₹60 હજારની નોકરી છૂટી અને પછી બાઈક ચોરીના કેસમાં ઝડપાયો MBAનો અભ્યાસ કરતો યુવક!
Amdavadના સોલા-ચાણક્યપુરી વિસ્તારમાં થયેલી બાઈક ચોરીની તપાસ દરમિયાન સોલા પોલીસે 25 વર્ષીય દર્શન તિરગર નામના યુવકની ધરપકડ કરી છે. પોલીસના જણાવ્યા મુજબ, દર્શન MBAનો અભ્યાસ કરે છે અને અગાઉ IT કંપનીમાં આશરે ₹60 હજારના પગારની નોકરી કરતો હતો. નોકરી છૂટી ગયા બાદ તેણે Blinkitમાં ડિલિવરીનું કામ શરૂ કર્યું હતું.
પોલીસ તપાસ મુજબ, તેની આવક મોજશોખ માટે ઓછી પડતી હોવાથી તેણે બાઈક ચોરી કરવાનું શરૂ કર્યું હતું. ચોરીની તપાસ દરમિયાન CCTVમાં ટોપી પહેરેલો અને મુંડન કરાવેલો એક શંકાસ્પદ યુવક બાઈક લઈ જતો જોવા મળ્યો હતો. આ જ ઓળખના આધારે પોલીસે ચાણક્યપુરી વિસ્તારમાં તપાસ કરી અને દર્શન સુધી પહોંચી.
પોલીસે ચોરીનું બાઈક પણ કબજે કર્યું છે. યુવકે અન્ય કોઈ ચોરી કરી છે કે નહીં તે અંગે સોલા પોલીસ વધુ તપાસ કરી રહી છે.
#Amdavad #SolaPolice #BikeTheft #CrimeNews #AhmedabadNews
