লাহৰীঘাটৰ বৰবৰী ৰিজাৰ্ভৰ এগৰাকী লোকৰ বাসগৃহত সংঘটিত হয় ভয়াৱহ অগ্নিকাণ্ড। অগ্নিকাণ্ডত বহু টকাৰ ক্ষয়-ক্ষতি হয়। বৰ্তমানলৈকে জানিব পৰা হোৱা নাই জুই সুত্ৰপাতৰ কাৰণ।
Laharighat, Morigaon | Jun 21, 2026
MORE NEWS
লাহৰীঘাট সমষ্টিৰ কংগ্ৰেছ দলৰ ৩ জিলা পৰিষদ সদস্যৰ দলত্যাগ। কালি মন্ত্ৰী পিয়ুষ হাজৰিকাৰ উপস্থিতিত বিজেপিত যোগদান কৰিব বুলি জানিব পৰা গৈছে।
Laharighat, Morigaon | Jun 22, 2026
২৫ বছৰৰ অপেক্ষাৰ অন্তত পুনৰ নিৰ্মাণ হ’ব হাঁহচৰা বড়ীৰ পকী দলং ২০০১ চনত ব্ৰহ্মপুত্ৰ নদীৰ ভয়ংকৰ বানপানীয়ে উৰুৱাই নিয়া নগাঁও–ভূৰাগাঁও গড়কাপ্তানী পথৰ হাঁহচৰা বড়ীৰ ৩৭/১ নম্বৰৰ পকী দলংখন অৱশেষত পুনৰ নিৰ্মাণৰ দিশে আগবাঢ়িছে। প্ৰায় ২৫ বছৰৰ দীঘলীয়া অপেক্ষাৰ অন্তত অসম চৰকাৰৰ উদ্যোগত আৰু বিশ্ব বেংকৰ অৰ্থ সাহায্যত এই গুৰুত্বপূৰ্ণ দলংখন নিৰ্মাণৰ প্ৰস্তুতি আৰম্ভ হৈছে।প্ৰায় ৬০ মিটাৰ দৈৰ্ঘ্যৰ এই দলংখন নিৰ্মাণৰ বাবে বিশ্ব বেংকে ইতিমধ্যে প্ৰয়োজনীয় ধন অনুমোদন কৰিছে। মৰিগাঁও লোক নিৰ্মাণ বিভাগৰ কাৰ্যবাহী অভিযন্তাৰ একান্ত প্ৰচেষ্টাত এই দলংখন পুনৰ নিৰ্মাণৰ কাম আৰম্ভ হৈছে। নিৰ্মাণ প্ৰক্ৰিয়াক ত্বৰান্বিত কৰাৰ লক্ষ্যৰে আজি মৰিগাঁও লোক নিৰ্মাণ বিভাগৰ মৰিগাঁও ক্ষেত্ৰীয় সংমণ্ডলৰ কাৰ্যবাহী অভিযন্তা ইস্তীয়াক আহমেদৰ নেতৃত্বত সহকাৰী অভিযন্তা ছফিকুল ইছলাম, কবিৰ প্ৰসাদ ডেকা আৰু বিভাগটোৰ আন বিষয়ববীয়াসকলে স্থান পৰিদৰ্শন কৰি প্ৰয়োজনীয় পৰীক্ষা-নিৰীক্ষা সম্পন্ন কৰে।পৰিদৰ্শন কালত অভিযন্তাসকলে মাটিৰ গুণাগুণ পৰীক্ষা কৰাৰ লগতে দলংখনৰ ডিজাইন আৰু ড্ৰয়িং প্ৰস্তুতৰ কামো প্ৰায় সম্পূৰ্ণ হোৱা বুলি জানিবলৈ দিয়ে। শীঘ্ৰেই নিৰ্মাণ কাৰ্য আৰম্ভ হোৱাৰ সম্ভাৱনা আছে। উল্লেখযোগ্য যে, ২০০১ চনৰ বিধ্বংসী বানপানীত দলংখন ধ্বংস হোৱাৰ পাছৰে পৰা মৈৰাবাৰী, লাহৰীঘাট, ভূৰাগাঁও আদি অঞ্চলৰ হাজাৰ হাজাৰ লোক যাতায়াতৰ ক্ষেত্ৰত চূড়ান্ত দুৰ্ভোগৰ সন্মুখীন হৈ আহিছে। বিশেষকৈ শিক্ষাৰ্থী, ৰোগী, কৃষক আৰু ব্যৱসায়ীসকলে বিকল্প পথেৰে দীঘলীয়া দূৰত্ব অতিক্ৰম কৰিবলগীয়া হৈছিল।স্থানীয় ৰাইজে বহু বছৰ ধৰি দলংখন পুনৰ নিৰ্মাণৰ দাবী উত্থাপন কৰি আহিছিল। অৱশেষত সেই দাবী বাস্তৱৰ দিশে আগবঢ়াত অঞ্চলজুৰি আনন্দৰ জোৱাৰ দেখা গৈছে।ৰাইজৰ মতে, দলংখন নিৰ্মাণ সম্পূৰ্ণ হ’লে মৈৰাবাৰী, লাহৰীঘাট, ভূৰাগাঁও আৰু সংলগ্ন বিস্তীৰ্ণ অঞ্চলৰ যোগাযোগ ব্যৱস্থা অধিক সুদৃঢ় হোৱাৰ লগতে শিক্ষা, স্বাস্থ্য, কৃষি আৰু বাণিজ্য ক্ষেত্ৰতো নতুন গতি সঞ্চাৰ হ’ব।
Laharighat, Morigaon | Jun 22, 2026
মৰিগাঁৱৰ ৰাণী ইটাভাটাত নিজৰ এখন গাড়ী ভাড়াত দি বিপদত পৰিছে লাহৰীঘাটৰ টেঙাগুৰিৰ এই গৰাকী ছিদ্দিক আলী।লাহৰীঘাট আৰক্ষীৰ দুৱাৰে-দুৱাৰে ঘূৰিও কোনো ধৰণৰ ন্যায় নোপোৱাৰ অভিযোগ! আজি ভুক্তভোগীয়ে এখনি সংবাদ মেলৰ আয়োজন কৰি তীব্ৰ ক্ষোভ প্ৰকাশ কৰে।
Laharighat, Morigaon | Jun 22, 2026
