નારોલ વિસ્તારમાં એક દુઃખદ ઘટના સામે આવી છે. શાંતિ શુક્ર સોસાયટીમાં લિફ્ટમાં ફસાઈ જતાં 12 વર્ષના અંશુ ભગેલનું મોત થયું છે.
મળતી માહિતી મુજબ, ધોરણ 7માં અભ્યાસ કરતો અંશુ ઘરેથી ટ્યૂશન જવા નીકળ્યો હતો. આ દરમિયાન લિફ્ટ અને દરવાજાના લોખંડના સળિયા વચ્ચે તેનું માથું ફસાઈ જતાં તેને ગંભીર ઈજા પહોંચી હતી અને તેનું મોત થયું હતું.
ઘટના બાદ પરિવારમાં શોકનો માહોલ છે. પરિવારજનો અને સ્થાનિકોએ આક્ષેપ કર્યો છે કે લિફ્ટ ઘણા સમયથી વારંવાર ખરાબ થતી હતી અને આ અંગે રજૂઆત કરવા છતાં યોગ્ય કાર્યવાહી કરવામાં આવી નહોતી.
નારોલ પોલીસે જણાવ્યું છે કે FSL અને ટેક્નિશિયનની મદદથી ઘટનાની તપાસ કરવામાં આવશે. તપાસમાં જેની પણ બેદરકારી સામે આવશે તેની સામે ગુનો નોંધી કાર્યવાહી કરવામાં આવશે.
#Amdavad #Narol #AhmedabadNews #GujaratNews #LocalNews
