SMS News Bureau Rourkela

*ଲାଜ ନୁହେଁ, ସ୍ୱାସ୍ଥ୍ୟ ଗୁରୁତ୍ୱପୂର୍ଣ୍ଣ: ଋତୁସ୍ରାବ ସଚେତନତାର ନୂଆ ଅଭିଯାନ ଆରମ୍ଭ କଲା ‘ମାସିକା କେୟାର’*

ଋତୁସ୍ରାବକୁ ନେଇ ସମାଜରେ ରହିଥିବା ଲଜ୍ଜା, ସଂକୋଚ ଓ ଅନ୍ଧବିଶ୍ୱାସ ଦୂର କରିବା ସହ କିଶୋରୀ ଓ ମହିଳାଙ୍କ ମାସିକ ସ୍ୱାସ୍ଥ୍ୟ ସମ୍ପର୍କରେ ସଚେତନତା ସୃଷ୍ଟି ଲକ୍ଷ୍ୟରେ ମାସିକା କେୟାର ପ୍ରାଇଭେଟ୍ ଲିମିଟେଡ୍ ପକ୍ଷରୁ ଚତୁର୍ଥ ଋତୁସ୍ରାବ ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି। ସୋମବାର ରାଉରକେଲାର ଆଇଡିଆଲ୍ କଲୋନୀସ୍ଥିତ ସୋନାପର୍ବତ ହାଇସ୍କୁଲ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ୮୮ ଜଣ ଛାତ୍ରୀ ଓ ଶିକ୍ଷକ ଅଂଶଗ୍ରହଣ କରିଥିଲେ।

ମାସିକା କେୟାରର ପ୍ରତିଷ୍ଠାତା ତଥା ସିଇଓ ଭୀଷ୍ମ ପଶାୟତ ଏବଂ ହୃଷୀକେଶ ଦାସ ଏହି ଅଭିଯାନର ନେତୃତ୍ୱ ନେଇଥିଲେ। ଅଷ୍ଟମ, ନବମ ଓ ଦଶମ ଶ୍ରେଣୀର ଛାତ୍ରୀମାନଙ୍କୁ ଋତୁସ୍ରାବର ପ୍ରଥମ ଅନୁଭୂତି ବା ମେନାର୍କି, ପ୍ରଥମ ଋତୁସ୍ରାବ ପୂର୍ବରୁ କିପରି ପ୍ରସ୍ତୁତ ରହିବେ, ଉପଯୁକ୍ତ ଖାଦ୍ୟପେୟ ଓ ଜୀବନଶୈଳୀ, ମାସିକ ଚକ୍ରର ଅନିୟମିତତା ଏବଂ କେଉଁ ସମୟରେ ଡାକ୍ତରଙ୍କ ପରାମର୍ଶ ନେବା ଆବଶ୍ୟକ, ସେ ସମ୍ପର୍କରେ ବିସ୍ତୃତ ଭାବେ ବୁଝାଯାଇଥିଲା।

କାର୍ଯ୍ୟକ୍ରମର ଏକ ମୁଖ୍ୟ ଆକର୍ଷଣ ଥିଲା ଛାତ୍ରୀମାନଙ୍କ ସହ ମୁକ୍ତ ଆଲୋଚନା। ପ୍ରଥମେ କିଛି ଛାତ୍ରୀ ନିଜ ସମସ୍ୟା ପ୍ରକାଶ କରିବାକୁ ସଂକୋଚ କରୁଥିବା ବେଳେ ପରବର୍ତ୍ତୀ ସମୟରେ ସେମାନେ ଖୋଲାଖୋଲି ଭାବେ ନିଜ ଋତୁସ୍ରାବଜନିତ ସମସ୍ୟା ଓ ଅନୁଭୂତି ବାଣ୍ଟିଥିଲେ। ଅନିୟମିତ ଋତୁସ୍ରାବ ସମେତ ବିଭିନ୍ନ ସ୍ୱାସ୍ଥ୍ୟ ସମସ୍ୟା ସମ୍ପର୍କରେ ଅନେକ ପ୍ରଶ୍ନ ଉଠିଥିଲା। ଏହା ଛାତ୍ରୀମାନଙ୍କ ମଧ୍ୟରେ ଋତୁସ୍ରାବ ସମ୍ପର୍କିତ ସଚେତନତା ଓ ନିୟମିତ ସ୍ୱାସ୍ଥ୍ୟ ପରୀକ୍ଷାର ଆବଶ୍ୟକତାକୁ ସ୍ପଷ୍ଟ କରିଥିଲା।

ଏହି ଅବସରରେ ମାସିକା କେୟାରର କୃତ୍ରିମ ବୁଦ୍ଧିମତ୍ତା (AI) ଆଧାରିତ ଋତୁସ୍ରାବ ସ୍ୱାସ୍ଥ୍ୟ ଆପ୍‌ର ମଧ୍ୟ ପରୀକ୍ଷାମୂଳକ ବ୍ୟବହାର କରାଯାଇଥିଲା। ଆପ୍‌ ମାଧ୍ୟମରେ ଛାତ୍ରୀମାନଙ୍କ ଋତୁସ୍ରାବ ସମ୍ପର୍କିତ ତଥ୍ୟର ପ୍ରାଥମିକ ମୂଲ୍ୟାଙ୍କନ କରାଯାଇଥିଲା। କେତେକ କ୍ଷେତ୍ରରେ ଅସ୍ୱାଭାବିକ ଓ ଅନିୟମିତ ଋତୁସ୍ରାବର ସଙ୍କେତ ମିଳିବା ପରେ ସମ୍ପୃକ୍ତ ଛାତ୍ରୀମାନଙ୍କୁ ଶୀଘ୍ର ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞଙ୍କ ପରାମର୍ଶ ନେବାକୁ ସୂଚନା ଦିଆଯାଇଥିଲା। ଏହି ଆପ୍‌ର ଉଦ୍ଦେଶ୍ୟ ହେଉଛି ମହିଳାମାନଙ୍କୁ ନିଜ ସ୍ୱାସ୍ଥ୍ୟ ସମ୍ପର୍କରେ ସଚେତନ କରିବା ଏବଂ ଆବଶ୍ୟକ ସମୟରେ ଚିକିତ୍ସା ସହାୟତା ନେବାକୁ ଉତ୍ସାହିତ କରିବା।

ଉଲ୍ଲେଖଯୋଗ୍ୟ ଯେ, ମାସିକା କେୟାର ପକ୍ଷରୁ ଏହା ପୂର୍ବରୁ ତିନୋଟି ଋତୁସ୍ରାବ ସଚେତନତା ଅଭିଯାନ ଆୟୋଜିତ ହୋଇସାରିଛି। ପ୍ରଥମ ଅଭିଯାନ ବଲାଙ୍ଗୀରରେ ଆୟୋଜିତ ଏକ ବୃହତ୍ ସରକାରୀ ସ୍ୱାସ୍ଥ୍ୟ ଶିବିର ଅବସରରେ ଆରମ୍ଭ ହୋଇଥିଲା। ଏଥିରେ ଓଡ଼ିଶା ସରକାରଙ୍କ ସ୍ୱାସ୍ଥ୍ୟ ଓ ଆଇଟି ମନ୍ତ୍ରୀ ଡା. ମୁକେଶ ମହାଲିଙ୍ଗ ଯୋଗଦେଇଥିଲେ। ଏହି ଶିବିରରେ ୧୦୦୦ରୁ ଅଧିକ ଲୋକ ସାମିଲ ହୋଇଥିଲେ।

ଦ୍ୱିତୀୟ ଅଭିଯାନ ଅକ୍ଟୋବର ୮ ତାରିଖରେ ଭୁବନେଶ୍ୱରସ୍ଥିତ ଜିଆଇଏଫ୍‌ଟି ଅଟୋନୋମସ୍ ଇଞ୍ଜିନିୟରିଂ କଲେଜରେ ଆୟୋଜିତ ହୋଇଥିବା ବେଳେ ଏଥିରେ ୧୩୬ରୁ ଅଧିକ ବି.ଟେକ୍ ଛାତ୍ରଛାତ୍ରୀ ଯୋଗଦେଇଥିଲେ। ତୃତୀୟ ଅଭିଯାନ ଅକ୍ଟୋବର ୩୧ ତାରିଖରେ ବାଲେଶ୍ୱର ଜିଲ୍ଲାର ସିମୁଳିଆ ବ୍ଲକ୍ ଅନ୍ତର୍ଗତ କନେଇବିନ୍ଧାସ୍ଥିତ ଦଶଭୁଜା ହାଇସ୍କୁଲରେ ଆୟୋଜିତ ହୋଇଥିଲା। ଏଥିରେ ୬୮ରୁ ଅଧିକ ଛାତ୍ରୀଙ୍କ ସହ ୧୦ ଜଣ ପର୍ଯ୍ୟନ୍ତ ଆଶାକର୍ମୀ ମଧ୍ୟ ଅଂଶଗ୍ରହଣ କରିଥିଲେ।

ଏହି ଚାରିଟି ଅଭିଯାନ ମାଧ୍ୟମରେ ସହରାଞ୍ଚଳଠାରୁ ଗ୍ରାମାଞ୍ଚଳ ଏବଂ ଶିକ୍ଷାନୁଷ୍ଠାନଠାରୁ ସାଧାରଣ ଜନସମାଜ ପର୍ଯ୍ୟନ୍ତ ଋତୁସ୍ରାବ ସ୍ୱାସ୍ଥ୍ୟର ବାର୍ତ୍ତା ପହଞ୍ଚାଇବାକୁ ଉଦ୍ୟମ କରାଯାଉଛି।

ମାସିକା କେୟାରର ମୂଳ ଲକ୍ଷ୍ୟ ହେଉଛି ଋତୁସ୍ରାବକୁ ନେଇ ରହିଥିବା ସାମାଜିକ ଅନ୍ଧବିଶ୍ୱାସ ଓ ସଂକୋଚ ଦୂର କରିବା ସହ ମହିଳାଙ୍କ ସ୍ୱାସ୍ଥ୍ୟକୁ ପ୍ରାଥମିକତା ଦେବା। ବିଶେଷକରି ଗ୍ରାମୀଣ ଭାରତର କିଶୋରୀମାନେ ଯେପରି ନିର୍ଭୟରେ ନିଜ ସମସ୍ୟା ବିଷୟରେ କହିପାରିବେ ଏବଂ ସମୟୋଚିତ ଚିକିତ୍ସା ପାଇପାରିବେ, ସେଥିପାଇଁ ସଚେତନତା ସହ ଆଧୁନିକ AI ପ୍ରଯୁକ୍ତିର ବ୍ୟବହାର ଉପରେ ସଂସ୍ଥା ଗୁରୁତ୍ୱ ଦେଉଛି।

ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀମାନେ ଏହି ପଦକ୍ଷେପକୁ ପ୍ରଶଂସା କରିବା ସହ ଏଭଳି କାର୍ଯ୍ୟକ୍ରମ ନିୟମିତ ଆୟୋଜନ କରିବାର ଆବଶ୍ୟକତା ଉପରେ ମତ ରଖିଥିଲେ। ଋତୁସ୍ରାବ କୌଣସି ଲଜ୍ଜାର ବିଷୟ ନୁହେଁ, ଏହା ଏକ ସ୍ୱାଭାବିକ ଜୈବିକ ପ୍ରକ୍ରିୟା। ଏହାକୁ ନେଇ ନୀରବତା ନୁହେଁ, ଖୋଲା ଆଲୋଚନା ଓ ସଠିକ୍ ସ୍ୱାସ୍ଥ୍ୟ ସଚେତନତା ହିଁ ସୁସ୍ଥ ସମାଜ ଗଠନର ମାର୍ଗ ବୋଲି ମାସିକା କେୟାର ପକ୍ଷରୁ ବାର୍ତ୍ତା ଦିଆଯାଇଛି।

SMS News Bureau Rourkela ଲାଜ ନୁହେଁ, ସ୍ୱାସ୍ଥ୍ୟ ଗୁରୁତ୍ୱପୂର୍ଣ୍ଣ: ଋତୁସ୍ରାବ ସଚେତନତାର ନୂଆ ଅଭିଯାନ ଆରମ୍ଭ କଲା ‘ମାସିକା କେୟାର’ ଋତୁସ୍ରାବକୁ ନେଇ ସମାଜରେ ରହିଥିବା ଲଜ୍ଜା, ସଂକୋଚ ଓ ଅନ୍ଧବିଶ୍ୱାସ ଦୂର କରିବା ସହ କିଶୋରୀ ଓ ମହିଳାଙ୍କ ମାସିକ ସ୍ୱାସ୍ଥ୍ୟ ସମ୍ପର୍କରେ ସଚେତନତା ସୃଷ୍ଟି ଲକ୍ଷ୍ୟରେ ମାସିକା କେୟାର ପ୍ରାଇଭେଟ୍ ଲିମିଟେଡ୍ ପକ୍ଷରୁ ଚତୁର୍ଥ ଋତୁସ୍ରାବ ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି। ସୋମବାର ରାଉରକେଲାର ଆଇଡିଆଲ୍ କଲୋନୀସ୍ଥିତ ସୋନାପର୍ବତ ହାଇସ୍କୁଲ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ୮୮ ଜଣ ଛାତ୍ରୀ ଓ ଶିକ୍ଷକ ଅଂଶଗ୍ରହଣ କରିଥିଲେ। ମାସିକା କେୟାରର ପ୍ରତିଷ୍ଠାତା ତଥା ସିଇଓ ଭୀଷ୍ମ ପଶାୟତ ଏବଂ ହୃଷୀକେଶ ଦାସ ଏହି ଅଭିଯାନର ନେତୃତ୍ୱ ନେଇଥିଲେ। ଅଷ୍ଟମ, ନବମ ଓ ଦଶମ ଶ୍ରେଣୀର ଛାତ୍ରୀମାନଙ୍କୁ ଋତୁସ୍ରାବର ପ୍ରଥମ ଅନୁଭୂତି ବା ମେନାର୍କି, ପ୍ରଥମ ଋତୁସ୍ରାବ ପୂର୍ବରୁ କିପରି ପ୍ରସ୍ତୁତ ରହିବେ, ଉପଯୁକ୍ତ ଖାଦ୍ୟପେୟ ଓ ଜୀବନଶୈଳୀ, ମାସିକ ଚକ୍ରର ଅନିୟମିତତା ଏବଂ କେଉଁ ସମୟରେ ଡାକ୍ତରଙ୍କ ପରାମର୍ଶ ନେବା ଆବଶ୍ୟକ, ସେ ସମ୍ପର୍କରେ ବିସ୍ତୃତ ଭାବେ ବୁଝାଯାଇଥିଲା। କାର୍ଯ୍ୟକ୍ରମର ଏକ ମୁଖ୍ୟ ଆକର୍ଷଣ ଥିଲା ଛାତ୍ରୀମାନଙ୍କ ସହ ମୁକ୍ତ ଆଲୋଚନା। ପ୍ରଥମେ କିଛି ଛାତ୍ରୀ ନିଜ ସମସ୍ୟା ପ୍ରକାଶ କରିବାକୁ ସଂକୋଚ କରୁଥିବା ବେଳେ ପରବର୍ତ୍ତୀ ସମୟରେ ସେମାନେ ଖୋଲାଖୋଲି ଭାବେ ନିଜ ଋତୁସ୍ରାବଜନିତ ସମସ୍ୟା ଓ ଅନୁଭୂତି ବାଣ୍ଟିଥିଲେ। ଅନିୟମିତ ଋତୁସ୍ରାବ ସମେତ ବିଭିନ୍ନ ସ୍ୱାସ୍ଥ୍ୟ ସମସ୍ୟା ସମ୍ପର୍କରେ ଅନେକ ପ୍ରଶ୍ନ ଉଠିଥିଲା। ଏହା ଛାତ୍ରୀମାନଙ୍କ ମଧ୍ୟରେ ଋତୁସ୍ରାବ ସମ୍ପର୍କିତ ସଚେତନତା ଓ ନିୟମିତ ସ୍ୱାସ୍ଥ୍ୟ ପରୀକ୍ଷାର ଆବଶ୍ୟକତାକୁ ସ୍ପଷ୍ଟ କରିଥିଲା। ଏହି ଅବସରରେ ମାସିକା କେୟାରର କୃତ୍ରିମ ବୁଦ୍ଧିମତ୍ତା (AI) ଆଧାରିତ ଋତୁସ୍ରାବ ସ୍ୱାସ୍ଥ୍ୟ ଆପ୍‌ର ମଧ୍ୟ ପରୀକ୍ଷାମୂଳକ ବ୍ୟବହାର କରାଯାଇଥିଲା। ଆପ୍‌ ମାଧ୍ୟମରେ ଛାତ୍ରୀମାନଙ୍କ ଋତୁସ୍ରାବ ସମ୍ପର୍କିତ ତଥ୍ୟର ପ୍ରାଥମିକ ମୂଲ୍ୟାଙ୍କନ କରାଯାଇଥିଲା। କେତେକ କ୍ଷେତ୍ରରେ ଅସ୍ୱାଭାବିକ ଓ ଅନିୟମିତ ଋତୁସ୍ରାବର ସଙ୍କେତ ମିଳିବା ପରେ ସମ୍ପୃକ୍ତ ଛାତ୍ରୀମାନଙ୍କୁ ଶୀଘ୍ର ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞଙ୍କ ପରାମର୍ଶ ନେବାକୁ ସୂଚନା ଦିଆଯାଇଥିଲା। ଏହି ଆପ୍‌ର ଉଦ୍ଦେଶ୍ୟ ହେଉଛି ମହିଳାମାନଙ୍କୁ ନିଜ ସ୍ୱାସ୍ଥ୍ୟ ସମ୍ପର୍କରେ ସଚେତନ କରିବା ଏବଂ ଆବଶ୍ୟକ ସମୟରେ ଚିକିତ୍ସା ସହାୟତା ନେବାକୁ ଉତ୍ସାହିତ କରିବା। ଉଲ୍ଲେଖଯୋଗ୍ୟ ଯେ, ମାସିକା କେୟାର ପକ୍ଷରୁ ଏହା ପୂର୍ବରୁ ତିନୋଟି ଋତୁସ୍ରାବ ସଚେତନତା ଅଭିଯାନ ଆୟୋଜିତ ହୋଇସାରିଛି। ପ୍ରଥମ ଅଭିଯାନ ବଲାଙ୍ଗୀରରେ ଆୟୋଜିତ ଏକ ବୃହତ୍ ସରକାରୀ ସ୍ୱାସ୍ଥ୍ୟ ଶିବିର ଅବସରରେ ଆରମ୍ଭ ହୋଇଥିଲା। ଏଥିରେ ଓଡ଼ିଶା ସରକାରଙ୍କ ସ୍ୱାସ୍ଥ୍ୟ ଓ ଆଇଟି ମନ୍ତ୍ରୀ ଡା. ମୁକେଶ ମହାଲିଙ୍ଗ ଯୋଗଦେଇଥିଲେ। ଏହି ଶିବିରରେ ୧୦୦୦ରୁ ଅଧିକ ଲୋକ ସାମିଲ ହୋଇଥିଲେ। ଦ୍ୱିତୀୟ ଅଭିଯାନ ଅକ୍ଟୋବର ୮ ତାରିଖରେ ଭୁବନେଶ୍ୱରସ୍ଥିତ ଜିଆଇଏଫ୍‌ଟି ଅଟୋନୋମସ୍ ଇଞ୍ଜିନିୟରିଂ କଲେଜରେ ଆୟୋଜିତ ହୋଇଥିବା ବେଳେ ଏଥିରେ ୧୩୬ରୁ ଅଧିକ ବି.ଟେକ୍ ଛାତ୍ରଛାତ୍ରୀ ଯୋଗଦେଇଥିଲେ। ତୃତୀୟ ଅଭିଯାନ ଅକ୍ଟୋବର ୩୧ ତାରିଖରେ ବାଲେଶ୍ୱର ଜିଲ୍ଲାର ସିମୁଳିଆ ବ୍ଲକ୍ ଅନ୍ତର୍ଗତ କନେଇବିନ୍ଧାସ୍ଥିତ ଦଶଭୁଜା ହାଇସ୍କୁଲରେ ଆୟୋଜିତ ହୋଇଥିଲା। ଏଥିରେ ୬୮ରୁ ଅଧିକ ଛାତ୍ରୀଙ୍କ ସହ ୧୦ ଜଣ ପର୍ଯ୍ୟନ୍ତ ଆଶାକର୍ମୀ ମଧ୍ୟ ଅଂଶଗ୍ରହଣ କରିଥିଲେ। ଏହି ଚାରିଟି ଅଭିଯାନ ମାଧ୍ୟମରେ ସହରାଞ୍ଚଳଠାରୁ ଗ୍ରାମାଞ୍ଚଳ ଏବଂ ଶିକ୍ଷାନୁଷ୍ଠାନଠାରୁ ସାଧାରଣ ଜନସମାଜ ପର୍ଯ୍ୟନ୍ତ ଋତୁସ୍ରାବ ସ୍ୱାସ୍ଥ୍ୟର ବାର୍ତ୍ତା ପହଞ୍ଚାଇବାକୁ ଉଦ୍ୟମ କରାଯାଉଛି। ମାସିକା କେୟାରର ମୂଳ ଲକ୍ଷ୍ୟ ହେଉଛି ଋତୁସ୍ରାବକୁ ନେଇ ରହିଥିବା ସାମାଜିକ ଅନ୍ଧବିଶ୍ୱାସ ଓ ସଂକୋଚ ଦୂର କରିବା ସହ ମହିଳାଙ୍କ ସ୍ୱାସ୍ଥ୍ୟକୁ ପ୍ରାଥମିକତା ଦେବା। ବିଶେଷକରି ଗ୍ରାମୀଣ ଭାରତର କିଶୋରୀମାନେ ଯେପରି ନିର୍ଭୟରେ ନିଜ ସମସ୍ୟା ବିଷୟରେ କହିପାରିବେ ଏବଂ ସମୟୋଚିତ ଚିକିତ୍ସା ପାଇପାରିବେ, ସେଥିପାଇଁ ସଚେତନତା ସହ ଆଧୁନିକ AI ପ୍ରଯୁକ୍ତିର ବ୍ୟବହାର ଉପରେ ସଂସ୍ଥା ଗୁରୁତ୍ୱ ଦେଉଛି। ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀମାନେ ଏହି ପଦକ୍ଷେପକୁ ପ୍ରଶଂସା କରିବା ସହ ଏଭଳି କାର୍ଯ୍ୟକ୍ରମ ନିୟମିତ ଆୟୋଜନ କରିବାର ଆବଶ୍ୟକତା ଉପରେ ମତ ରଖିଥିଲେ। ଋତୁସ୍ରାବ କୌଣସି ଲଜ୍ଜାର ବିଷୟ ନୁହେଁ, ଏହା ଏକ ସ୍ୱାଭାବିକ ଜୈବିକ ପ୍ରକ୍ରିୟା। ଏହାକୁ ନେଇ ନୀରବତା ନୁହେଁ, ଖୋଲା ଆଲୋଚନା ଓ ସଠିକ୍ ସ୍ୱାସ୍ଥ୍ୟ ସଚେତନତା ହିଁ ସୁସ୍ଥ ସମାଜ ଗଠନର ମାର୍ଗ ବୋଲି ମାସିକା କେୟାର ପକ୍ଷରୁ ବାର୍ତ୍ତା ଦିଆଯାଇଛି।

Sundargarh Town, Sundargarh | Nov 10, 2026

MORE NEWS