ডিব্ৰুগড়ৰ আগশাৰীৰ কোচিং প্ৰতিষ্ঠান এলেন ইনষ্টিটিউটত সৃষ্টি হৈছে এক উত্তপ্ত পৰিস্থিতিৰ। অভিযোগ অনুসৰি, নামভৰ্তিৰ সময়ত ছাত্ৰ-ছাত্ৰী আৰু অভিভাৱকসকলক যি স্কলাৰশ্বিপৰ প্ৰতিশ্ৰুতি দিয়া হৈছিল, ৬ মাহ পাৰ হোৱাৰ পাছত এতিয়া তাক একাষৰীয়া কৰি ছাত্ৰ-ছাত্ৰীসকলক সম্পূৰ্ণ মাচুল (Payment) আদায় দিবলৈ হেঁচা প্ৰয়োগ কৰা হৈছে। এই সিদ্ধান্তৰ বিৰুদ্ধে ক্ষুব্ধ হৈ পৰিছে অভিভাৱকসকল। ৰাজ্য চৰকাৰৰ নীতি আৰু সংস্থাবোৰৰ এনে হঠকাৰী সিদ্ধান্তই ছাত্ৰ-ছাত্ৰীসকলৰ ভৱিষ্যতক লৈ অনিশ্চয়তাৰ সৃষ্টি কৰা বুলি অভিযোগ উঠিছে। বিষয়টোক লৈ যুৱ আয়োগেও সৰৱ ভূমিকা গ্ৰহণ কৰিছে আৰু সিদ্ধান্ত প্ৰত্যাহাৰ নকৰিলে ৰাজপথত আন্দোলনৰ হুংকাৰ দিয়ে।
পৰীক্ষাৰ জৰিয়তে যোগ্য ছাত্ৰ-ছাত্ৰীক স্কলাৰশ্বিপ দিয়াৰ প্ৰতিশ্ৰুতি দিয়া হৈছিল। কিন্তু নামভৰ্তিৰ ৬ মাহ পাৰ হোৱাৰ পাছতেই যেন হঠাৎ সলনি হৈ পৰিল নীতি-নিয়ম! এতিয়া স্কলাৰশ্বিপৰ সুবিধাৰ সলনি ছাত্ৰ-ছাত্ৰীক পোনপটীয়াকৈ ধন আদায় দিবলৈ হেঁচা দিয়াৰ গুৰুতৰ অভিযোগ উঠিছে ডিব্ৰুগড়ৰ এলেন ইনষ্টিটিউটৰ বিৰুদ্ধে।
