉଥିଲା, ସେନେଇ MV-79 ଥାନା ପୋଲିସ ଅଧିକ ତଦନ୍ତ ଜାରି ରଖିଛି। ==