#ଖେଳପଡିଆ ମଝିରେ ବେଆଇନ ବୃକ୍ଷରୋପଣ ଅଭିଯୋଗରେ ଜିଲ୍ଲାପାଳଙ୍କ ଦ୍ୱାରସ୍ଥ ଗ୍ରାମବାସୀ। ସୂଚନାନୁସାରେ ମୟୂରଭଞ୍ଜ ଜିଲ୍ଲା ବାରିପଦା ସଦର ଥାନା ଅନ୍ତର୍ଗତ ଶ୍ୟାମାଖୁଣ୍ଟା ବ୍ଲକ ଅଧିନ ବେଶରପାଣି ହାଟ ନିକଟ ଶରତଚନ୍ଦ୍ରପୁର ଗ୍ରାମ ଖେଳପଡିଆ ମଝିରେ ବେଆଇନ ଭାବେ ଚାଲିଥିବା ବୃକ୍ଷରୋପଣ କାର୍ଯ୍ୟକୁ ବିରୋଧ କରିଛନ୍ତି ସ୍ଥାନୀୟ ଯୁବଗୋଷ୍ଟି ଓ ଗ୍ରାମବାସୀ।ଉକ୍ତ ଗ୍ରାମର ଏହି ଖେଳ ପଡିଆରେ ତିନୋଟି ସାହି ଏବଂ ଆଖପାଖ ଅଞ୍ଚଳର ଯୁବଗୋଷ୍ଠୀ ମାନେ ବିଭିନ୍ନ ପ୍ରକାର ଖେଳ ଯଥା ଫୁଟବଲ,ଚକ୍ରି ଆଦି ର ପ୍ରତିଯୋଗିତା ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥାଏ।ଖାଲି ସେତିକି ନୁହେଁ ବେଶରପାଣି ଉ:ପ୍ରା ବିଦ୍ୟାଳୟର ପିଲାମାନେ ମଧ୍ୟ ନିଜର ଶାରୀରିକ ବିକାଶ ନିମନ୍ତେ ଏହି ଖେଳପଡିଆ କୁ ବ୍ୟବହାର କରିଥାନ୍ତି।ଯୋଉଥି ପାଇଁ ପଡ଼ିଆର ଉନ୍ନତିକରଣ କାର୍ଯ୍ୟ ମଧ୍ୟ ଚାଲିଥିଲା।ମାତ୍ର କିଛି ସ୍ୱାର୍ଥବାଦୀ ଲୋକ ଖେଳପଡିଆ ମଝିରେ ବୃକ୍ଷରୋପଣ କରି ପଡିଆକୁ ନଷ୍ଟ କରିବା ଅଭିଯୋଗରେ ସର୍ବଦୟ କ୍ଳବର ସଭାପତି ଗୁରୁଦେବ ପାତ୍ର,ସମ୍ପାଦକ ରବୀନ୍ଦ୍ର ସିଂ ଙ୍କ ନେତୃତ୍ୱରେ ଶରତଚନ୍ଦ୍ରପୁର ଗ୍ରାମର ଶତାଧିକ ଗ୍ରାମବାସୀ ମୟୂରଭଞ୍ଜ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇ ଯଥାଶୀଘ୍ର ଖେଳପଡିଆ ମଝିରେ ବୃକ୍ଷରୋପଣ କାର୍ଯ୍ୟକୁ ବନ୍ଦ କରାଯାଇ ଉକ୍ତ ପଡିଆକୁ ପୁନ୍ନରୁଦ୍ଧାର କରିବା ପାଇଁ ଏକ ଦାବିପତ୍ର ପ୍ରଦାନ କରିଛନ୍ତି।।।।। #Mayurbhanj #baripada