আজি মৰিগাওঁ জিলা বিদ্যালয়সমূহৰ পৰিদৰ্শকৰ কাৰ্য্যালয়ৰ উদ্যোগত ৰাষ্ট্ৰীয় লোকনৃত্য প্ৰতিযোগিতা অনুষ্ঠিত কৰা হয়। বঘৰা উচ্চতৰ মাধ্যমিক বিদ্যালয়ত অনুষ্ঠিত হোৱা প্ৰতিযোগিতা খনত জিলাখনৰ বিভিন্ন বিদ্যালয়ৰ ৯ তা সাংস্কৃতিক দলে অংশগ্ৰহণ কৰে। প্ৰতিযোগিতাখনত বিষ্ণু জ্যোতি উচ্চ মাধ্যমিক বিদ্যালয়ৰ তিৱা নৃত্য দলটোৱে প্ৰথম স্থান , গড়মাৰী আঞ্চলিক বিদ্যালয়ে দ্বিতীয় স্থান আৰু শলমাৰি উচ্চ মাধ্যমিক বিদ্যালয়ে তৃতীয় স্থান দখল কৰে। মৰিগাওঁ জিলা বিদ্যালয়সমূহৰ পৰিদৰ্শক ড০ অপূৰ্ব ঠাকুৰীয়াই প্ৰতিযোগিতাখন উদ্বোধন কৰাৰ লগতে প্ৰতিযোগীসকলক উদ্দেশ্যি শুভেচ্ছামূলক বক্তব্য আগবঢ়ায়।উল্লেখ্য যে জিলা পৰ্যায়ত প্ৰথম স্থানপ্ৰাপ্ত বিষ্ণু জ্যোতি উচ্চ মাধ্যমিক বিদ্যালয়ৰ দলটিয়ে ৰাজ্যিক পৰ্যায়ৰ প্ৰতিযোগিতাত অংশগ্ৰহণ কৰাৰ সুযোগ লাভ কৰিছে।

Laharighat, Morigaon | Oct 22, 2026

MORE NEWS