🚨अवघ्या २ तासांत घरफोडी करणारा आरोपी रत्नागिरी पोलीसांच्या ताब्यात🚨 चिपळूण पोलीस ठाणे हद्दीतील मार्गताम्हाणे, गोपाळवाडी येथे अज्ञात इसमाने घरात प्रवेश करून चोरी केल्याची घटना घडली होती. सदर घटनेचे गांभीर्य लक्षात घेऊन मा. पोलीस अधीक्षक श्री. नितीन बगाटे (भा.पो.से.) व मा. अपर पोलीस अधीक्षक श्री. बी. बी. महामुनी यांच्या मार्गदर्शनाखाली चिपळूण पोलीस ठाण्याच्या पथकाने तात्काळ तपासास सुरुवात केली. गोपनीय माहिती व तांत्रिक विश्लेषणाच्या आधारे तपासाची दिशा निश्चित करत अवघ्या 2 तासांत सदर गुन्ह्याचा उलगडा करून आरोपीस ताब्यात घेण्यात पथकाला यश आले. आरोपीच्या ताब्यातून सदर गुन्ह्यात चोरीस गेलेला ₹4,45,842/- किंमतीचा मुद्देमाल हस्तगत करण्यात आला आहे. ही कारवाई चिपळूण पोलीस ठाण्याचे पोलीस निरीक्षक श्री. फुलचंद मेंगडे व त्यांच्या पथकाने केली.CMOMaharashtra Devendra Fadnavis Eknath Shinde - एकनाथ संभाजी शिंदे Sunetra Ajit Pawar Uday Ravindra Samant Yogesh Ramdas Kadam - योगेश रामदास कदम Maharashtra Police Headquarter IGP Konkan Range #detection #ratnagiripolice