નાનપુરામાં મોટું ઝાડ ધરાશાયી, 3 લોકો અને વાહનો દબાયા
સુરતના નાનપુરા વિસ્તારમાં ધોતીવાલા બેકરી પાસે અચાનક મોટું ઝાડ ધરાશાયી થતાં ત્રણ લોકો અને અનેક વાહનો દબાઈ ગયા.
આ વિસ્તારમાં માછીમારો દ્વારા માછલી વેચાણ કરવામાં આવતું હોવાથી અહીં લોકોની ભારે અવરજવર રહે છે.
ઘટનાની જાણ થતાં ફાયર વિભાગની ટીમ રવાના થઈ હતી. જોકે ફાયર ટીમ પહોંચે તે પહેલાં જ નાનપુરાના સ્થાનિક રહેવાસીઓએ તાત્કાલિક રેસ્ક્યૂ કરી ત્રણેય લોકોને બહાર કાઢી હોસ્પિટલ ખસેડ્યા હતા.
ફાયર વિભાગની ટીમ દ્વારા હવે ઝાડને કાપી દબાયેલા વાહનો બહાર કાઢવાની કામગીરી હાથ ધરાઈ છે.
Udhna, Surat | Sep 26, 2026 
