मंदिराच्या जमिनीच्या वादातून तुफान राडा...! दोन गट आमनेसामने, २० जणांवर गुन्हे दाखल... धाराशिव जिल्ह्यातील लोहारा तालुक्यातील अचलेर तांडा येथे संत सेवालाल महाराज मंदिराच्या जमिनीच्या वाटप आणि सीमांकनाच्या वादातून दोन गटांमध्ये जोरदार हाणामारी झाल्याची घटना समोर आली आहे. या संघर्षामुळे परिसरात काही काळ तणावाचे वातावरण निर्माण झाले. मिळालेल्या माहितीनुसार, मंदिराच्या जमिनीची मोजणी आणि हद्द निश्चित करण्यासाठी महसूल विभागाचे अधिकारी घटनास्थळी आले होते. यावेळी दोन गटांमध्ये वाद निर्माण झाला आणि त्याचे रूपांतर हिंसक संघर्षात झाले. दोन्ही बाजूंनी काठ्या, काटेरी फांद्या आणि इतर वस्तूंचा वापर करून हल्ले केल्याचा आरोप आहे. या घटनेत काही जण जखमी झाले असून महिलांनाही मारहाण झाल्याचे सांगितले जात आहे. घटनेचा व्हिडिओ सोशल मीडियावर व्हायरल झाला असून, पोलिसांनी तात्काळ हस्तक्षेप करत परिस्थिती नियंत्रणात आणली. या प्रकरणी २० जणांविरोधात गुन्हे दाखल करण्यात आले असून पुढील तपास सुरू आहे. व्हिडिओ 🎥 : महाव्हाईस न्यूज डेस्क #Dharashiv #Lohara #TempleLandDispute #CrimeNews #MaharashtraNews #ViralVideo #PoliceAction #LocalNews #IndiaNews