શહેરા: શહેરા તાલુકા પંચાયતના નવા હોદ્દેદારો વાહન છોડી પગપાળા ઉમેદવારીપત્ર ભરવા પહોંચ્યા હતા
વડાપ્રધાન નરેન્દ્રભાઈ મોદી અને શહેરાના ધારાસભ્ય જેઠાભાઈ ભરવાડની ઈંધણ બચાવવાની અપીલને લઈ શહેરા તાલુકા પંચાયતના પ્રમુખ, ઉપપ્રમુખ સહિતના હોદ્દેદારો મેન્ડેટ જાહેર થયા બાદ ઉમેદવારી પત્ર ભરવા માટે શહેરા તાલુકા ભાજપ કાર્યાલયથી તાલુકા પંચાયત કચેરી સુધી કોઈપણ વાહનનો ઉપયોગ કર્યા વગર પગપાળા ચાલીને પહોંચ્યા હતા. આ પદયાત્રામાં જિલ્લા ભાજપ ઉપપ્રમુખ પરેશભાઈ ચૌહાણ અને શહેરા તાલુકા ભાજપ પ્રમુખ ધર્મેન્દ્ર પટેલ સહિત ભાજપના હોદ્દેદારો અને કાર્યકરો પણ જોડાયા હતા.