नवी मुंबई पावसाने झोडपली!
खारघरमध्ये ४२ तासांत तब्बल
४५६ मिमी पावसाची नोंद...
.
.
नवी मुंबई: नवी मुंबई आणि पनवेल परिसरात गेल्या दोन दिवसांपासून पावसाने अक्षरशः हाहाकार माजवला आहे. सतत सुरू असलेल्या मुसळधार पावसामुळे जनजीवन विस्कळीत झाले असून, खारघर (Kharghar) परिसरात गेल्या ४२ तासांत तब्बल ४५६ मिमी इतक्या विक्रमी पावसाची नोंद झाली आहे. या रेकॉर्डब्रेक पावसामुळे खारघरसह संपूर्ण नवी मुंबईत चिंतेचे वातावरण आहे.पावसाचा जोर इतका प्रचंड आहे की खारघरमधील अंतर्गत रस्ते, सेक्टर आणि सखल भागांना तलावाचे स्वरूप आले आहे. मुसळधार पावसामुळे ठिकठिकाणी वाहतूक कोंडी झाली असून वाहनधारकांना संथ गतीने प्रवास करावा लागत आहे. खारघर व्यतिरिक्त बेलापूर, नेरुळ, वाशी आणि पनवेल परिसरातही पावसाची धुवांधार बॅटिंग सुरू असून अनेक गृहनिर्माण सोसायट्यांच्या आवारात पाणी साचल्याची माहिती समोर येत आहे.हवामान खात्याने (IMD) दिलेल्या इशाऱ्यानुसार पुढील २४ तास देखील अत्यंत महत्त्वाचे असून पावसाचा जोर असाच कायम राहण्याची शक्यता आहे. परिस्थिती पाहता स्थानिक पालिका प्रशासन आणि आपत्ती व्यवस्थापन पथक सतर्क झाले आहे. नागरिकांनी अत्यंत आवश्यक काम असेल तरच घराबाहेर पडावे, तसेच पुलांवरून किंवा पाण्याचा प्रवाह असलेल्या रस्त्यांवरून प्रवास करताना काळजी घ्यावी, असे आवाहन प्रशासनाने केले आहे.
.
.
.
#NaviMumbaiRains #KhargharRain #MumbaiRains #NaviMumbai #PanvelRains #Monsoon2026 #Kharghar #BreakingNews #MaharashtraRains #weatherupdate
Haveli, Pune | Jul 2, 2026 
