ଡଭା ସୋସାଇଟିରେ 514 ଜଣଙ୍କ ଚାଷୀଙ୍କ ଟୋକନ ଆଦୌ ନ ଆସିବାରୁ ଆଞ୍ଚଳିକ କୃଷକ ସଂଗଠନ ତରଫରୁ 13 ଦିନର ଅହୋରାତ୍ର ଆମରଣ ଅନଶନରେ ବସିଥିଲେ। ପଦ୍ମପୁର ଉପଜିଲ୍ଲାପାଳ ହେମସାଗର ଭୋଇ, ARCS ଏବଂ ACSO ଆସି ଆନ୍ଦୋଳନ କାରୀଙ୍କ ସହିତ ଆଲୋଚନା କରିଥିଲେ। ଟୋକନ ପାଇବାରୁ ବଞ୍ଚିତ ଥିବା 68 ଜଣ ଚାଷୀଙ୍କ ଟୋକନ ଆସିଅଛି ଏବଂ ଧୀରେଧୀରେ ସମସ୍ତ ପଞ୍ଜିକୃତ ଚାଷୀଙ୍କ ଟୋକନ ଆସିବ ଓ ସମସ୍ତ ଚାଷୀ ସରକାରୀ ମୂଲ୍ୟରେ ଧାନ ବିକ୍ରି କରିପାରିବେ,କୌଣସି ଚାଷୀଙ୍କ କଟନୀ ଛଟଣୀ ହେବନାହିଁ ବୋଲି ନିର୍ଭର ପ୍ରତିଶୃତି ଦେଲା ପରେ ଚାଷୀମାନେ ଆନ୍ଦୋଳନରୁ ଉହୁରିଥିଲେ। ଯଦି ଚାଷୀମାନଙ୍କ ଧାନ ବିକ୍ରି ନ ହୁଏ ତାହାହେଲେ ପୁଣି ଆନ୍ଦୋଳନକୁ ଦୁର୍ବାର କରାଯିବ ବୋଲି ସଙ୍ଗଠନ ତରଫରୁ ଚେତାବନୀ ଦେଇଛନ୍ତି। ପ୍ରକାଶ ଥାଉକି ଝାରବନ୍ଧ ବ୍ଲକ ଜିଲ୍ଲା ମହକୁମାରୁ 140 ଦୂରରେ ଥିବା ଅବିକଶିତ ଆଦିବାସୀ ବହୁଳ ଏବଂ ଦାଦନ ପ୍ରବଣ ଅଞ୍ଚଳ ଅଟେ। ଏହି ବ୍ଲକରେ ବିଶେଷ ଭାବରେ ଜଳସେଚନ ସୁବିଧା ନାହିଁ ନିଜସ୍ୱ ବା ସରକାରଙ୍କ ତରଫରୁ ଗଭୀର ନଳକୂପ ଜରିଆରେ ଚାଷ ହେଉଅଛି। ବିଦ୍ୟୁତ ସାହାଯ୍ୟ ଜଳସେଚନ ଅତ୍ୟନ୍ତ ଖର୍ଚ୍ଚ ବହୁଳ ଓ ଶ୍ରମଭିତ୍ତିକ ଅଟେ। ଏଣୁ ଏହି ଅଞ୍ଚଳର ଚାଷୀମାନେ ସର୍ବନିମ୍ନ ସରକାରୀ ସୁବିଧା ପାଇବାରୁ ମଧ୍ୟ ବଞ୍ଚିତ ହୋଇଥାନ୍ତି। ଏଣୁ କଷ୍ଟ ଉପାର୍ଜିତ କୃଷିଜାୟ ଫସଲ ଧାନ ବିକ୍ରି ପାଇଁ ଅନେକ ଅସୁବିଧାର ସମ୍ମୁଖୀନ ହୋଇଥାନ୍ତି। ଚଳିତ ବର୍ଷ ରବିଋତୁରେ ଧାନବିକ୍ରି ପାଇଁ ପଞ୍ଜିକରଣ ହୋଇ ଟୋକନ ନ ଆସିବା ସେମାନଙ୍କ ପାଇଁ ଅଭିଶାପ ମନେହେଉଥିଲା। ଆଜି ଉପଜିଲ୍ଲାପାଳ ଆସି ଧାନ କିଣାର ଆଶ୍ୱାସନା ପରେ ଚାଷୀମାହଳରେ ଆନନ୍ଦର ଲହରୀ ଖେଳି ଯାଇଥିଲା। ଆନ୍ଦୋଳନ କାରୀମାନେ ବିଭିନ୍ନ ନାରା ଦେଇ ମୋଟର ସାଇକେଲ ଯୋଗେ ଡଭା ଗ୍ରାମ ପରିକ୍ରମା କରିଥିଲେ। ପରେ ସପ୍ତତାହିକି ବଜାର ପାଖରେ ଥିବା ବୀର ବଜରଙ୍ଗ ବଳି ମନ୍ଦିରରେ ପୂଜାର୍ଚନା କରି ବାଣ ଫୋଟଇ ପରସ୍ପର ମଧ୍ୟରେ ଆଲିଙ୍ଗନ କାରକରି ହୋଇ ମିଠା ବଣ୍ଟନ କରିଥିଲେ।ଆନ୍ଦୋଳନ କାରୀଙ୍କୁ ସହଯୋଗ କରୁଥିବା ସଂଯୁକ୍ତ କୃଷକର ରମେଶ ମହାପାତ୍ର, ଅଜିତ ଶତପଥୀ, ରବିଶଙ୍କର ପଧାନ, କିଶୋର ସାହୁ, ପ୍ରଭାତ ସାହୁ ଙ୍କ କହିବା ଅନୁସାରେ ଏହା ତାଙ୍କ ପାଇଁ ବିଜୟୀ ଅଟେ।